- यूहन्‍ना के दरसन कौ खुलासा 5:9 - Bundeli Holy Bible

⁹ और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।

- यूहन्‍ना के दरसन कौ खुलासा 5:9 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मत्ती 26:28

कायसे जे कौल कौ मोरो बो रकत आय, जौन बिलात लोगन के लाने पापन की छमा के लाने बहाओ जात आय।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- पैली कुरिन्थियों 6:20

कायसे टका देके खरीद लए गए आव, ई लाने अपनी देयां से परमेसुर की बड़वाई करो।

- पैली कुरिन्थियों 7:23

तुम टका देके मोल लए गए आव, मान्सन के चाकर न बनो।

- इफिसियों 1:7

हम हां उन में और उनके रकत में हमाए बुरे कामन की क्षिमा, उनके दया जैसे धन में से मिलो।

- इफिसियों 5:19

मिल जुल के भजन और गुनगान और आत्मा के गीत गाओ, और अपने मन में पिरभू के सामूं गात रओ और कीर्तन करो।

- कुलुस्सियों 1:14

जिन ने हमें पापन से छुड़ा के, पापन से क्षिमा करो।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 11:14

जौन ऐसी बातें कैत आंय, बे जौ दिखात आंय, कि बे अपने देस और जांगा जिते उन हां जाने आय खोजत होबें।

- 2 पतरस 2:1

जौन भांत उन मान्सन में लबरे आगमवकता हते ओई भांत तुम में सोई लबरे परचारक हुईयें, जौन नास करबेवारे पाखंड कौ उद्घाटन लुके लुके कर हैं, बे अपने ऊ मालक को जीने उन हां मोल लओ आय मैट दें हैं, और अपने आप हां भारी नास की गैराई में डार दें हैं।

- 1 यूहन्‍ना 1:7

जैसे बे ज्योत में रैत आंय, ऊंसई हम सोई ज्योत में चलबें, तो हम एक दूजे से मिलके रैबें; और पिरभु यीशु मसीह के रक्त के जस से हमाए पाप कट जै हैं।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।

- यूहन्‍ना के दरसन कौ खुलासा 10:11

तब मोसे जौ कहो गओ, कि तोहां मुल्क के मान्सन, और जातियन, और जो दूसरी बोली बोलत आंय, और राजन पै, फिन आगमवानी करने हुईये।

- यूहन्‍ना के दरसन कौ खुलासा 11:9

और सबरे जनें, और कुल, और तरहां तरहां की बोली बोलबेवारे और जातियन के जनें, साढ़े तीन दिना लौ उन की लाश हां तकत रै हैं, और उन की लाशन हां कबर में न धरन दै हैं।

- यूहन्‍ना के दरसन कौ खुलासा 13:7

और ऊहां परमेसुर के लोगन से लड़बे, और उन हां हरा दैबे, और ऊहां एक एक कुल, लोग और अलग अलग भाषा बोलबेवारन, और जाति पै अधकार दओ गओ।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 14:6

फिन मैंने एक सरगदूत हां आकास के बीच उड़त तको, जीके ऐंगर धरती पै रैबेवारे सब जातियन, सबरी बोली बोलबेवारे, और मान्सन हां सुनाबे हां सनातन सुसमाचार हतो।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।

- यूहन्‍ना के दरसन कौ खुलासा 17:15

फिन ऊ ने मोय से कहो, कि जो पानू तेंने तको, जीपै बा वेश्या बैठी आय, बे लोग, और भीड़ और सबरी जातन, और बोली बोलबेवारन में से आंय।

- यूहन्‍ना के दरसन कौ खुलासा 4:11

कि हमाए पिरभू, और परमेसुर, तुमईं मान, गुनगान और जस पाबे के लायक आव; कायसे तुमईं ने सबरे संसार की बस्तन हां अपनी मरजी से बनाओ।

- यूहन्‍ना के दरसन कौ खुलासा 5:12

और बे ऊंची आवाज में कैत हते; कि बलिदान भओ मेमना बल, धन, और ज्ञान, और मान, और मईमा, और धन्नबाद के जोग आय।

- यूहन्‍ना के दरसन कौ खुलासा 5:6

सो मैंने ऊ सिंहासन और चारई जनावर और उन प्राचीनन के बीच में, मानो एक मारो गओ गाड़र कौ बच्चा ठांड़ो तको: ऊके सात सींग और सातई आंखें हतीं; बे परमेसुर की सातई आत्मा आंय, जौन पूरे संसार में पठैई गईं हतीं।