- यूहन्‍ना के दरसन कौ खुलासा 3:7 - Bundeli Holy Bible

⁷ और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।

- यूहन्‍ना के दरसन कौ खुलासा 3:7 ပူးပေါင်းရင်းမြစ်များ

- मत्ती 16:19

मैं तोय सरग के राज्य की कुंजी दै हों: और जो कछु तें धरती पे बांध है, बो सरग में बंध है; और जो कछु तें धरती पे खोल है, बो सरग में खुल है।

- मत्ती 24:35

आकास और धरती टल जै हैं, पर मोरी बातें कभऊं न टल हैं।

- मरकुस 1:24

ऊ ने चिल्ला के कओ, हे यीशु नासरी, हमें तोय से का काम? काय तें हमें नास करबे आओ आय? मैं तोहां जानत आंव, तें को आय? परमेसुर कौ शुद्ध मान्स!

- लूका 1:32

ऊ जसवारो हुईये, और परमप्रधान कौ पूत कहा है; और पिरभु परमेसुर ऊके बाप दाऊद कौ राज ऊहां दै है।

- लूका 4:34

बो जोर से चिल्ला उठो, हे यीशु नासरी, हम हां तोसे का काम? का तें हम हां नास करबे हां आओ आय? मैं तोहां चीनत आंव तें को आय? तें परमेसुर कौ पवित्तर जन आय।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- प्रेरितन के काम 3:14

तुम ने ऊ पवित्तर और धरमी हां नकार दओ, और बिन्तवाई करी, कि एक हत्यारे हां तुमाए लाने छोड़ दओ जाबै।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।

- यूहन्‍ना के दरसन कौ खुलासा 16:7

फिन मैंने बेदी से ऐसो शब्द सुनो, कि हे महाबली पिरभू परमेसुर, तोरे फैसले नोंने और सच्चे आंय।

- यूहन्‍ना के दरसन कौ खुलासा 19:11

फिन मैंने सरग हां एकदम खुलो तको; और एक सफेद घुड़वा आय; और ऊ पै एक सवार आय, जो बिसवास करे जोग आय; और बो धरम के संग्गै न्याव और लड़ाई करत आय।

- यूहन्‍ना के दरसन कौ खुलासा 19:2

कायसे ऊके न्याव सांचे आंय, उन ने ई भ्रष्ट वेश्या को जीने संसार हां अपनी काली करतूतन से बिगाड़ दओ, परमेसुर ने ऊ को न्याव करो, और अपने जने के मारे जाबे कौ पलटा ले लओ।

- यूहन्‍ना के दरसन कौ खुलासा 2:1

इफिसुस की मण्डली के दूत हां ऐसो लिखो, कि, जौन सात तारे अपने दाएं हाथ में लय हैं, और सोने की सात दीवटों के बीच में फिरत आय, बो जौ कैत आय।

- यूहन्‍ना के दरसन कौ खुलासा 21:5

और जो सिंहासन पे बिराजे हते, ऊ ने कई, कि तको, मैं सब कछु नओ करें देत आंव: और बोले लिख लेओ, कायसे जे बचन बिसवास के जोग और सांचे आंय।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।

- यूहन्‍ना के दरसन कौ खुलासा 4:8

इन चारई जनावरन के छै छै पंखा हते, और उनके भीतर और चारऊ कोद आंखई आंखें हतीं; बे रात दिना बिना आराम करे जौ कहत रैत आंय, कि पवित्तर, पवित्तर, पवित्तर, पिरभू परमेसुर, महाबली, जौन पेंला हते, और अबै आंय, और जौन आबेवारे आंय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।

- यूहन्‍ना के दरसन कौ खुलासा 6:10

उन ने ऊं ची आवाज में कहो; हे मालक, हे पवित्तर और सांचे जने; तुम कब लौ न्याव न कर हौ? और धरती पै के रहबेवारे जिन ने हमें मार डालो ऊ को पलटा कब लौ न लै हौ?