- यूहन्‍ना के दरसन कौ खुलासा 3:5 - Bundeli Holy Bible

⁵ जो कोऊ इन बातन में पक्को रै है, उन हां ऐसई सफेद उन्ना पैराए जै हैं, और मैं कैसऊ उन को नाओं जीवन की किताब में से न काट हों, मैं परमेसुर और सरगदूतन के सामूं जौ मान लै हों कि जे मोरे जनें आंय।

- यूहन्‍ना के दरसन कौ खुलासा 3:5 ပူးပေါင်းရင်းမြစ်များ

- मत्ती 10:32

ई लाने जौन मान्सन के आंगू मोहां मान लै हैं, मैं भी ऊहां अपने बाप के आंगू जौन सरग में आय, मान लै हों।

- लूका 10:20

पर ईसे खुस न हुईयो, कि आत्मा तुमाए वस में आय, पर ईसे खुस हुईयो कि तुमाए नाओं सरग में लिखे आंय।

- लूका 12:8

मैं तुम से कैत आंव जौन कोऊ मान्सन के सामूं मोहां मान लै है, ऊ ए मान्स कौ पूत सोई परमेसुर के सरगदूतन के सामूं मान लै है।

- फिलिप्पियों 4:3

और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- यहूदा 1:24

जौन तुम हां बिलुरबे से बचा लै है, और पाप से धोके उजरो कर लै है, अपने सरग लोक के तेज में।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 17:8

जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।

- यूहन्‍ना के दरसन कौ खुलासा 19:8

ऊहां ब्याव के लाने बढिया, चमकत मलमल के उन्ना पैरबे कौ अधकार दओ गओ, कायसे मलमल कौ मतलब, परमेसुर के लोगन के धरम के काम आंय।

- यूहन्‍ना के दरसन कौ खुलासा 2:11

जीके कान होबें, बो सुन लेबें कि आत्मा मण्डलियन से का कैत आय: कि जौन इन बातन में पक्को बनो रै है ऊहां दूसरी मृत्यु से कछु न हुईये।

- यूहन्‍ना के दरसन कौ खुलासा 2:7

जीके कान होबें, बे सुन लेबें कि आत्मा मण्डलियन से का कैत आय: कि जो जय पाबै, मैं ऊहां जीवन दैबेवारे पेड़ में से जो परमेसुर के सरगलोक में लगो आय, ऊके फल खैबे हां दै हों।

- यूहन्‍ना के दरसन कौ खुलासा 20:12

फिन मैंने लौरे जेठे सब जनें हां मरे भए हां सिंहासन के सामूं ठांड़ो तको, और पोथी खोली गईं; और फिन एक और पोथी खोली गई, जानो जीवन की पोथी; और जैसो उन पोथियन में लिखो भओ हतो, उन के काजन अनसार मरे भयन कौ न्याव करो गओ।

- यूहन्‍ना के दरसन कौ खुलासा 20:15

जी को नाओं जीवन की पोथी में नईं कड़ो, बो सोई आग की झील में डालो गओ।

- यूहन्‍ना के दरसन कौ खुलासा 21:27

और उते कोऊ गन्दी बस्त और गन्दो काम करबेवारो, और झूठ बनाबेवारो कैसऊ न घुस पाहै; परन्त बे जनें जिन के नाओं जीवन की पोथी में लिखे आंय।

- यूहन्‍ना के दरसन कौ खुलासा 22:19

और कोई इन आबेवारी बातन हां पोथी में से कछु निकाले, तो परमेसुर जीवन के पेड़ और पवित्तर नगर जीके लाने ईमें लिखो आय, ऊ को भाग काड़ दै है।

- यूहन्‍ना के दरसन कौ खुलासा 3:12

जौन पक्को बनो रै है, ऊहां मैं अपने परमेसुर के मन्दर को एक खंभा बनै हों; और बो हमेसा उतईं बनो रै है; और मैं अपने परमेसुर को नाओं, और उनके नगर, मानो नये यरूशलेम, जो मोरे परमेसुर के ऐंगर से सरग से उतरबे वालो आय और अपनो नओ नाओं ऊ पै लिख हों।

- यूहन्‍ना के दरसन कौ खुलासा 3:4

पर एक बात तो आय कि तोरे इते सरदीस में कछु ऐसे जनें आंय, जिन ने अपने उन्ना असुद्ध नईं करे, बे सब मोरे संग्गै उजरे उन्ना पैर के घूम हैं कायसे बे लायक आंय।

- यूहन्‍ना के दरसन कौ खुलासा 6:11

और उन सबरन हां सफेद उन्ना दओ गओ और उन से कहो गओ, कि और थोड़ी बेरा लौ आराम करो, जब लौ तुमाए संग्गी सेवा करबेवारे, और भईया, जौन तुमाए जैसे कतल होबेवारे आंय, उन सबरन की गिनती पूरी न हो जाबै।