- यूहन्‍ना के दरसन कौ खुलासा 3:17 - Bundeli Holy Bible

¹⁷ तें जो कैत आय, कि मैं बड़ो धनी आंव, और धनवालो हो गओ आंव, और मोहां कोनऊ बस्त की कमी नईंयां, और जौ नईं जानत, कि तें अभागा और तुच्छ और कंगाल और अन्धरा और नंगो आय।

- यूहन्‍ना के दरसन कौ खुलासा 3:17 ပူးပေါင်းရင်းမြစ်များ

- उत्पत्ति 3:7

तब उन दोई की आंखें खुल गईं, और उनहों पता पड़ो कि बे नंगे आंय; ई लाने उनोंरन ने अंजीर के पत्ता जोड़ जोड़कें लंगोट बना लए।

- मत्ती 5:3

धन्न आंय बे, जौन मन के दीन आंय, कायसे सरग कौ राज्य उनईं कौ आय।

- मत्ती 9:12

ऊने जा सुनके उन से कई, भले मान्सन हां वैद्य की जरूरत नईंयां पर बीमारन हां होत आय।

- लूका 1:53

ऊ ने भूखन हां भोजन से अफरा दओ, और मालपानू वारन हां छूंछे हांथ काड़ दओ।

- लूका 6:24

पर हाय तुम पै; जौन मालपानू वारे आव, कायसे तुम अपने सुख भोग चुके।

- रोमियों 11:20

सई आय, बे तो बिसवास न करबे के काजें कतरी गईं, पर तें बिसवास में बनो रैत आय, सो घमण्ड न कर पर डर के रै।

- रोमियों 11:25

हे भईया हरौ, कऊं ऐसो न होबै, कि तुम अपने आप हां समजदार मान लेओ; ई लाने मैं नईं चाहत कि तुम ई भेद से अनजान रओ, कि जब लौ दूसरी जातवारन कौ अंधबिसवास न मिट जाबै, तब लौ इस्राएल कौ एक भाग ऐंसई कठोर रै है।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 7:24

मैं कैसो अभागो मान्स आंव! मोहां ई मौत की देयां से को छुड़ा है?

- 2 पतरस 1:9

जीमें जे बातें नईयां, ऊ धुंधलो तकत आय, और अन्धरो आय, बो बिसर बैठो आय कि बो अब अपने पेंला के अधरम से धुल के सुद्ध हो चुको आय।

- यूहन्‍ना के दरसन कौ खुलासा 16:15

हेर, मैं भड़या घाईं आत आंव; धन्न बो आय, जो जागत रैत आय, और बो अपने उन्ना हां तके रैत आय, कि बो नंगो न फिरै, और मान्सन ऊकौ नंगापन न हेरें।

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।

- यूहन्‍ना के दरसन कौ खुलासा 3:16

पर तें गुनगुनो आय, न तो जूड़ो और न तांतो, मैं तोहां अपने मों से उगलबेवारो आंव।