- यूहन्‍ना के दरसन कौ खुलासा 3:11 - Bundeli Holy Bible

¹¹ मैं जल्दी आबेवारो आंव; जो कछु तोरे ऐंगर आय, ऊहां पकड़े रै, कि कोऊ तोरो मुकट छीन न लैबे।

- यूहन्‍ना के दरसन कौ खुलासा 3:11 ပူးပေါင်းရင်းမြစ်များ

- पैली कुरिन्थियों 9:25

और सबरे पैलवान सबई परकार कौ संयम करत आंय, बे तो नास होबेवारे मुकट को पाबे के लाने जौ सब करत आंय, परन्त हम तो ऊ मुकट के लाने करत आंय, जौन नास न हुईय।

- फिलिप्पियों 4:5

तुमाए भले जीवन से सबरन हां पता चले, कायसे पिरभू झट्टई आबेवारे आंय।

- 2 तीमुथियुस 2:5

अखाड़े में लड़बेवारो पहलवान अच्छे से नईं लड़त तो इनाम नईं मिलत।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- याकूब 5:9

हे भईया हरौ, एक दूजे पे लांछन न लगाओ जीसे तुम पे कोऊ लांछन न लगाए, तको, हाकम दोरे पे ठांड़ो आय।

- यूहन्‍ना के दरसन कौ खुलासा 1:3

ऊ मान्स धन्न आय जो इन अगमवानी की बातन हां पढ़त आय, और जौन सुनत और इन में लिखी बातन हां मानत आंय, कायसे अब बेरा बिलात जल्दी आबेवारी आय।

- यूहन्‍ना के दरसन कौ खुलासा 16:15

हेर, मैं भड़या घाईं आत आंव; धन्न बो आय, जो जागत रैत आय, और बो अपने उन्ना हां तके रैत आय, कि बो नंगो न फिरै, और मान्सन ऊकौ नंगापन न हेरें।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 2:13

कि तें उते रैत आय जिते शैतान छलिया कौ सिंहासन आय, पर मोरे नाओं पै बिसवास धरे रैत आय; और मोपे बिसवास करबे से उन दिना में पक्को रओ, जब मोरो सच्चो और पक्को गवाह अन्तिपास, तुमाए बीच मारो गओ।

- यूहन्‍ना के दरसन कौ खुलासा 2:25

पर जब लौ मैं तुमाए ऐंगर न आओं इन बातन हां जिनें मानत आव मन से मानत रईयो।

- यूहन्‍ना के दरसन कौ खुलासा 22:12

हेरो, मैं झट्टई आवेवारो आंव; और एक एक जन के काम कौ इनाम मैं उन हां दै हों।

- यूहन्‍ना के दरसन कौ खुलासा 22:20

जो इन बातन की गवाह देत आय, बो ऐसो कैत आय, हओ, मैं जल्दी आबेवारो आंव। आमीन। हे पिरभू यीशु आओ।

- यूहन्‍ना के दरसन कौ खुलासा 22:7

हेर, मैं झट्टई आबेवारो आंव; धन्न आंय बे, जो ई पोथी की अगमवानी की बातन हां मानत आय।

- यूहन्‍ना के दरसन कौ खुलासा 3:3

चेतो और ध्यान धरो कि तुम ने कौन सी बातें सीखी हतीं, और उन में पक्के बने रओ, और अपने पापन हां छोड़ो: अगर तें न चेतो, तो जैसो भड़या बिना कहे आत आय ऊंसई मैं आ जै हों।

- यूहन्‍ना के दरसन कौ खुलासा 4:10

और चौबीसई प्राचीन सिंहासन पै बिराजेवारे के सामूं गिर जै हैं, और उनहां जौन जीयत रै हैं परनाम कर हैं; और अपने मुकुट उनके सामूं ऐसो कैत धर दै हैं।

- यूहन्‍ना के दरसन कौ खुलासा 4:4

और ऊ सिंहासन के चारऊं कोद चौबीस सिंहासन आंय; और इन पै चौबीस प्राचीन उजरे उन्ना पैरे बिराजे आंय, और उनके मूड़ पै सोने के मुकुट धरे आंय।