- यूहन्‍ना के दरसन कौ खुलासा 3:10 - Bundeli Holy Bible

¹⁰ तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।

- यूहन्‍ना के दरसन कौ खुलासा 3:10 ပူးပေါင်းရင်းမြစ်များ

- मत्ती 24:14

राज्य कौ जौ सन्देसो सबरे जगत में प्रचार करो जै है, कि सब जातियन पे गवाही होए, तब अन्त आ जै है।

- मत्ती 26:41

जागत रहियो, और प्रार्थना करत रहियो, कि तुम परीक्षा में नईं पड़ो: आत्मा तो तईयार आय, पर सरीर दुरबल आय।

- मत्ती 6:13

और हम हां परीक्षा में न डारियो, परन्त बुराई से बचाईयो; कायसे राज्य, पराक्रम और मईमा तोरी ही आंय”। आमीन।

- मरकुस 14:9

मैं तुम से सच्ची कैत आंव, कि सबरी दुनिया में जां कऊं भले संदेसे कौ परचार करो जै है, उते ऊके ई काम की चरचा भी ऊ की याद में करी जै है।

- लूका 2:1

उनईं दिना में ऐसो भओ कि रोम के महाराजा औगूस्तुस कैसर कुदाऊं से जौ हुकम भओ, कि सबरे संसार के मान्सन के नाओं लिखे जाबें।

- यूहन्‍ना 17:6

मैंने तोरो नाओं उन मान्सन हां बताओ जिन हां तेंने संसार में से मोय दओ हतो: बे तोरे हते और तेंने उन हां मोय दओ और उन ने तोरे बचन हां मान लओ आय।

- रोमियों 1:8

पेंला मैं तुम सब के लाने यीशु मसीह के द्वारा अपने परमेसुर कौ धन्यवाद करत आंव, कायसे के तुमाए बिसवास की खबर सबरे संसार में हो रई आय।

- पैली कुरिन्थियों 10:13

तुम ऐसी कोऊ जांचबे परखबेवारी बात में नईं पड़े, जौन मान्स के सहबे के बायरें होबे: और परमेसुर सांचो आय: बो तुम हां सहबे से बायरें जांच परख में न पड़न दै है, परन्त जांच परख के संग्गै कछु उपाव सोई कर है; कि तुम सह सको।

- इफिसियों 6:13

ईसे जौन हथयार परमेसुर ने दए आंय उन हां लै लेओ कि जब बुरे दिना आबें तो तुम उनको सामना कर सको, और जब लड़ाई खतम हो जाबै तो तुम पक्के ठांड़े रओ।

- 2 तीमुथियुस 2:12

और हम धीरज धरें, तो उनके संग्गै राज सोई कर हैं: हम उन हां मान न दै हैं तो बे हमाओ मान सोई न कर हैं।

- याकूब 3:12

का पानू की झिर से एकई मों से मीठो और खारो पानू दोई कड़त आंय? हे मोरे भईया हरौ; का आम के पेड़ से बेर, या दाखन की बौल में निबुआ फल सकत आंय? ऊंसई खारे पानू की झिर से मीठो पानू नईं कड़ सकत।

- 1 पतरस 4:12

हे प्यारो, जौन पीड़ा घांई आगी तुमाए जांचबे के लाने तुम पे पड़ी आय, ऊ ए जौ समज के अचम्भा न करो कि कोऊ अनोखी बात तुम पे बीत रई आय।

- 2 पतरस 2:9

सो पिरभु भक्तन हां परीक्षा में से काड़ लैबो और अधरमी जन हां न्याय के दिना लौ दण्ड़ की दसा में धरबो सोई जानत आय।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 11:10

और धरती के रहबेवारे, उन के मरबे से मजा मौज कर हैं, और एक दूजे हां भेंट पठै हैं, कायसे इन दोई आगमवकतन ने धरती पै रहबेवारन हां सताओ हतो।

- यूहन्‍ना के दरसन कौ खुलासा 13:10

जिन हां कैद होबे हां आय, बे जेहल में जै हैं, जौन हां तलवार से मारो जाने आय, बे तलवार से मारे जै हैं, ऐसे में परमेसुर के लोगन हां बिसवास और धीरज धरबे कौ आय।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 14:12

पवित्र लोकन कौ धीरज ऐई में आय, जो परमेसुर की सीख मानत और पिरभु यीशु मसीह पै बिसवास रखत आंय।

- यूहन्‍ना के दरसन कौ खुलासा 14:6

फिन मैंने एक सरगदूत हां आकास के बीच उड़त तको, जीके ऐंगर धरती पै रैबेवारे सब जातियन, सबरी बोली बोलबेवारे, और मान्सन हां सुनाबे हां सनातन सुसमाचार हतो।

- यूहन्‍ना के दरसन कौ खुलासा 16:14

जे अजूबा काम दिखाबेवारी दुष्टात्माएं आंय, जो संसार के सब राजन के ऐंगर निकल के ई लाने जात आंय, कि उन हां महाबली परमेसुर से ऊ बड़े दिना के लाने लड़बे इकठ्ठो करें।

- यूहन्‍ना के दरसन कौ खुलासा 17:2

जौन वेश्या के संग्गै धरती के राजन ने बुरओ कर्म करो; और ऊके सबरे लजाबे के काम मानो ऐसे हते, जैसे संसार के मान्सन ने ऊके बुरय कर्म की मदिरा पी लई होबै।

- यूहन्‍ना के दरसन कौ खुलासा 17:8

जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 3:8

कि मैं तोरे कामन हां जानत आंव, (हेर, मैंने तोरे सामूं एक द्वार खोल रखो आय, जीहां कोई बन्द नईं कर सकत) तें बड़ो बली नईंयां, पर मोरे बचन कौ पालन करो आय और मोरे नाओं से नईं मुकरो।

- यूहन्‍ना के दरसन कौ खुलासा 6:10

उन ने ऊं ची आवाज में कहो; हे मालक, हे पवित्तर और सांचे जने; तुम कब लौ न्याव न कर हौ? और धरती पै के रहबेवारे जिन ने हमें मार डालो ऊ को पलटा कब लौ न लै हौ?

- यूहन्‍ना के दरसन कौ खुलासा 8:13

और मैंने फिन तको, तो आकाश के बीच उकाब हां उड़त और ऊंची आवाज में ऐसो कैत सुनो, कि उन तीन सरगदूतन की तुरही को फूकबो बचो आय, धरती पै रैबेवारे मान्सन पै हाय! हाय! हाय!