- यूहन्‍ना के दरसन कौ खुलासा 3:1 - Bundeli Holy Bible

¹ सरदीस की मण्डली के दूत हां ऐसो लिखो, कि, जीके ऐंगर परमेसुर की सात आत्माएं और सात तारे आंय, बो कैत आय, कि मैं तोरे सब काम हां जानत आंव, कि तें कहात तो है जीयत, पर है मरो भओ।

- यूहन्‍ना के दरसन कौ खुलासा 3:1 ပူးပေါင်းရင်းမြစ်များ

- लूका 15:24

कायसे मोरो जौ पूत मर गओ हतो, फिन जी गओ आय: हिरा गओ हतो, अब मिल गओ आय: और बे खुसी मनाऊन लगे।

- लूका 15:32

अब खुसी मनाबो और मगन होबो चईये, कायसे जौ तोरो भाई मर गओ हतो फिन जी गओ आय; हिरा गओ हतो, अब मिल गओ आय।

- यूहन्‍ना 1:16

कायसे ऊ की भरपूरी में से हम सबई ने पाओ यानि भारी दया।

- यूहन्‍ना 1:33

और मैं तो ऊहां नईं चीनत हतो, पर जीने मोय पानू से बपतिस्मा दैबे पठैव, ओई ने मोय से कई, जीपे तें आत्मा हां उतरत और ठहरत हेरे; पवित्र आत्मा से बपतिस्मा देबेवालो ओई आय।

- यूहन्‍ना 20:22

और जब बो जौ कह चुको, तो ऊ ने उन पे फूंको और उन से कई, पवित्र आत्मा लेओ।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- इफिसियों 2:1

और उन ने तुम हां सोई जिलाओ, जौन अपने बुरय काम और पापन में मरे भए हते।

- इफिसियों 2:5

जब हम अपने बुरए कामन में मरे जैसे हते, तब हम हां मरे भयन में से जिलाओ; (दया से तुमाओ तरन तारन भओ आय)।

- कुलुस्सियों 2:13

उन ने तुम हां जौन अपने पापन में मरे जैसे हते, और परमेसुर की सन्तान न हते परन्त परमेसुर ने यीशु मसीह के संग्गै जिला दओ, और तुमाए सबरे पापन की क्षिमा कर दई।

- 1 तीमुथियुस 5:6

परन्त जौन संसार के भोग में पड़ जाबै, मनो बे जीयत जागत मरी जैसी आय।

- याकूब 2:26

जैसे देह आत्मा बिना मरी भई आय, ऊंसई बिसवास सोई करम बिना मरो भओ आय।

- 1 पतरस 1:11

उन ने ई बात की खोज करी कि मसीह की आत्मा जौन उन में हती, और पेंलई से मसीह की पीड़ा की और ऊके पाछें होबेवारी मईमा की गवाई देत हतो, बो कौन से और कैसे टैम कुदाऊं इसारो करत हतो।

- यहूदा 1:12

जे तुमाई प्रेम सभा में तुमाए संग्गै खात पियत आंय, और जैसे समुन्दर में चट्टान दबी रैत आय, ऊंसई अपने पेट के लाने कमाई करबेवारे रखनवारे आंय; जौन मानो बिना जल के बादरे घांई आंय, जिन हां बैहर उड़ा देत; और पतझड़ में जैसो पेड़ो हो जात, जैसे मर गओ होबै, और बे ऐसे आंय जैसे जड़ से पट गए होबें।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 1:16

और ऊ अपने हाथ में सात तारे लएं हतो: और ऊके मों से मानो तेज तलवार जैसी निकलत हती; और ऊ को मों ऐसो चमकत हतो, जैसे सूरज कड़ी धूप में चमकत आय।

- यूहन्‍ना के दरसन कौ खुलासा 1:20

यानी उन सात तारों हां जौन तेंने मोरे दाएं हाथ में तके हते, और उन सात सोने की दीवटों कौ का मतलब आय: बे सात तारे सात मण्डली के दूत आंय, और बे सात दीवटें सात मण्डली आंय।

- यूहन्‍ना के दरसन कौ खुलासा 1:4

यूहन्ना ने लिखो आसिया की सात मण्डली हां कि यीशु मसीह जौन अबै है, और जो हते, और जौन आबेवालो आय; और उन सात आत्माओं की कोद से, जौन ऊके सिंहासन के सामूं हैं।

- यूहन्‍ना के दरसन कौ खुलासा 2:13

कि तें उते रैत आय जिते शैतान छलिया कौ सिंहासन आय, पर मोरे नाओं पै बिसवास धरे रैत आय; और मोपे बिसवास करबे से उन दिना में पक्को रओ, जब मोरो सच्चो और पक्को गवाह अन्तिपास, तुमाए बीच मारो गओ।

- यूहन्‍ना के दरसन कौ खुलासा 2:19

कि मैं तोरे सबरे काज, तोरे प्रेम, और बिसवास, तोरी सेवा, और तोरे धीरज हां जानत आंव, और जौ सोई जानत आंव कि तोरे अबै के काम पेंला के कामन से बढ़िया आंय।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।

- यूहन्‍ना के दरसन कौ खुलासा 3:15

कि मैं तोरे कामन हां जानत आंव कि तें न तो जूड़ो आय और न तांतो: भला होतो कि तें जूड़ो या तांतो होतो।

- यूहन्‍ना के दरसन कौ खुलासा 3:2

जागत रओ, और उन बस्तन हां जो बची रह गईं आंय, और जौन मिटबेवारी हतीं, उन हां पक्को कर; कायसे मैंने तोरे कोई काज हां अपने परमेसुर के ऐंगर पूरो नईं पाओ।

- यूहन्‍ना के दरसन कौ खुलासा 3:8

कि मैं तोरे कामन हां जानत आंव, (हेर, मैंने तोरे सामूं एक द्वार खोल रखो आय, जीहां कोई बन्द नईं कर सकत) तें बड़ो बली नईंयां, पर मोरे बचन कौ पालन करो आय और मोरे नाओं से नईं मुकरो।

- यूहन्‍ना के दरसन कौ खुलासा 4:5

और ऊ सिंहासन जौन बीच में धरो हतो, ऊ में से बिजली जैसी कौंदत और गरजन होत हती, और सिंहासन के सामूं आगी जैसे सात दिया जल रए आंय, जे सातई परमेसुर की आत्मा आंय।

- यूहन्‍ना के दरसन कौ खुलासा 5:6

सो मैंने ऊ सिंहासन और चारई जनावर और उन प्राचीनन के बीच में, मानो एक मारो गओ गाड़र कौ बच्चा ठांड़ो तको: ऊके सात सींग और सातई आंखें हतीं; बे परमेसुर की सातई आत्मा आंय, जौन पूरे संसार में पठैई गईं हतीं।