- यूहन्‍ना के दरसन कौ खुलासा 22:17 - Bundeli Holy Bible

¹⁷ आत्मा और दुल्हिन दोई कैत हैं, कि आओ; सुनबेवारे सोई कहें, कि आओ; और जीहां प्यास लगी होबे बो आबै, और जो चाहे जीवन को जल सेंतमेंत लेबे।

- यूहन्‍ना के दरसन कौ खुलासा 22:17 ပူးပေါင်းရင်းမြစ်များ

- यूहन्‍ना 1:37

तब दोई चेला ऊ की बात सुनके यीशु के पाछें हो लय।

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- यूहन्‍ना 4:11

बईयर ने ऊसे कई, हे प्रभु, तोरे ऐंगर पानी भरबे हां कछु नईंयां, और कुआं गहरो आय, तो बो जीवन कौ पानू तोरे ऐंगर किते से आओ?

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 4:29

आओ, एक मान्स हां तको, जीने बो सब कछु जौन मैंने करो, ऊ ने मोय बता दओ: कहूं जौई तो मसीह नईंयां?

- यूहन्‍ना 7:37

फिन परब के अखिरी दिना, जौन खास दिना हतो, यीशु ठांड़ो भओ और जोर से कहन लगो, अगर कोऊ प्यासो होय तो मोरे ऐंगर आके पी ले।

- रोमियों 3:24

परन्त ऊ की दया से ऊ छुटकारे के द्वारा जौन मसीह यीशु में आय, सेंत मेंत धरमी ठैराए जात आंय।

- पैली कुरिन्थियों 2:12

परन्त हम ने संसार की आत्मा नईं, परन्त बो आत्मा पाओ आय, जौन परमेसुर कुदाऊं से आय, कि हम उन बातन हां समजें, जौन परमेसुर ने हम हां दई आंय।

- यूहन्‍ना के दरसन कौ खुलासा 14:13

मैंने सरग से ऐसो शब्द सुनो, कि लिख; जो मान्स पिरभू में मरत आंय, बे अब से धन्न आंय, आत्मा ने सोई कई कि जौन मेहनत से काम उन ने करो आय उन हां इनाम मिल है, और बे आराम कर हैं।

- यूहन्‍ना के दरसन कौ खुलासा 2:7

जीके कान होबें, बे सुन लेबें कि आत्मा मण्डलियन से का कैत आय: कि जो जय पाबै, मैं ऊहां जीवन दैबेवारे पेड़ में से जो परमेसुर के सरगलोक में लगो आय, ऊके फल खैबे हां दै हों।

- यूहन्‍ना के दरसन कौ खुलासा 21:2

फिन मैंने पवित्तर नगर नये यरूशलेम हां सरग पै से परमेसुर के ऐंगर उतरत देखो, जो मानो एक दुलैया जैसी सजी संवरी हती, जैसे अपने घरवारे के लाने सजी होबै।

- यूहन्‍ना के दरसन कौ खुलासा 21:6

फिन ऊ ने मोय से कहो, जे बातें पूरी हो गई आंय, मैं अलफा और ओमिगा, शुरु और अन्त आंव: मैं प्यासे मान्स हां जीवन के जल के झरने से सेंत मेंत पिला हों।

- यूहन्‍ना के दरसन कौ खुलासा 21:9

फिन जो सात सरगदूतन के ऐंगर आबेवारी विपत से भरे सात कटोरा हते, उन में से एक मोरे ऐंगर आओ, और मोय से बोलो; इते आओ: मैं तोहां मेमने की दुल्हन दिखा हों।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:16

ईसा मसीह ने अपने मोहां सरग से ईसे पठैव, कि तुमाए पेंला मण्डलियन के बारे में बताबें: मैं तो दाऊद की जड़ और ऊके वंस से आंव, और भुनसारे निकलबेवारो चमचमात भओ तारा आओं।

- यूहन्‍ना के दरसन कौ खुलासा 7:17

कायसे मेमना जो सिंहासन के बीच में आय, बो उनकी रखनवारी कर है; और उन हां जीवन के जल के झरने लौ ले जै है, और परमेसुर उन की आंखन से सबरे अंसुआ पोंछ डाल है।