- यूहन्‍ना के दरसन कौ खुलासा 21:8 - Bundeli Holy Bible

⁸ परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 21:8 ပူးပေါင်းရင်းမြစ်များ

- मत्ती 10:28

उन से न डरियो, जौन शरीर हां मार डारत आंय, बे आत्मा हां घात नईं कर सकत आंय, बल्कि उन से डरियो, जो आत्मा और सरीर दोई हां नरक में नास कर सकत आय।

- मत्ती 25:25

ई लाने मैं डरा गओ और जाके मैं ने रुपईया मिट्टी में लुका दओ; हेर, जौन तोरो रुपईया आय, ऊ जौ आय।

- मत्ती 8:26

ऊ ने उन से कई; हे तनक भरोसा करबेवाले, काय डरात आव? तब उठके ऊने तूफान और पानू हां डांटो, और पूरी सान्ति हो गई।

- मरकुस 9:44

कि दो हाथ रहत भए नरक के बीच में ऊ आगी में डालो जाए जौन कभऊं बुझने नईंयां।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- 2 थिस्सलुनीकियों 2:9

और ऊ अधरमी को आबो शैतान के कामन जैसो हुईये, बो झूठे बल से और अजूबा काम करत दिख है।

- 1 तीमुथियुस 4:2

ऐसी सीख उन झूठे मान्सन से आहें, मानो जिन को जी तांते लोहे से दागो गओ होबै।

- तीतुस 1:16

बे कैत तो आंय, कि परमेसुर हां चीनत आंय, परन्त ऐसे काम करत आंय मानो उन हां नईं चीनत, कायसे बे घिना आंय और कई नईं करत; और उन पै कछु साजो करत नईं बनत।

- इब्रानियों 12:24

और उतईं पिरभू यीशु मसीह आंय, जीने अपने रकत से जौन हाबिल के रकत से भलो आय एक नई गैल बनाई आय।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- 1 यूहन्‍ना 2:22

लबरा को आय? बो जौन यीशु मसीह हां संसार के मान्सन के पाप से छुड़ाबेवारो नईं मानत; बो यीशु मसीह को बिरोधी आय, परमेसुर जौन पिता आय और यीशु मसीह जौन उनके बेटा आंय उन हां नईं मानत।

- 1 यूहन्‍ना 3:15

जो कोनऊ अपने भईया से अदावट धरत आय, बो हत्यारा आय; तुम हां तो पता आय, कि कोई हत्यारे को तरन तारन नईं होत।

- 1 यूहन्‍ना 5:10

जौन परमेसुर के बेटा पै बिसवास धरें आय, कि जा सांची आय; जीने परमेसुर की कई गई मानी, ऊने मानो उन हां झूठो मानो; जौन उन ने अपने बेटा के लाने कई।

- यूहन्‍ना के दरसन कौ खुलासा 14:10

तो ऐसो जनो परमेसुर की गुन्स से भरे कटोरा में से पी है, और पवित्तर सरगदूतन और मेमने के सामूं आग और गन्धक की पीड़ा में डालो जै है।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।

- यूहन्‍ना के दरसन कौ खुलासा 2:11

जीके कान होबें, बो सुन लेबें कि आत्मा मण्डलियन से का कैत आय: कि जौन इन बातन में पक्को बनो रै है ऊहां दूसरी मृत्यु से कछु न हुईये।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।

- यूहन्‍ना के दरसन कौ खुलासा 21:27

और उते कोऊ गन्दी बस्त और गन्दो काम करबेवारो, और झूठ बनाबेवारो कैसऊ न घुस पाहै; परन्त बे जनें जिन के नाओं जीवन की पोथी में लिखे आंय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।

- यूहन्‍ना के दरसन कौ खुलासा 9:17

मोहां ई दर्शन में घुड़वा और उन पै ऐसे सवार दिखाई दए, जिन की झिलमें आगी, धूम्रकान्त, और गंधक जैसी हतीं, और उन घुड़वन की मूड़ नाहर जैसी हतीं: और उनके मों में से आगी, धुआं, और गन्धक कड़त हती।

- यूहन्‍ना के दरसन कौ खुलासा 9:21

और जो खून, जादू टोना, और परतिरिया संगत, और चोरी, जो उन ने करी हतीं, बे उन ने न छोड़ीं।