- यूहन्‍ना के दरसन कौ खुलासा 21:5 - Bundeli Holy Bible

⁵ और जो सिंहासन पे बिराजे हते, ऊ ने कई, कि तको, मैं सब कछु नओ करें देत आंव: और बोले लिख लेओ, कायसे जे बचन बिसवास के जोग और सांचे आंय।

- यूहन्‍ना के दरसन कौ खुलासा 21:5 ပူးပေါင်းရင်းမြစ်များ

- लूका 5:38

पर नओ दाख कौ रस नई मश्कों में भरो चइये।

- दूसरी कुरिन्थियों 5:17

जो कोऊ मसीह से जुड़ गओ आय बो नओ हो गओ: पुरानी बातें चली गईं आंय, अब सबरो नओ दिखात आय।

- इब्रानियों 12:27

“एक बेर फिन के” को मतलब आय कि जौन बस्तें हलत आंय, बे बनाई गईं हतीं सो बे तो हल जै हैं, और बे बस्तें जौन हलाई नईं जात बे सब बनी रै हैं।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 1:19

ई लाने जो तेंने तको आय और जो हो रओ आय; और जो ईके बाद होबेवारो आय, उन सब हां लिख ले।

- यूहन्‍ना के दरसन कौ खुलासा 19:9

और ऊ ने मोय से कही; जौ लिख, कि धन्न बे आंय, जो मेमने के ब्याओ के भोज में बुलाए गए आंय; और ऊ ने मोय से कई, जे परमेसुर की सांची वाणी आंय।

- यूहन्‍ना के दरसन कौ खुलासा 20:11

फिन मैंने एक बड़ो सफेद सिंहासन और जौन ऊ पै बिराजो हतो ऊहां तको, जीके सामूं से धरती और आकास भाग ठांड़े भए, और उन हां जांगा न मिली।

- यूहन्‍ना के दरसन कौ खुलासा 22:19

और कोई इन आबेवारी बातन हां पोथी में से कछु निकाले, तो परमेसुर जीवन के पेड़ और पवित्तर नगर जीके लाने ईमें लिखो आय, ऊ को भाग काड़ दै है।

- यूहन्‍ना के दरसन कौ खुलासा 22:6

फिन उन ने मोय से कहो, जे बातें सांची और बिसवास के जोग आंय, और पिरभू ने जो आगमवकतों की आत्माओं कौ परमेसुर आय, उन ने अपने सरगदूत हां ईसे पठैव, कि बे बातें जो झट्टई पूरी होबेवारी आंय, अपने दासों हां जरुर दिखाबें।

- यूहन्‍ना के दरसन कौ खुलासा 4:2

और तुरतईं आत्मा ने मोहां अपने बस में कर लओ; और मैंने का तको, कि सरग में एक सिंहासन धरो आय, और ऊ सिंहासन पै कोऊ बैठो आय।

- यूहन्‍ना के दरसन कौ खुलासा 4:9

जे जनावर उनकी जौन सिंहासन पै बिराजे हते, और हमेसा जीयत रै हैं, आदर और उनको गुनगान करत रै हैं।

- यूहन्‍ना के दरसन कौ खुलासा 5:1

और जौन सिंहासन पै बैठो हतो, ऊके हाथ में मैंने एक किताब हेरी, जौन भीतर और बायरें लिखी हती, और ऊहां सात मुहरें लगा के बन्द करो हतो।