- यूहन्‍ना के दरसन कौ खुलासा 21:3 - Bundeli Holy Bible

³ फिन मैंने सिंहासन में से कोऊ हां जा टेर लगात सुनो, कि हेर, कि परमेसुर कौ डेरा मान्सन के बीच में आय; और मान्सन उनके संग्गै रै हैं, और बे मान्सन के परमेसुर कहा हैं।

- यूहन्‍ना के दरसन कौ खुलासा 21:3 ပူးပေါင်းရင်းမြစ်များ

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 14:23

यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- दूसरी कुरिन्थियों 6:16

और मूरतन को परमेसुर के मन्दर में का काज? कायसे हम जियत परमेसुर के मन्दर आंय; जैसो परमेसुर ने कहो आय कि उन में बस हों और उन में घूम हों; और मैं उन को परमेसुर और बे मोरे जनें कहा हैं।

- दूसरी कुरिन्थियों 6:18

और तुमाओ बाप हुईयों, और तुम मोरे बेटा बिटिया कहा हौ: जे महाबली पिरभू परमेसुर को बचन आय।

- 1 थिस्सलुनीकियों 3:11

अब हमाए पिता परमेसुर और पिरभू यीशु मसीह, तुम लौ आबे में हमाई गैल बनाबें।

- इब्रानियों 11:16

परन्त बे एक और बढ़िया सरग हां जाओ चाहत हते, ऐई से परमेसुर उनके परमेसुर कहाबे हां राजी हते, और उन ने इन के काजें एक नगर तईयार करो आय।

- इब्रानियों 8:10

पिरभू कैत आय, कि अब जौन कौल मैं उन के संग्गै बांध हों, बा ऐसी आय, कि मैं अपने नैम हां उनके हिये और जी में डाल हों, और बे औरें मोरे जनें हुईयें और मैं उन को परमेसुर हुईयों।

- इब्रानियों 8:2

और बे महा पवित्तर जांगा सरग मैं मानो ऊ तम्बू में सेवा करत आंय, जौन मान्सन के हाथन को बनो नईंयां, परन्त पिरभू ने खुद बनाओ आय।

- यूहन्‍ना के दरसन कौ खुलासा 10:4

और जब सातई गरजन के शब्द सुनाई दे चुके, तो मैं लिखबे पै हतो, और मैंने सरग से ऐसो शब्द सुनो, कि जौन सात शब्द गरजन के संग्गै सुने आंय, उन हां कोऊहां न बतईयो, और न लिखियो।

- यूहन्‍ना के दरसन कौ खुलासा 10:8

और जो शब्द करबेवारे हां मैंने सरग से बोलत सुनो हतो, बो फिन के मोसे बतकाव करन लगो; ऊ ने कई जाओ, जो सरगदूत समुद्र और धरती पै ठांड़ो आय, ऊके हाथ में से खुली पोथी हां लै ले।

- यूहन्‍ना के दरसन कौ खुलासा 12:10

फिन मैंने सरग से एक बड़ो बोल सुनो, कि अब हमाए परमेसुर को तरन तारन, और बल, और राज, और ईसा मसीह को जस दिखानो आय; कायसे जो रात दिन परमेसुर के सामूं हमाए भईयन पै दोष लगात हतो, गिरा दओ गओ।

- यूहन्‍ना के दरसन कौ खुलासा 21:7

जो पिरभू की बातन में पक्को कड़े, उन हां जे सबरी आसीस मिल हैं; और मैं ऊकौ परमेसुर रै हों, और बो मोरो पुत्र रै है।

- यूहन्‍ना के दरसन कौ खुलासा 22:3

फिन श्राप न हुईये, और परमेसुर और मेमना कौ सिंहासन नगर में हुईये, और ऊके चाकर ऊ की सेवा कर हैं।

- यूहन्‍ना के दरसन कौ खुलासा 7:15

ऐई से जे परमेसुर के सिंहासन के सामूं आंय, और उनके मन्दर में दिन रात उनकी सेवा करत आंय; और जो सिंहासन पै बिराजे आंय, बे अपनी छत्र छाया उन पै राखें रै हैं।