- यूहन्‍ना के दरसन कौ खुलासा 21:23 - Bundeli Holy Bible

²³ और ऊ नगर में सूरज और चन्दा के उजयारे की जरुरत नईंयां, कायसे परमेसुर के तेज से उते उजयारो हतो, और मेमना उते की ज्योत हतो।

- यूहन्‍ना के दरसन कौ खुलासा 21:23 ပူးပေါင်းရင်းမြစ်များ

- मत्ती 16:27

कायसे मान्स कौ पूत अपने सरगदूतन के संग्गै अपने बाप की मईमा में आ है, और ओई बेरा बो हर एक मान्स हां ऊके कामन के अन्सार फल दै है।

- मरकुस 8:38

और जो कोऊ ई व्यभिचारी और पापी जात के बीच मोसे और मोरी बातन से लजा है, मान्स को बेटा भी जब ऊ पवित्र दूतन के संग्गै अपने बाप की महिमा के संग्गै आ है, तो ऊसे भी लजा है।

- लूका 2:32

कि बो दूसरी जात वारन हां उजारो दैबे हां ज्योत, और तोरे निज मान्स इस्राएल कौ जस होबे।

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 1:4

ऊ में जीवन हतो, और बो जीवन मान्सन की ज्योत हती।

- यूहन्‍ना 1:9

बो सांची ज्योत जौन हरएक मान्स हां उजयारो करत आय, जगत में आबेवारी हती।

- यूहन्‍ना 17:24

हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- यूहन्‍ना 5:23

कि सब लोग पूत कौ वैसई मान करें, जैसो की बाप कौ मान करत आंय, जौन पूत को मान नईं करत, बो बाप को भी मान नईं करत, जीने ऊहां पठैव।

- प्रेरितन के काम 22:11

जब ऊ ज्योत के तेजी से मोय कछु सूज नईं रओ हतो, मोरे संगियन ने हाथ पकड़ के मोय दमिश्क पहुंचाओ।

- यूहन्‍ना के दरसन कौ खुलासा 14:4

जे बे आंय, जो बईयरन के संग्गै अशुद्ध नईं भए, परन्त कुंआरे आंय: और जे बे आंय, कि जिते मेमना जात आय, बे ऊके पछाऊं जात आंय: जे जने संसार में से परमेसुर के सामूं ठांड़े होबे हां छुड़ाए गए आंय।

- यूहन्‍ना के दरसन कौ खुलासा 18:1

ईके पाछें मैंने एक सरगदूत हां सरग से उतरत तको, जो बहुत बली हतो; और धरती ऊके तेज से चमक उठी।

- यूहन्‍ना के दरसन कौ खुलासा 21:11

परमेसुर को तेज ऊ में हतो, और ऊ की जोत बिल्लौर के समान यशब और दूसरे हीरा मोती जैसी उजरी हती।

- यूहन्‍ना के दरसन कौ खुलासा 21:25

ऊके फाटक दिन भर खुले रै हैं, और रात उते न हुईये।

- यूहन्‍ना के दरसन कौ खुलासा 22:5

और फिन रात न हुईये, और उते दिया और सूरज के उजयारे की जरुरत नईंयां, कायसे पिरभु परमेसुर उन हां उजयारो दै हैं: और बे जुग जुग लौ राज कर हैं।

- यूहन्‍ना के दरसन कौ खुलासा 5:6

सो मैंने ऊ सिंहासन और चारई जनावर और उन प्राचीनन के बीच में, मानो एक मारो गओ गाड़र कौ बच्चा ठांड़ो तको: ऊके सात सींग और सातई आंखें हतीं; बे परमेसुर की सातई आत्मा आंय, जौन पूरे संसार में पठैई गईं हतीं।

- यूहन्‍ना के दरसन कौ खुलासा 7:17

कायसे मेमना जो सिंहासन के बीच में आय, बो उनकी रखनवारी कर है; और उन हां जीवन के जल के झरने लौ ले जै है, और परमेसुर उन की आंखन से सबरे अंसुआ पोंछ डाल है।