- यूहन्‍ना के दरसन कौ खुलासा 20:6 - Bundeli Holy Bible

⁶ धन्न और पवित्तर बे आंय, जो पैले मरे में से जी उठे; ऐसों पै दूसरी मौत कौ अधकार नईयां, पर बे परमेसुर और ईसा मसीह के याजक हुईयें, और उनके संग्गै एक हजार बरस लौ राज कर हैं।

- यूहन्‍ना के दरसन कौ खुलासा 20:6 ပူးပေါင်းရင်းမြစ်များ

- लूका 14:15

यीशु के संग्गै भोजन करबेवारन में से एक ने जे बातें सुन के ऊसे कओ, धन्न आय बो, जौन परमेसुर के राज में रोटी खै है।

- रोमियों 12:1

ई लाने हे भईया हरौ, मैं तुम हां परमेसुर की दया की याद करा के बिन्तवाई करत आंव, कि अपनी देयां हां जीयत, और पवित्तर, और परमेसुर हां साजो लगबेवारो बलिदान कर के चढ़ाओ: जाई तुमाई आत्मिक सेवा आय।

- रोमियों 8:17

जदि लरका बिटिया आंय, तो वारिस सोई, जाने के परमेसुर के वारिस और मसीह के संगी वारिस आंय, जब हम ऊके संग्गै दुख मुसीबत उठाबें तो ऊके संग्गै मईमा सोई पा हैं।

- 2 तीमुथियुस 2:12

और हम धीरज धरें, तो उनके संग्गै राज सोई कर हैं: हम उन हां मान न दै हैं तो बे हमाओ मान सोई न कर हैं।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- यूहन्‍ना के दरसन कौ खुलासा 1:6

और हम हां एक राज्य और अपने बाप परमेसुर के लाने याजक भी बना दओ; उनको जस और बड़े काज हमेसा बने रैबें। आमीन।

- यूहन्‍ना के दरसन कौ खुलासा 14:13

मैंने सरग से ऐसो शब्द सुनो, कि लिख; जो मान्स पिरभू में मरत आंय, बे अब से धन्न आंय, आत्मा ने सोई कई कि जौन मेहनत से काम उन ने करो आय उन हां इनाम मिल है, और बे आराम कर हैं।

- यूहन्‍ना के दरसन कौ खुलासा 2:11

जीके कान होबें, बो सुन लेबें कि आत्मा मण्डलियन से का कैत आय: कि जौन इन बातन में पक्को बनो रै है ऊहां दूसरी मृत्यु से कछु न हुईये।

- यूहन्‍ना के दरसन कौ खुलासा 20:14

और मृत्यु और अधलोक सोई आग की झील में डाले गए; जा आग की झील में डालो जाबो दूसरी मृत्यु आय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:5

और फिन रात न हुईये, और उते दिया और सूरज के उजयारे की जरुरत नईंयां, कायसे पिरभु परमेसुर उन हां उजयारो दै हैं: और बे जुग जुग लौ राज कर हैं।

- यूहन्‍ना के दरसन कौ खुलासा 22:7

हेर, मैं झट्टई आबेवारो आंव; धन्न आंय बे, जो ई पोथी की अगमवानी की बातन हां मानत आय।

- यूहन्‍ना के दरसन कौ खुलासा 3:21

जौन पक्को निकल है, मैं ऊहां अपने संग्गै सिंहासन पै बैठा हों।

- यूहन्‍ना के दरसन कौ खुलासा 5:10

और उन हां हमाए परमेसुर के खास जनें और याजक बना दओ; और बे धरती पै राज कर हैं।