- यूहन्‍ना के दरसन कौ खुलासा 20:4 - Bundeli Holy Bible

⁴ फिन मैंने सिंहासन तके, और उन पै मान्स बैठ गए, और उन हां न्याव करबे कौ अधकार दओ गओ; और मैंने उन आत्माओं हां भी तको, जिन की मूड़ें ईसा मसीह की गवाह और परमेसुर के परचार करे से काटे गए हते; और जिन ने ऊ जनावर और ऊ की मूरत की पूजा नईं करी हती, और ऊ की छाप अपने माथे और हाथन पै नईं लगाई हती; बे औरें जीवित होकें ईसा मसीह के संग्गै हजार बरस लौ राज करत रए।

- यूहन्‍ना के दरसन कौ खुलासा 20:4 ပူးပေါင်းရင်းမြစ်များ

- मत्ती 19:28

यीशु ने उन से कई, मैं तुम से सांची कहत आंव, कि नई रचना से जब मान्स कौ पूत अपनी मईमा के सिंहासन पर बैठ है, तो तुम भी जो मोरे पाछें हो लए आव, बारह सिंहासनों पे बैठ के इस्राएल के बारह गोत्रन कौ न्याव कर हौ।

- मत्ती 24:10

उन दिना में बिलात लोग ठोकर खा हैं, और एक दूसरे हां पकड़वा हैं, और एक दूसरे से बैर राख हैं।

- मरकुस 6:16

हेरोदेस ने जौ सुनके कओ, जौन यूहन्ना कौ मूड़ मैंने कटवाओ हतो, ऊ जी उठो आय।

- मरकुस 6:27

और राजा ने तुरतईं एक सिपाई हां हुकम दैके भेजो, कि ऊ की मूड़ काट लाए।

- मरकुस 9:11

और उन ने ऊसे पूछो, शास्त्री काय कैत आंय, कि एलिय्याह कौ पेंला आबो निश्चित आय?

- लूका 1:17

बो एलिय्याह की आत्मा और बल सक्ति में होकें ऊके आंगू चल है, कि पितरों कौ हिया बाल-बच्चन कुदाऊं लौटा देबे; और हुकुम न मानबेवारन हां धर्मीयन की समज पे लाबै; और पिरभु के लाने एक सई परजा तईयार करै।

- लूका 14:14

तब तें धन्न हुईये, कायसे उन लौ तोहां बदला चुकाबे हां कछु नईंयां, पर जब धरमी जी उठ हैं तो तोहां ईकौ बदला मिल है।

- लूका 22:30

ऊं सई मैं सोई तुमाए लाने ठैरात आंव, जीसे तुम मोरे राज में मोरी मेज पे खाओ - पियो; और सिहासनों पे बिराज के इस्राएल के बारह कुलों कौ न्याय करो।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- रोमियों 11:15

कायसे जब उन कौ त्याग दओ जाबो संसार के मिलाप कौ काज भओ, तो का उन को अपनाओ जाबो मरे भयन में से जी उठबे के बिरोबर न हुईये?

- रोमियों 8:17

जदि लरका बिटिया आंय, तो वारिस सोई, जाने के परमेसुर के वारिस और मसीह के संगी वारिस आंय, जब हम ऊके संग्गै दुख मुसीबत उठाबें तो ऊके संग्गै मईमा सोई पा हैं।

- 2 तीमुथियुस 2:12

और हम धीरज धरें, तो उनके संग्गै राज सोई कर हैं: हम उन हां मान न दै हैं तो बे हमाओ मान सोई न कर हैं।

- यूहन्‍ना के दरसन कौ खुलासा 1:2

यूहन्ना ने परमेसुर को बचन और पिरभु यीशु ने जौन करो, जीहां उन ने तको हतो ऊ की गवाही दई।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 11:11

और साढ़े तीन दिना होबे पै परमेसुर ने उन के सरीर में जीव फूंक दओ; और बे अपने गोड़े पै ठांड़े हो गए, और उन हां तकबेवारे डरा गए।

- यूहन्‍ना के दरसन कौ खुलासा 11:15

और जब सातवें दूत ने तुरही फूंकी, तो सरग में जोर जोर की पुकार सुनी गई, कि संसार कौ राज हमाए पिरभू ईसा मसीह को हो गओ आय।

- यूहन्‍ना के दरसन कौ खुलासा 11:3

और मैं अपने दो गवाह को जौ अधकार दै हों, कि बे टाट ओढ़ के एक हजार दो सौ साठ दिना लौ आगमवाणी करें।

- यूहन्‍ना के दरसन कौ खुलासा 11:7

और जब बे अपनी गवाह दे दै हैं, तो ऊ जनावर जो अथाह कुण्ड में से निकल है, उन से लड़ के उन हां जीत लै है और उन हां मार डाल है।

- यूहन्‍ना के दरसन कौ खुलासा 12:11

और उन ने मेमने के रकत और अपनी गवाह से शैतान छलिया पै जीत पाई, और उन ने अपने प्रानन हां लौ दे दओ।

- यूहन्‍ना के दरसन कौ खुलासा 14:11

और ऊ आग और गन्धक को धुआं हमेसा लौ निकलत रै है, और जो ऊ जनावर और ऊ की मूरत की पूजा कर हैं, और ऊ की छाप हां लगा हैं, उन हां रात दिना कभऊं चैन न मिल है।

- यूहन्‍ना के दरसन कौ खुलासा 15:2

और मैंने आगी में मिलौ कांच कौ सो समुद्र हेरो, और जो ऊ जनावर पर, और ऊ की मूरत पै, और ऊके नाओं के अंक से जीते हते, उन मान्सन हां परमेसुर की वीणा लए समुन्दर के ऐंगर ठांड़ो तको।

- यूहन्‍ना के दरसन कौ खुलासा 17:8

जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।

- यूहन्‍ना के दरसन कौ खुलासा 2:26

जौन इन बातन हां अन्त लौ मान है, मैं ऊहां देस देस के लोगन में मुखिया बना हों।

- यूहन्‍ना के दरसन कौ खुलासा 20:6

धन्न और पवित्तर बे आंय, जो पैले मरे में से जी उठे; ऐसों पै दूसरी मौत कौ अधकार नईयां, पर बे परमेसुर और ईसा मसीह के याजक हुईयें, और उनके संग्गै एक हजार बरस लौ राज कर हैं।

- यूहन्‍ना के दरसन कौ खुलासा 22:5

और फिन रात न हुईये, और उते दिया और सूरज के उजयारे की जरुरत नईंयां, कायसे पिरभु परमेसुर उन हां उजयारो दै हैं: और बे जुग जुग लौ राज कर हैं।

- यूहन्‍ना के दरसन कौ खुलासा 3:21

जौन पक्को निकल है, मैं ऊहां अपने संग्गै सिंहासन पै बैठा हों।

- यूहन्‍ना के दरसन कौ खुलासा 4:4

और ऊ सिंहासन के चारऊं कोद चौबीस सिंहासन आंय; और इन पै चौबीस प्राचीन उजरे उन्ना पैरे बिराजे आंय, और उनके मूड़ पै सोने के मुकुट धरे आंय।

- यूहन्‍ना के दरसन कौ खुलासा 6:9

और जब उन ने पांचवी मुहर खोली, तो मैंने वेदी के नेंचें उन मान्सन के प्रानन हां तको, जो परमेसुर के बचन हां सुनाबे, और अपने बिसवास की बातन हां सुनाबे में मारे गए हते।

- यूहन्‍ना के दरसन कौ खुलासा 7:3

जब लौ हम अपने परमेसुर के सेवा करबेवारन के माथे पै मुहर न लगा देबें, तौ लेओ धरती और समुन्दर और पेड़ों हां नुसकान न करियो।