- यूहन्‍ना के दरसन कौ खुलासा 2:5 - Bundeli Holy Bible

⁵ सो अब चेत जा, कि तें किन बातन में गिरो और फिन से बेई काज कर जौन तें पेंला करत हतो; कायसे तें पेंला जैसे काज न कर है, तो मैं तोरे ऐंगर आहों और तोरी दीवट हां उते से हटा देंहों।

- यूहन्‍ना के दरसन कौ खुलासा 2:5 ပူးပေါင်းရင်းမြစ်များ

- मत्ती 5:14

तुम जगत की ज्योत आव; पहरवा पे बसो नगर छुप नईं सकत।

- मत्ती 5:15

और लोग दिया हां बार के टुकनियां के खालें नईं पर दीवट पे धरत आंय, तब ऊसे घर के सबरे जनन हां उजयारो मिलत है।

- मरकुस 12:9

ईसे दाख के बगीचा कौ मालक का कर है? ऊ आके उन किसानन कौ नास कर है, और दाख कौ बगीचा औरन हां दे दै है।

- लूका 1:17

बो एलिय्याह की आत्मा और बल सक्ति में होकें ऊके आंगू चल है, कि पितरों कौ हिया बाल-बच्चन कुदाऊं लौटा देबे; और हुकुम न मानबेवारन हां धर्मीयन की समज पे लाबै; और पिरभु के लाने एक सई परजा तईयार करै।

- लूका 20:16

बो आके उन किसानन हां नास कर है, और दाख कौ बागीचा और दूसरन हां सौंप है: जा सुन के उन ने कओ, परमेसुर ऐसो न करे।

- गलतियों 5:4

तुम जौन नैम द्वारा धरमी बनो चाहत आव, मसीह से अलग और दया से गिरे भए आव।

- फिलिप्पियों 2:15

कि तुम ई संसार में बिन दोस के सूदे सादे परमेसुर के जने होकें ई बुरई और टेढ़े संसार में बिन पाप बने रओ, (उन मान्सन के बीच जिन्हें तुमें जीवन की बातें बता के, मानो एक जलत भओ दिया जैसे आव)।

- इब्रानियों 10:32

पेंला के दिना हां याद करो, जब तुम ने पिरभू की जोत पाई तो तुम ने बड़ी पीड़ा सही परन्त पक्के बने रए।

- 2 पतरस 3:17

ई लाने हे प्यारे भईया हरौ, तुम और पेंलई से इन बात हां जान के हुसयार रओ, कि अधरम जन की गलती में फंस के अपने पक्के बिसवास हां कऊं हिरा न दो।

- यहूदा 1:24

जौन तुम हां बिलुरबे से बचा लै है, और पाप से धोके उजरो कर लै है, अपने सरग लोक के तेज में।

- यूहन्‍ना के दरसन कौ खुलासा 1:20

यानी उन सात तारों हां जौन तेंने मोरे दाएं हाथ में तके हते, और उन सात सोने की दीवटों कौ का मतलब आय: बे सात तारे सात मण्डली के दूत आंय, और बे सात दीवटें सात मण्डली आंय।

- यूहन्‍ना के दरसन कौ खुलासा 16:9

और मान्स भारी तपन से झुलस गए, और परमेसुर के नाओं की जीहां इन विपत पै अधकार आय, बुरओ कहो और ऊकौ मन से जस न मानो।

- यूहन्‍ना के दरसन कौ खुलासा 2:16

सो अब इन बातन हां छोड़ दो, नईं तो मैं तोरे ऐंगर आके, ऐसे मान्सन से लड़हों और अपने मों के बचन से उनहां ऐसो काट हों जैसे तलवार काटत आय।

- यूहन्‍ना के दरसन कौ खुलासा 2:19

कि मैं तोरे सबरे काज, तोरे प्रेम, और बिसवास, तोरी सेवा, और तोरे धीरज हां जानत आंव, और जौ सोई जानत आंव कि तोरे अबै के काम पेंला के कामन से बढ़िया आंय।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।

- यूहन्‍ना के दरसन कौ खुलासा 3:19

मैं जिन हां प्रेम करत आंव, उन सब हां चितात और उन हां सजा देत आंव, सो अब चेतो और अपने बुरय कामन हां छोड़ो।