- यूहन्‍ना के दरसन कौ खुलासा 2:3 - Bundeli Holy Bible

³ तें धीरज धरत आय, और मोरे नाओं के लाने दुख उठात उठात थकत नईंयां।

- यूहन्‍ना के दरसन कौ खुलासा 2:3 ပူးပေါင်းရင်းမြစ်များ

- मरकुस 15:21

और सिकन्दर और रुफुस नाओं के मान्स कौ बाप, शिमौन नाओं एक कुरेनी जात कौ मान्स, जौन गांव से आ रओ हतो उते से कड़ो; उन ने ऊहां बेगार में पकड़ो, कि ऊकौ क्रूस उठा के लै चले।

- लूका 14:27

और जौन कोई अपनो क्रूस न उठाए, और मोरे पाछूं न आबै; बो सोई मोरो चेला नईं हो सकत।

- लूका 18:1

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

- लूका 21:19

अपने धीरज से तुम अपने प्राण हां बचाए रख हौ।

- लूका 5:5

शमौन पतरस ने यीशु से कओ, कि हे मालक, हम ने सबरी रात मैनत करी और कछु न पकड़ो; पर अब तोरे कैबे से जाल डाल हों।

- लूका 8:15

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

- यूहन्‍ना 15:21

परन्त जे सब बातें, बे मोरे नाओं के काजें तुमाए संग्गै कर हैं, कायसे बे ऊहां नईं चीनत जीने मोय पठैव।

- रोमियों 12:12

आसा में खुस रओ; परेसानी मुसीबत से न डराओ; बिन्तवाई करबे में हमेसा लगे रओ।

- रोमियों 16:12

त्रूफै ना और त्रूफोसा हां जौन पिरभु में मैनत करत आंय, नमस्कार। प्रिया पिरसिस हां जीने पिरभु में एन मैनत करी, नमस्कार।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- रोमियों 8:25

परन्त जौन बस्त हां हम नईं तकत आंय, जदि ऊ की आसा करत आंय, तो हिये हां दिलासा दे ऊ की बाट देखत आंय।

- पैली कुरिन्थियों 13:7

बो सबरी बातें सह लेत आय, सबरी बातन कौ बिसवास करत आय, सबरी बातन में आसा राखत आय, सबरी बातन में धीरज धरत आय।

- पैली कुरिन्थियों 16:16

सो मैं तुम से बिन्तवाई करत आंव कि ऐसन कौ कओ मानो, जाने सबई कोई के जौन ई काम में मैनती और संग्गी आय।

- दूसरी कुरिन्थियों 10:15

और हम हद्द से बाहर दूसरन के कामन पै बड़वाई नईं करत; अकेले हम हां जौ पता आय, कि जैसे जैसे तुमाओ बिसवास बढ़ है तो हम सोई अपनी हद्द से तुमाए कारण और बढत जै हैं।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 4:16

ईसे हम हिम्मत नईं हारत; जैसे हमाओ सरीर टूटत जात आय; अकेले हमाए भीतर वालो रोजीना नओ होत जात आय।

- दूसरी कुरिन्थियों 5:9

ईसे हमाए हिये की मनसा जा आय, कि चाए संग्गै रएं और चाए न्यारे रैबें, पिरभू हां अच्छे लगें।

- दूसरी कुरिन्थियों 6:5

कोड़ा खाए से, कैद होबे में, मान्सन ने जुड़ के परेसान करे से, बिलात मैनत से, जगत रैबे और उपास करबे से।

- गलतियों 6:2

तुम एक दूजे को बुझवा उठाओ, और ई तरहां मसीह को नेम पूरो करो।

- गलतियों 6:9

भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- फिलिप्पियों 2:16

तुम ऐसई बने रए तो मोहां जो गरब हुईये, कि जौन सेवा मैंने तुमाए बीच मैनत से करी बो ऊं सई नईं गई।

- फिलिप्पियों 4:3

और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- कुलुस्सियों 1:11

और उनके जस के जोर से और सबरी बात में बढ़त जाओ, इते लौ कि मजे से धीरज करके सैबेवारोपन राखो।

- 1 थिस्सलुनीकियों 1:3

हम हमेसा परमेसुर के सामूं तुमाए बिसवास से करे काम, और सेवा जौन प्रेम से करी आय, और यीशु मसीह में हमाई जौन आस आय ऊहां याद करत आंय।

- 1 थिस्सलुनीकियों 2:9

भईया हरौ, तुम हमाए दुख और परेसानी हां जानत आव, कि हम ने रात दिना अपनो धन्धा करत तुम हां परमेसुर की बातें बताईं, कि तुम में से कोई पै बुझवा न डालें।

- 1 थिस्सलुनीकियों 5:12

भईया हरौ, हम तुम से कैत आंय, कि तुमाए बीच जौन मैनत करत आंय, और पिरभू में तुमाए गुरू आंय, और तुम हां समझात आंय, उनकी बात मानो।

- 2 थिस्सलुनीकियों 3:13

परन्त भईया हरौ, तुम दूसरन की मदद करबे में हिम्मत न हारियो।

- 2 थिस्सलुनीकियों 3:5

अब तुमाए मन हां परमेसुर ने जौन प्रेम करो आय, और यीशु मसीह ने तुमाए लाने धीरत धरो ऊहां बनाए रएं।

- 2 थिस्सलुनीकियों 3:8

और कोई की रोटी बिना पईसन के नईं खाई, परन्त रात दिना मैनत से अपनो धन्धो करत हते, कि तुम में से कोई पे बोझो न होबै।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।

- 1 तीमुथियुस 5:17

जौन मुखिया अच्छे से काम करत, और परमेसुर की बातें दूसरन हां बतात आंय और मेनत से सिखात आंय, उन हां दुगनो मान मिल है।

- इब्रानियों 10:36

धीरज धरबो सीखो कि तुम परमेसुर हां खुस राखो, और ध्यान धरो कि पिरभू से तुम हां ईको बड़ो फल मिल है।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- इब्रानियों 13:13

सो आओ, अपन यीशु मसीह लौ बायरें चलें कि उनके अपमान में उनके संग्गै रैबें।

- इब्रानियों 6:10

हम जौ सोई कैत आंय कि परमेसुर अच्छे न्यायी आंय, बो तुमाई याद कर है, कि तुम कैसे उन सबरे जन जिन ने यीशु मसीह हां पकड़ लओ आय, उन की सेवा खुसामद करत आव।

- इब्रानियों 6:12

सो आलसी न बनो; परन्त अपने बिसवास में बने रओ, और जब लौ परमेसुर ने उन हां बे बातें न दईं जी की उन ने कई हती धीरज धरो।

- इब्रानियों 6:15

परन्त अब्राहीम ने धीरज धरो जब लौ जौन परमेसुर ने ऊसे कई हती पूरी न भई।

- 2 पतरस 1:6

समज पे संयम, संयम पे धीरज, और धीरज पे भक्ति।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।