- यूहन्‍ना के दरसन कौ खुलासा 2:14 - Bundeli Holy Bible

¹⁴ पर मोय तोसे कछु बातें कहने आय, कायसे तोरे इते कछु तो ऐसे आंय, जो बिलाम की शिक्षा को मानत आंय, जीने बालाक हां इस्राएली लोगन के सामूं ठोकर कौ कारन रखबो सिखाओ, कि मूरतन हां चढ़ाओ भओ भोजन खाबें, और व्यभिचार करें।

- यूहन्‍ना के दरसन कौ खुलासा 2:14 ပူးပေါင်းရင်းမြစ်များ

- मत्ती 18:7

ठोकरों के काजें संसार पे हाय! ठोकरों कौ लगबो जरूरी आय; पर हाय ऊ मान्स पे जीके द्वारा ठोकर लगत आय।

- प्रेरितन के काम 15:29

की तुम मूरतन पे बलि चढ़ाई भई बस्तन से, खून से, गलो घोंटे गए मास से, और दुराचार से बचे रै हौ; इन से बचे रओ तो तुमाओ भलो हुईये, बाकी शुभ।

- प्रेरितन के काम 21:25

जिते लौ भरोसेमन्द गैर यहूदियन कौ नाता आय, हम ने उनहां जौ सार लिख के पठैव आय, की बे मूरतन के आंगू बलि करे भए मांस से, और खून से, और गले घोंटे भए के मांस से, और दुराचार से बचे रएं।

- रोमियों 11:9

और दाऊद राजा कैत आय; उन कौ खैबो उन के लाने जाल, और फन्दा, और उपटा और दांड़ कौ काज होबे।

- रोमियों 14:13

सो आंगू से हम एक दूसरे पे लांछन न लगाबें पर तुम जौ ठान लेओ कि कोनऊ अपने भाई के सामूं ठेस या उपटा लगबे कौ कारण न बने।

- रोमियों 14:21

भलो तो जौ आय, कि तें न मांस मछरिया खाबै और न दारू पिए, और न कछु ऐसो करे, जीसे तोरो भईया ठोकर खाबै।

- रोमियों 9:32

की लाने? ई लाने कि बे बिसवास से नईं, परन्त जानो कि बे कर्मो से ऊहां खोजत हते: उन ने ऊ ने ऊपर कड़े पत्थरा पे उपटा खाओ।

- पैली कुरिन्थियों 1:23

परन्त हम तो ऊ क्रूस पे टांगे गए मसीह कौ परचार करत आंय, जौन यहूदियन हां उपटा कौ काज, और दूसरी जातवारन हां मूरखता आय।

- पैली कुरिन्थियों 7:2

परन्त कुकर्म के डर से सबरे मन्सेलुअन की घरवारी, और सबरी बईयरन कौ मन्सेलू होबे।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- यहोशू 24:9

फिन मोआब के राजा सिप्‍पोर कौ मोंड़ा बालाक उठकें इस्राएल सें लड़ो; और तुमहों स्राप देबे के लाने बोर के मोंड़ा बिलाम हों बुलवाओ,

- 1 पतरस 2:8

बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।

- 2 पतरस 2:15

बे सूदी गैल हां छोड़ के भटक गए आंय, और बओर के पूत बिलाम की गैल पे चलत आंय; जीने अधरम की मजूरी हां प्यारो जानो हतो।

- यहूदा 1:11

उन पे श्राप पड़े, कायसे बे कैन जैसी चाल चले, और तनक से पईसन के लाने बिलाम जैसे कुटे भए, और कोरह के जैसो बिरोध करके मारे गए।

- यूहन्‍ना के दरसन कौ खुलासा 2:20

पर मोय तोसे जौ कहने आय, कि तें ऊ बईयर इजेबेल हां अपने बीच रैन देत आय जौन अपने हां आगमवक्तनी कैत आय, और तोरे मान्सन हां सिखात आय कि सब बुरय काम करो, और मूरतन के सामूं चढ़ाओ भओ भोजन खाओ ऐसो कै के उनहां बिलोरत आय।

- यूहन्‍ना के दरसन कौ खुलासा 2:4

पर मोहां तोसें जौ कहने आय कि तेंने पेंला जैसो प्रेम छोड़ दओ आय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।