- यूहन्‍ना के दरसन कौ खुलासा 17:8 - Bundeli Holy Bible

⁸ जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।

- यूहन्‍ना के दरसन कौ खुलासा 17:8 ပူးပေါင်းရင်းမြစ်များ

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- लूका 10:20

पर ईसे खुस न हुईयो, कि आत्मा तुमाए वस में आय, पर ईसे खुस हुईयो कि तुमाए नाओं सरग में लिखे आंय।

- लूका 8:31

उन ने यीशु से बिन्तवाई करी, कि हम हां बिकट गैरे गढ्ढे में जाबे कौ हुकम न कर।

- यूहन्‍ना 17:24

हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- प्रेरितन के काम 15:18

जौ ओई प्रभु कहात आय, जौन पुराने जमाने से इन बातन हां दरसात आओ आय।

- इफिसियों 1:4

जैसे उन ने हम हां संसार के बने से पेंला नबेर लओ, कि हम उन लौ प्रेम, पवित्तर और बेखोट कड़ें।

- तीतुस 1:2

अनन्‍तकाल लौ जीयत रैबे की आस से करी, जीके लाने परमेसुर ने कई जौन लाबरी नईं कैत।

- 1 पतरस 1:20

ऊकौ ज्ञान तो संसार के होबे से पेंलई से जानो गओ हतो, पर ई आखीर जुग में तुमाए लाने उजागर भओ।

- यूहन्‍ना के दरसन कौ खुलासा 11:7

और जब बे अपनी गवाह दे दै हैं, तो ऊ जनावर जो अथाह कुण्ड में से निकल है, उन से लड़ के उन हां जीत लै है और उन हां मार डाल है।

- यूहन्‍ना के दरसन कौ खुलासा 17:11

और जो जनावर पेंला हतो, और अब नईयां, बो आठवों आय; और उन सात में से पैदा भओ, और विनाश में पड़ है।

- यूहन्‍ना के दरसन कौ खुलासा 17:2

जौन वेश्या के संग्गै धरती के राजन ने बुरओ कर्म करो; और ऊके सबरे लजाबे के काम मानो ऐसे हते, जैसे संसार के मान्सन ने ऊके बुरय कर्म की मदिरा पी लई होबै।

- यूहन्‍ना के दरसन कौ खुलासा 20:10

और उनको भरमाबे वालो शैतान छलिया आग और गन्धक से बरत झील में, जी में बो जनावर और लबरा अगमवकता सोई हुईये, ऊ में डाल दओ जै है, और बे सबरे रात दिना पिराते से तड़पत रै हैं।

- यूहन्‍ना के दरसन कौ खुलासा 20:12

फिन मैंने लौरे जेठे सब जनें हां मरे भए हां सिंहासन के सामूं ठांड़ो तको, और पोथी खोली गईं; और फिन एक और पोथी खोली गई, जानो जीवन की पोथी; और जैसो उन पोथियन में लिखो भओ हतो, उन के काजन अनसार मरे भयन कौ न्याव करो गओ।

- यूहन्‍ना के दरसन कौ खुलासा 20:15

जी को नाओं जीवन की पोथी में नईं कड़ो, बो सोई आग की झील में डालो गओ।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।

- यूहन्‍ना के दरसन कौ खुलासा 3:5

जो कोऊ इन बातन में पक्को रै है, उन हां ऐसई सफेद उन्ना पैराए जै हैं, और मैं कैसऊ उन को नाओं जीवन की किताब में से न काट हों, मैं परमेसुर और सरगदूतन के सामूं जौ मान लै हों कि जे मोरे जनें आंय।