- यूहन्‍ना के दरसन कौ खुलासा 17:17 - Bundeli Holy Bible

¹⁷ कायसे परमेसुर उनके मन में जौ डाल है, कि बे ऊ की मनसा पूरी करें; और जब लौ परमेसुर को कहो पूरो न हो जाबै, तब लौ बे एक मन होकें अपनो अपनो राज ऊ जनावर हां दे देबें।

- यूहन्‍ना के दरसन कौ खुलासा 17:17 ပူးပေါင်းရင်းမြစ်များ

- लूका 22:22

कायसे मान्स कौ पूत तो जैसो ऊके लाने ठैराओ गओ हतो, पर हाय ऊ मान्स पे, जीके द्वारा बो पकड़वाओ जा रओ आय।

- लूका 22:3

छलिया शैतान यहूदा के हिये में समाओ, जौन इस्करियोती कहात हतो और बारह चेलन में गिनो जात हतो।

- लूका 22:37

कायसे मैं तुम से कैत आंव, कि धरम पोथी में जौन लिखो आय, कि बो अपराधियन के संग्गै लेखो गओ, ऊकौ मो में पूरो होबो जरूरी आय; कायसे मोरे बारे में धरम पोथी में लिखी भई बातें पूरी होबे हां आंय।

- यूहन्‍ना 10:35

जदि ऊ ने उन हां ईश्वर कई जिन के ऐंगर परमेसुर कौ बचन पहुंचो (और परमेसुर के पवित्र शास्त्र कौ खण्डन नईं करो जा सकत)।

- यूहन्‍ना 13:18

मैं तुम सब के बारे में नईं कहत, मैं उन हां जानत आंव जिन हां मैंने चुन लओ आय, पर जौ ई लाने भओ, कि पवित्र शास्त्र कौ बचन पूरो होबै, कि जौन मोरी रोटी खात हतो, ऊ ने मोरे ऊपर लात उठाई।

- यूहन्‍ना 13:2

और खाबे की बेरा, जब शैतान पेंलईं से शमौन के पूत यहूदा इस्करियोती के मन में जौ डाल चुको हतो, कि बो ऊहां दगा से पकड़वाबै।

- यूहन्‍ना 19:24

जौ ई लाने भओ, कि पवित्र शास्त्र की बात पूरी होबै, कि उन ने मोरे उन्ना आपस में बांट लए और मोरे उन्ना पे चिठिया डालीं: ई लाने सिपाहियन ने ऐसई करो।

- यूहन्‍ना 19:28

ईके पाछें यीशु ने जौ जानके कि सब कछु पूरो हो गओ आय; ई लाने कि पवित्र शास्त्र की बात पूरी होय कई, मैं प्यासो आंव।

- दूसरी कुरिन्थियों 8:16

परमेसुर कौ धन्न होबे, जिन ने ओई मन्सा तीतुस के मन में सोई भर दई।

- यूहन्‍ना के दरसन कौ खुलासा 10:7

परन्त सातवें सरगदूत के कहे दिना में हुईयें जब बो तुरही फूकबेवारो हुईये, तो जो बातें परमेसुर ने ऊ सुसमाचार जौन अब लौ लुको हतो, जो ऊ ने अपने अगमवकता हां दओ हतो बो पूरो हुईये।

- यूहन्‍ना के दरसन कौ खुलासा 15:1

फिन मैंने सरग में एक बड़ो अजीब चिन्ह तको, सात सरगदूत जिनके हांतन में पिछली सात विपत हतीं, कायसे उन के पूरे हो जाबे पै परमेसुर के कोप को अन्त आय।

- यूहन्‍ना के दरसन कौ खुलासा 17:13

जे सब एक मन हुईयें, और बे सब अपनो बल और अधकार ऊ जनावर हां दै हैं।

- यूहन्‍ना के दरसन कौ खुलासा 19:9

और ऊ ने मोय से कही; जौ लिख, कि धन्न बे आंय, जो मेमने के ब्याओ के भोज में बुलाए गए आंय; और ऊ ने मोय से कई, जे परमेसुर की सांची वाणी आंय।

- यूहन्‍ना के दरसन कौ खुलासा 6:11

और उन सबरन हां सफेद उन्ना दओ गओ और उन से कहो गओ, कि और थोड़ी बेरा लौ आराम करो, जब लौ तुमाए संग्गी सेवा करबेवारे, और भईया, जौन तुमाए जैसे कतल होबेवारे आंय, उन सबरन की गिनती पूरी न हो जाबै।