- यूहन्‍ना के दरसन कौ खुलासा 14:4 - Bundeli Holy Bible

⁴ जे बे आंय, जो बईयरन के संग्गै अशुद्ध नईं भए, परन्त कुंआरे आंय: और जे बे आंय, कि जिते मेमना जात आय, बे ऊके पछाऊं जात आंय: जे जने संसार में से परमेसुर के सामूं ठांड़े होबे हां छुड़ाए गए आंय।

- यूहन्‍ना के दरसन कौ खुलासा 14:4 ပူးပေါင်းရင်းမြစ်များ

- मत्ती 19:12

कायसे कछु नामर्द ऐसे आंय, जौन अपनी मताई के पेट से ऐसई पैदा भए; और कछु नामर्द ऐसे आंय, जिन हां मान्सन ने नामर्द बनाओ: और कछु नामर्द ऐसे भी आंय, जिन ने सरग के राज्य के लाने अपने आप हां नामर्द बनाओ आय, जौन ईहां अपना सकत आय, बो अपनात रए।

- मत्ती 25:1

तब सरग कौ राज्य उन दस कुंवारियन जैसो हुईये, जौन अपनी मशालें लैके दूल्हे से मिलबे हां कड़ीं।

- मत्ती 8:19

और एक शास्त्री ने ऐंगर आके ऊसे कई, हे गुरू, जिते तें जै है, मैं तोरे पाछें पाछें निंग हों।

- यूहन्‍ना 10:27

मोरी गाड़रें मोरो एैरो सुनत आंय, मैं उन हां चीनत आंव, और बे मोरे पाछें पाछें निगत आंय।

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- यूहन्‍ना 13:37

पतरस ने ऊसे कई, हे प्रभु मैं अबै तोरे पाछें काय नईं आ सकत? मैं तो तोरे लाने अपनी जान भी दे दै हों।

- यूहन्‍ना 8:12

यीशु ने फिन लोगन से कई, जगत की ज्योत मैं आंव; जौन मोरे पाछें चल है, बो अन्धयारे में नईं निंग है, परन्त जीवन की ज्योत पा है।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- पैली कुरिन्थियों 16:15

हे भईया हरौ, तुम स्तिफनास के घरवारन हां जानत आव, कि बे अखया में सबसे पेंला बिसवास लाए हते, और पवित्तर जनों की सेवा खुसामद हां तईयार रैत आंय।

- पैली कुरिन्थियों 6:20

कायसे टका देके खरीद लए गए आव, ई लाने अपनी देयां से परमेसुर की बड़वाई करो।

- पैली कुरिन्थियों 7:28

परन्त जदि तें ब्याओ सोई करे, तो पाप नईंयां; और जदि कुंआरी ब्याही जाबै तो कछु पाप नईंयां; परन्त ऐसन हां देयां की पीड़ा हुईये, और मैं बरकाओ चाहत आंव।

- दूसरी कुरिन्थियों 11:2

कायसे में तुमाए काजें ईश्वरीय धुन में लगो रैत आंव, कायसे मैंने एकई जनें से तुमाई बात चलाई आय, कि तुम हां साजी कुंआरी जैसी मसीह के हाथ दे देओं।

- इफिसियों 1:14

बो उनके मोल लय वारन के छूटबे पे जौन जायजाद हम हां मिल है ऊ को बयानो आय, उनके नाओं को गुन गान होबे।

- इफिसियों 5:27

पिरभू यीशु मसीह ने मण्डली हां एक बढ़िया मण्डली करो, और ऊहां सबरे दोस से दूर करके अपने लौ खड़ी होबे लाक बनाओ।

- 1 तीमुथियुस 4:3

जे ब्याव करबे से रोक हैं, और कह हैं कि खैबे की कछु बस्तन से दूर रओ, परन्त परमेसुर ने उन बस्तन हां ई लाने बनाई आंय कि बिसवासी जनें, और सांचे हां चीनबेवारे उन हां परमेसुर को धन्न मानके खाबें।

- इब्रानियों 12:23

जिते लाखों सरगदूत के संग्गै परमेसुर के प्यारे जनें जीके नाओं सरग में लिखे आंय; और परमेसुर जौन न्यायी आय उन के संग्गै आय, और अच्छे मान्सन की आत्मा जीने पापन की छिमा पाई आय।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- यूहन्‍ना के दरसन कौ खुलासा 17:14

जे मेमने से लड़ हैं, और मेमना जीत है; कायसे बो प्रभुओं कौ पिरभू, और राजाओं कौ राजा आय: और जो बुलाए भए, और चुने भए, और बिसवासी उनके संग्गै आंय, बे सोई जय पा हैं।

- यूहन्‍ना के दरसन कौ खुलासा 21:22

और मोहां उते कोई मन्दर नईं दिखानो, कायसे महाबली पिरभू परमेसुर, और मेमना उतै के मन्दर आंय।

- यूहन्‍ना के दरसन कौ खुलासा 21:23

और ऊ नगर में सूरज और चन्दा के उजयारे की जरुरत नईंयां, कायसे परमेसुर के तेज से उते उजयारो हतो, और मेमना उते की ज्योत हतो।

- यूहन्‍ना के दरसन कौ खुलासा 3:4

पर एक बात तो आय कि तोरे इते सरदीस में कछु ऐसे जनें आंय, जिन ने अपने उन्ना असुद्ध नईं करे, बे सब मोरे संग्गै उजरे उन्ना पैर के घूम हैं कायसे बे लायक आंय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।