- यूहन्‍ना के दरसन कौ खुलासा 13:15 - Bundeli Holy Bible

¹⁵ और जब ऊ मूरत में प्राण प्रतिष्ठा करबे को अधकार दओ गओ, कि बा मूरत बोलन लगे; और जौन ऊ मूरत की पूजा न करे, बो मरवा डालो जाए।

- यूहन्‍ना के दरसन कौ खुलासा 13:15 ပူးပေါင်းရင်းမြစ်များ

- उत्पत्ति 2:7

तब यहोवा परमेसुर ने आदम हों धरती की माटी सें बनाओ, और ऊके नकुओं में जीवन की सांस फूंक दई; और आदम जियत प्रानी बन गओ।

- याकूब 2:26

जैसे देह आत्मा बिना मरी भई आय, ऊंसई बिसवास सोई करम बिना मरो भओ आय।

- यूहन्‍ना के दरसन कौ खुलासा 13:1

मैंने एक जनावर हां समुन्दर में से कड़त हेरो, जीके दस सींग और सात मूंड़ हते; और ऊके दसई सींग पै राजमुकुट हते, और ऊ की मूड़ पै निन्दा के नाओं लिखे हते।

- यूहन्‍ना के दरसन कौ खुलासा 13:12

जौ ऊ जनावर के लाने काम करत हतो, जी कौ घाव अच्छो हो गओ हतो, और ऊ की पूजा करवात हतो।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 14:11

और ऊ आग और गन्धक को धुआं हमेसा लौ निकलत रै है, और जो ऊ जनावर और ऊ की मूरत की पूजा कर हैं, और ऊ की छाप हां लगा हैं, उन हां रात दिना कभऊं चैन न मिल है।

- यूहन्‍ना के दरसन कौ खुलासा 14:9

फिन ईके पाछें एक और सरगदूत बड़ी आवाज में ऐसो कैत आओ, कि जो कोऊ ऊ जनावर और ऊ की मूरत हां पूजे, और अपने हाथ और माथे पे ऊ की छाप लगाए।

- यूहन्‍ना के दरसन कौ खुलासा 16:2

सो पैले सरगदूत ने अपनो कटोरा धरती पै उड़ेल दओ। और जिन मान्सन पै ऊ जनावर की छाप हती, और जो ऊ की मूरत की पूजा करत हते, उन हां एक बुरओ और बिलात पिराते वारो खता कड़ो।

- यूहन्‍ना के दरसन कौ खुलासा 16:5

और मैंने पानू के सरगदूत हां जौ कैत सुनो, कि हे पवित्तर जौन अबै है, और जौन हतो, तें न्यायी आय और तेंने जौ न्याय करो।

- यूहन्‍ना के दरसन कौ खुलासा 17:14

जे मेमने से लड़ हैं, और मेमना जीत है; कायसे बो प्रभुओं कौ पिरभू, और राजाओं कौ राजा आय: और जो बुलाए भए, और चुने भए, और बिसवासी उनके संग्गै आंय, बे सोई जय पा हैं।

- यूहन्‍ना के दरसन कौ खुलासा 17:17

कायसे परमेसुर उनके मन में जौ डाल है, कि बे ऊ की मनसा पूरी करें; और जब लौ परमेसुर को कहो पूरो न हो जाबै, तब लौ बे एक मन होकें अपनो अपनो राज ऊ जनावर हां दे देबें।

- यूहन्‍ना के दरसन कौ खुलासा 17:6

और मैंने बा बईयर हां पिरभू ईसा मसीह के जनों कौ रकत पिये और मतवालो तको, और ऊहां तक के मैं चकित भओ।

- यूहन्‍ना के दरसन कौ खुलासा 18:20

हे सरग और धरती पै रैवेबारे लोगो, प्रेरितन और अगमवकता, ऊ पे मजा करो, कायसे परमेसुर ने तुमाओ बदला ऊसे ले लओ।

- यूहन्‍ना के दरसन कौ खुलासा 18:24

और अगमवकतन और परमेसुर के जन, और धरती पै के सबरे मारे गए मान्सन को रकत ओई में पाओ गओ।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।

- यूहन्‍ना के दरसन कौ खुलासा 20:4

फिन मैंने सिंहासन तके, और उन पै मान्स बैठ गए, और उन हां न्याव करबे कौ अधकार दओ गओ; और मैंने उन आत्माओं हां भी तको, जिन की मूड़ें ईसा मसीह की गवाह और परमेसुर के परचार करे से काटे गए हते; और जिन ने ऊ जनावर और ऊ की मूरत की पूजा नईं करी हती, और ऊ की छाप अपने माथे और हाथन पै नईं लगाई हती; बे औरें जीवित होकें ईसा मसीह के संग्गै हजार बरस लौ राज करत रए।