- यूहन्‍ना के दरसन कौ खुलासा 13:14 - Bundeli Holy Bible

¹⁴ जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:14 ပူးပေါင်းရင်းမြစ်များ

- 2 थिस्सलुनीकियों 2:4

जौन बिरोध करत आंय, उन हां जौन परमेसुर के मानबेवारे आंय, और अपने आप हां बड़ो कैत आंय, इते लौ कि बो परमेसुर के मन्दर में बैठ के अपने आप हां परमेसुर कैत आय।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:1

मैंने एक जनावर हां समुन्दर में से कड़त हेरो, जीके दस सींग और सात मूंड़ हते; और ऊके दसई सींग पै राजमुकुट हते, और ऊ की मूड़ पै निन्दा के नाओं लिखे हते।

- यूहन्‍ना के दरसन कौ खुलासा 13:15

और जब ऊ मूरत में प्राण प्रतिष्ठा करबे को अधकार दओ गओ, कि बा मूरत बोलन लगे; और जौन ऊ मूरत की पूजा न करे, बो मरवा डालो जाए।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 14:11

और ऊ आग और गन्धक को धुआं हमेसा लौ निकलत रै है, और जो ऊ जनावर और ऊ की मूरत की पूजा कर हैं, और ऊ की छाप हां लगा हैं, उन हां रात दिना कभऊं चैन न मिल है।

- यूहन्‍ना के दरसन कौ खुलासा 14:9

फिन ईके पाछें एक और सरगदूत बड़ी आवाज में ऐसो कैत आओ, कि जो कोऊ ऊ जनावर और ऊ की मूरत हां पूजे, और अपने हाथ और माथे पे ऊ की छाप लगाए।

- यूहन्‍ना के दरसन कौ खुलासा 15:2

और मैंने आगी में मिलौ कांच कौ सो समुद्र हेरो, और जो ऊ जनावर पर, और ऊ की मूरत पै, और ऊके नाओं के अंक से जीते हते, उन मान्सन हां परमेसुर की वीणा लए समुन्दर के ऐंगर ठांड़ो तको।

- यूहन्‍ना के दरसन कौ खुलासा 16:13

और मैंने अजगर और ऊ जनावर और ऊ लबरा अगमवकता के मों से तीन भूत आत्मन हां मेंढक के रूप में कड़त तको।

- यूहन्‍ना के दरसन कौ खुलासा 16:2

सो पैले सरगदूत ने अपनो कटोरा धरती पै उड़ेल दओ। और जिन मान्सन पै ऊ जनावर की छाप हती, और जो ऊ की मूरत की पूजा करत हते, उन हां एक बुरओ और बिलात पिराते वारो खता कड़ो।

- यूहन्‍ना के दरसन कौ खुलासा 18:23

और दिया को उजारो कभऊं तोय में न चमक है, और दूल्हा दुलईया को ब्याव होत न दिखा है; कायसे तोरे व्यापारी संसार भर में जाने जात हते, और तोरे टोना टोटका से सब जातियन भरमाई गईं हतीं।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 20:10

और उनको भरमाबे वालो शैतान छलिया आग और गन्धक से बरत झील में, जी में बो जनावर और लबरा अगमवकता सोई हुईये, ऊ में डाल दओ जै है, और बे सबरे रात दिना पिराते से तड़पत रै हैं।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।