- यूहन्‍ना के दरसन कौ खुलासा 12:4 - Bundeli Holy Bible

⁴ और ऊ ने अपनी पूंछ से आकास के तारों में से एक तिहाई खींच के धरती पै डाल दए, और बो अजगर ऊ बईयर जौन के बच्चा होने हतो, ऊके सामूं ठांड़ो हो गओ, कि जब ऊ को बच्चा होबै तो ऊहां निगल जाए।

- यूहन्‍ना के दरसन कौ खुलासा 12:4 ပူးပေါင်းရင်းမြစ်များ

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- यूहन्‍ना के दरसन कौ खुलासा 12:7

फिन सरग पै लड़ाई भई, मीकाईल सरगदूत और ऊके संग्गी अजगर से लड़बे हां कड़े, और अजगर और ऊके दूत के बीच लड़ाई भई।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:2

और जो जनावर मैंने हेरो, बो चीता जैसो हतो; और ऊके गोड़े भालू जैसे, और मों नाहर जैसो हतो; और अजगर ने अपनो अधकार और राज ऊहां दे दओ।

- यूहन्‍ना के दरसन कौ खुलासा 13:4

उन ने अजगर की पूजा करी, कायसे अजगर ने ऊ जनावर हां अपनो अधकार दे दओ हतो, और ऐसी कैत भए ऊ की पूजा करी, कि ई जैसो को आय?

- यूहन्‍ना के दरसन कौ खुलासा 16:13

और मैंने अजगर और ऊ जनावर और ऊ लबरा अगमवकता के मों से तीन भूत आत्मन हां मेंढक के रूप में कड़त तको।

- यूहन्‍ना के दरसन कौ खुलासा 17:18

और बा बईयर, जीहां तेंने देखो आय बो बड़ो नगर आय, जो संसार के राजाओं पै राज करत आय।

- यूहन्‍ना के दरसन कौ खुलासा 20:2

और ऊ ने बड़े अजगर जानो पुराने सांप हां, जीहां इबलीस और शैतान छलिया कैत आंय; पकड़ के हजार बरस के लाने बान्ध दओ।

- यूहन्‍ना के दरसन कौ खुलासा 8:10

और तीसरे सरगदूत ने तुरही फूंकी, एक बड़ो तारा जो मशाल घाईं बरत हतो, सरग से टूटो, और एक तिहाई नदियन के सोतन पै गिरो।

- यूहन्‍ना के दरसन कौ खुलासा 8:11

ऊ तारे को नाओं नागदौना कहात आय, और एक तिहाई पानू नागदौना जैसो करऔ हो गओ, और बिलात मान्स पानू के करय होबे से मर गए।

- यूहन्‍ना के दरसन कौ खुलासा 8:12

और चौथे सरगदूत ने तुरही फूंकी, और सूरज को एक तिहाई और चन्दा को एक तिहाई और तारन की एक तिहाई पै विपत आई, इते लौ कि उनकौ एक तिहाई भाग अंधियारो हो गओ और दिन के एक तिहाई में उजयारो नईं रहो, और ऊंसई रात में सोई।

- यूहन्‍ना के दरसन कौ खुलासा 8:7

पैले सरगदूत ने तुरही फूंकी, और रकत मिलौनी ओले और आगी कड़ी, और धरती पै डाली गई; और एक तिहाई संसार बर गओ, और एक तिहाई पेड़ बर गए; और सबरी हरी घांस सोई बर गई।

- यूहन्‍ना के दरसन कौ खुलासा 8:8

और दूसरे सरगदूत ने तुरही फूंकी, और मानो आगी में जलत एक पहरवा समुन्दर में डाल दओ; और समुन्दर को एक तिहाई जल रकत हो गओ।

- यूहन्‍ना के दरसन कौ खुलासा 8:9

और समुन्दर में की एक तिहाई जीयत चीजें मर गईं, और एक तिहाई पानू के जहाज नास हो गए।

- यूहन्‍ना के दरसन कौ खुलासा 9:10

उनकी पूंछ बिच्छु घाईं हतीं, और उन में डंक हते, और पांच महिना लौ मान्स हां परेसान करबे की सक्ति उनकी पूंछ में हती।

- यूहन्‍ना के दरसन कौ खुलासा 9:19

उन घुड़वन को बल उन के मों, और पूंछ में हतो; कायसे उन की पूंछें सांप जैसी हतीं, और उन की पूंछ में मूड़ सोई हती, और इनईं से बे मारत हते।