- यूहन्‍ना के दरसन कौ खुलासा 12:3 - Bundeli Holy Bible

³ एक और चिन्ह सरग में दिखाई दओ, और तको, एक बड़े लाल रंग कौ अजगर हतो जीकी सात मूड़ और दस सींग हते, और ऊके मूड़न पै सात राजमुकुट धरे हते।

- यूहन्‍ना के दरसन कौ खुलासा 12:3 ပူးပေါင်းရင်းမြစ်များ

- यूहन्‍ना के दरसन कौ खुलासा 12:1

फिन सरग पै एक बड़ो चिन्ह दिखाई दओ, कि एक बईयर सूरज हां ओढ़नी जैसे ओढ़े हती, और चांद ऊके गोड़े तरें हतो, और ऊ की मूड़ पै बारह तारों कौ मुकट धरो हतो।

- यूहन्‍ना के दरसन कौ खुलासा 12:13

जब अजगर ने हेरो, कि बो धरती पैगिरा दओ गओ आय, तो ऊ बईयर हां जौन बेटा जनी हती, ऊहां सताओ।

- यूहन्‍ना के दरसन कौ खुलासा 12:17

अजगर बईयर पै बड़ो खिसयाओ, और ऊ ने ऊ बईयर के दूसरे लड़का बारन से जो परमेसुर की आज्ञाओं को मानत हते, और पिरभू यीशु की गवाह देत हते, लड़बे हां गओ। और बो समुन्दर की बालू पै जाके ठांड़ो हो गओ।

- यूहन्‍ना के दरसन कौ खुलासा 12:4

और ऊ ने अपनी पूंछ से आकास के तारों में से एक तिहाई खींच के धरती पै डाल दए, और बो अजगर ऊ बईयर जौन के बच्चा होने हतो, ऊके सामूं ठांड़ो हो गओ, कि जब ऊ को बच्चा होबै तो ऊहां निगल जाए।

- यूहन्‍ना के दरसन कौ खुलासा 12:7

फिन सरग पै लड़ाई भई, मीकाईल सरगदूत और ऊके संग्गी अजगर से लड़बे हां कड़े, और अजगर और ऊके दूत के बीच लड़ाई भई।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:1

मैंने एक जनावर हां समुन्दर में से कड़त हेरो, जीके दस सींग और सात मूंड़ हते; और ऊके दसई सींग पै राजमुकुट हते, और ऊ की मूड़ पै निन्दा के नाओं लिखे हते।

- यूहन्‍ना के दरसन कौ खुलासा 13:2

और जो जनावर मैंने हेरो, बो चीता जैसो हतो; और ऊके गोड़े भालू जैसे, और मों नाहर जैसो हतो; और अजगर ने अपनो अधकार और राज ऊहां दे दओ।

- यूहन्‍ना के दरसन कौ खुलासा 13:4

उन ने अजगर की पूजा करी, कायसे अजगर ने ऊ जनावर हां अपनो अधकार दे दओ हतो, और ऐसी कैत भए ऊ की पूजा करी, कि ई जैसो को आय?

- यूहन्‍ना के दरसन कौ खुलासा 15:1

फिन मैंने सरग में एक बड़ो अजीब चिन्ह तको, सात सरगदूत जिनके हांतन में पिछली सात विपत हतीं, कायसे उन के पूरे हो जाबे पै परमेसुर के कोप को अन्त आय।

- यूहन्‍ना के दरसन कौ खुलासा 16:13

और मैंने अजगर और ऊ जनावर और ऊ लबरा अगमवकता के मों से तीन भूत आत्मन हां मेंढक के रूप में कड़त तको।

- यूहन्‍ना के दरसन कौ खुलासा 17:12

और जो दस सींग तेंने देखे बे दस राजा आंय; जिन ने अबै लौ राज नईं पाओ; परन्त बे सोई ऊ जनावर के संग्गै घड़ी भर हां राज पा हैं।

- यूहन्‍ना के दरसन कौ खुलासा 17:16

और जो दस सींग तेंने तके, बे और जनावर ऊ वेश्या से बैर धर हैं, और ऊके सबरे उन्ना उतार लै हैं और ऊहां नंगी कर दै हैं; और उकौ मांस खा जै हैं, और ऊहां आग में जला दें हैं।

- यूहन्‍ना के दरसन कौ खुलासा 17:7

सरगदूत ने मोय से कई, तें काए चकित भओ? मैं तो ई बईयर, और ऊ जनावर, जीपे बा सवारी करत आय, और जीके सात मूड़ और दस सींग आंय, तोहां ऊकौ भेद बतात आंव।

- यूहन्‍ना के दरसन कौ खुलासा 19:12

ऊ की आंखें आगी जैसी आंय: और ऊके मूड़ पै मुतके राजमुकुट आंय; और ऊ को एक नाओं लिखो आय, जीहां ऊके छोड़ और कोऊ नईं जानत।

- यूहन्‍ना के दरसन कौ खुलासा 20:2

और ऊ ने बड़े अजगर जानो पुराने सांप हां, जीहां इबलीस और शैतान छलिया कैत आंय; पकड़ के हजार बरस के लाने बान्ध दओ।