- यूहन्‍ना के दरसन कौ खुलासा 11:18 - Bundeli Holy Bible

¹⁸ दूसरी जातवारन तो खुनस्याए, और तोरो प्रकोप उन पै पड़ो, और अब बा बेरा आ गई आय, कि मरे भओं को न्याव करो जाए, और तुमाए आगमवकता और पवित्तर मान्सन हां और हल्के बड़े जो तुमाए नाओं से डरत आंय, उन हां इनाम दओ जाए, और जिन ने धरती हां बरबाद करो आय उन को नास करो जाए।

- यूहन्‍ना के दरसन कौ खुलासा 11:18 ပူးပေါင်းရင်းမြစ်များ

- मत्ती 5:12

खुस और मगन हुईयो कायसे स्वर्ग में तुमाए लाने बड़ो फल धरो है, उन ने तो उन आगमवकता हां भी जौन तुम से पेंला हते ऐई तरहां सताओ हतो।

- लूका 1:50

और ऊ की दया उन पे, जौन ऊसे डरत आंय, पीढ़ी से पीढ़ी लौ बनी रैत आय।

- इब्रानियों 9:27

और मान्सन हां एक बेर मरके उनको न्याय हुईये।

- यूहन्‍ना के दरसन कौ खुलासा 10:7

परन्त सातवें सरगदूत के कहे दिना में हुईयें जब बो तुरही फूकबेवारो हुईये, तो जो बातें परमेसुर ने ऊ सुसमाचार जौन अब लौ लुको हतो, जो ऊ ने अपने अगमवकता हां दओ हतो बो पूरो हुईये।

- यूहन्‍ना के दरसन कौ खुलासा 11:2

और मन्दर के बायरें को आंगन छोड़ दईये; ऊहां नईं नापिये, कायसे बो दूसरी जातन के मान्सन हां दओ गओ आय, और बे पवित्तर नगर हां ब्यालीस महिना लौ रोंदत रै हैं।

- यूहन्‍ना के दरसन कौ खुलासा 13:10

जिन हां कैद होबे हां आय, बे जेहल में जै हैं, जौन हां तलवार से मारो जाने आय, बे तलवार से मारे जै हैं, ऐसे में परमेसुर के लोगन हां बिसवास और धीरज धरबे कौ आय।

- यूहन्‍ना के दरसन कौ खुलासा 13:16

और ऊ ने लौरे, जेठे, साहूकार, गरीब गुरवा और चाकरन के दाएं हाथ या उनके माथे पै एक एक छाप लगवा दई।

- यूहन्‍ना के दरसन कौ खुलासा 14:10

तो ऐसो जनो परमेसुर की गुन्स से भरे कटोरा में से पी है, और पवित्तर सरगदूतन और मेमने के सामूं आग और गन्धक की पीड़ा में डालो जै है।

- यूहन्‍ना के दरसन कौ खुलासा 15:1

फिन मैंने सरग में एक बड़ो अजीब चिन्ह तको, सात सरगदूत जिनके हांतन में पिछली सात विपत हतीं, कायसे उन के पूरे हो जाबे पै परमेसुर के कोप को अन्त आय।

- यूहन्‍ना के दरसन कौ खुलासा 15:7

और उन चार जनावर में से एक ने उन सात सरगदूतन हां परमेसुर के, जो हमेसा जीयत रै हैं, कोप से भरे सात सोने के कटोरा दए।

- यूहन्‍ना के दरसन कौ खुलासा 18:6

जैसो ऊ ने तुमाए संग्गै करो, तुम सोई ऊके संग्गै ऊं सई करो, और जैसो ऊ ने काम करो आय ऊं सई ऊके कामन कौ दुगनो बदला दो, और जैसे ऊ ने अपने कटोरा से दूसरन हां पिलाओ ऊहां दुगनो पिलाओ।

- यूहन्‍ना के दरसन कौ खुलासा 19:15

और उनके मों से एक चोखी तलवार कड़त आय, और बे लोहे को राजदण्ड लैके देश देश के मान्सन हां मार हैं और उनपै राज कर हैं, और परमेसुर के बड़े कोप से मदिरा के कुण्ड में दाखें रौंद हैं।

- यूहन्‍ना के दरसन कौ खुलासा 19:18

जी से तुम राजन और उनके मुखियन और बली और घुड़वन और उनके सवारन और छोटे-बड़े, मान्सन कौ मांस खाओ।

- यूहन्‍ना के दरसन कौ खुलासा 19:5

और सिंहासन में से जौ कहत सुनो गओ, कि हमाए परमेसुर के सब मानबेवारो, हल्के, बड़े तुम सब उनको गुनगान करो।

- यूहन्‍ना के दरसन कौ खुलासा 20:12

फिन मैंने लौरे जेठे सब जनें हां मरे भए हां सिंहासन के सामूं ठांड़ो तको, और पोथी खोली गईं; और फिन एक और पोथी खोली गई, जानो जीवन की पोथी; और जैसो उन पोथियन में लिखो भओ हतो, उन के काजन अनसार मरे भयन कौ न्याव करो गओ।

- यूहन्‍ना के दरसन कौ खुलासा 20:15

जी को नाओं जीवन की पोथी में नईं कड़ो, बो सोई आग की झील में डालो गओ।

- यूहन्‍ना के दरसन कौ खुलासा 22:12

हेरो, मैं झट्टई आवेवारो आंव; और एक एक जन के काम कौ इनाम मैं उन हां दै हों।