- यूहन्‍ना के दरसन कौ खुलासा 11:17 - Bundeli Holy Bible

¹⁷ और ऐसो कैन लगे, कि हे महाबली पिरभू परमेसुर, जो हते और अबै आय, हम तुमाओ जस मानत आंय, कि तुम ने अपने बल से राज करो आय।

- यूहन्‍ना के दरसन कौ खुलासा 11:17 ပူးပေါင်းရင်းမြစ်များ

- उत्पत्ति 17:1

जब अब्राम निन्‍यानबे साल कौ हो गओ; तब यहोवा परमेसुर ने ऊहों दरसन दैकें कई, “मैं सर्वसक्‍तिमान यहोवा परमेसुर आंव; मोरी उपस्‍थिति में चल और खरो होत जा;

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- यूहन्‍ना 11:41

तब उन ने पत्थरा हां हटाओ, फिन यीशु ने अपनी आंखें ऊ परै उठाईं और कई, हे बाप, मैं तोरो धन्न मानत हों कि तेंने मोरी सुन लई आय।

- दूसरी कुरिन्थियों 2:14

अकेले परमेसुर को धन्न मानत आंव, जौन मसीह में हम हां सबरी जीत देत आय, और अपनी बातन की बास हम में हो सबरी जांगा फैलत आय।

- दूसरी कुरिन्थियों 9:15

परमेसुर हां उनके ऊ दान के काजें जी की चरचा करबो मुस्कल आय, धन्न मानो जाबे।

- 1 तीमुथियुस 1:12

मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- यूहन्‍ना के दरसन कौ खुलासा 1:4

यूहन्ना ने लिखो आसिया की सात मण्डली हां कि यीशु मसीह जौन अबै है, और जो हते, और जौन आबेवालो आय; और उन सात आत्माओं की कोद से, जौन ऊके सिंहासन के सामूं हैं।

- यूहन्‍ना के दरसन कौ खुलासा 1:8

पिरभु जौन परमेसुर हते, और जौन आबेवारे आंय; जौन महाबली आय: ऐसो कहत आय, कि मैं पेंला से आंव और अन्त लौ रै हों।

- यूहन्‍ना के दरसन कौ खुलासा 11:15

और जब सातवें दूत ने तुरही फूंकी, तो सरग में जोर जोर की पुकार सुनी गई, कि संसार कौ राज हमाए पिरभू ईसा मसीह को हो गओ आय।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।

- यूहन्‍ना के दरसन कौ खुलासा 16:14

जे अजूबा काम दिखाबेवारी दुष्टात्माएं आंय, जो संसार के सब राजन के ऐंगर निकल के ई लाने जात आंय, कि उन हां महाबली परमेसुर से ऊ बड़े दिना के लाने लड़बे इकठ्ठो करें।

- यूहन्‍ना के दरसन कौ खुलासा 16:5

और मैंने पानू के सरगदूत हां जौ कैत सुनो, कि हे पवित्तर जौन अबै है, और जौन हतो, तें न्यायी आय और तेंने जौ न्याय करो।

- यूहन्‍ना के दरसन कौ खुलासा 16:7

फिन मैंने बेदी से ऐसो शब्द सुनो, कि हे महाबली पिरभू परमेसुर, तोरे फैसले नोंने और सच्चे आंय।

- यूहन्‍ना के दरसन कौ खुलासा 18:8

सो एकई दिना में ऊ पे ऐसी विपत आ पड़ है, मानो मौत, दुख और अकाल; और बा आगी में बार दई जै है, कायसे ऊ को न्याय करबेवारो महाबली पिरभू परमेसुर आय।

- यूहन्‍ना के दरसन कौ खुलासा 19:11

फिन मैंने सरग हां एकदम खुलो तको; और एक सफेद घुड़वा आय; और ऊ पै एक सवार आय, जो बिसवास करे जोग आय; और बो धरम के संग्गै न्याव और लड़ाई करत आय।

- यूहन्‍ना के दरसन कौ खुलासा 19:6

फिन मैंने एक बड़ी आवाज सुनी मानो जैसे पानू के बहबे और भयंकर गरजबे कौ होबे, कि हल्लिलूय्याह, ई लाने कि हमाओ परमेसुर महाबली राज करत आय।