- यूहन्‍ना के दरसन कौ खुलासा 10:11 - Bundeli Holy Bible

¹¹ तब मोसे जौ कहो गओ, कि तोहां मुल्क के मान्सन, और जातियन, और जो दूसरी बोली बोलत आंय, और राजन पै, फिन आगमवानी करने हुईये।

- यूहन्‍ना के दरसन कौ खुलासा 10:11 ပူးပေါင်းရင်းမြစ်များ

- यूहन्‍ना के दरसन कौ खुलासा 10:10

सो मैंने बा हल्की पोथी सरगदूत के हाथन से लेके खा लई, बा मोरे मों में तो मेपर जैसी गुरीरी लगी, परन्त जब मैं ऊहां खा गओ, तो मोरो पेट करओ हो गओ।

- यूहन्‍ना के दरसन कौ खुलासा 11:1

मोहां एक लग्गी जैसो एक सरकंडा दओ गओ, और कोऊ ने मोसे कई; उठ, परमेसुर के मन्दर और बेदी, और ऊ में भजन करबेवारन हां नाप ले।

- यूहन्‍ना के दरसन कौ खुलासा 11:9

और सबरे जनें, और कुल, और तरहां तरहां की बोली बोलबेवारे और जातियन के जनें, साढ़े तीन दिना लौ उन की लाश हां तकत रै हैं, और उन की लाशन हां कबर में न धरन दै हैं।

- यूहन्‍ना के दरसन कौ खुलासा 14:6

फिन मैंने एक सरगदूत हां आकास के बीच उड़त तको, जीके ऐंगर धरती पै रैबेवारे सब जातियन, सबरी बोली बोलबेवारे, और मान्सन हां सुनाबे हां सनातन सुसमाचार हतो।

- यूहन्‍ना के दरसन कौ खुलासा 17:10

और बे सात मूड़, सात राजा आंय, पांच राजा तो हो गए, और एक जो अबै लौ आओ नईयां, अब जब बो आ है, तो कछु दिना लौ रै है।

- यूहन्‍ना के दरसन कौ खुलासा 17:12

और जो दस सींग तेंने देखे बे दस राजा आंय; जिन ने अबै लौ राज नईं पाओ; परन्त बे सोई ऊ जनावर के संग्गै घड़ी भर हां राज पा हैं।

- यूहन्‍ना के दरसन कौ खुलासा 17:15

फिन ऊ ने मोय से कहो, कि जो पानू तेंने तको, जीपै बा वेश्या बैठी आय, बे लोग, और भीड़ और सबरी जातन, और बोली बोलबेवारन में से आंय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।