- यूहन्‍ना के दरसन कौ खुलासा 10:1 - Bundeli Holy Bible

¹ फिन मैंने एक बली सरगदूत हां बादल ओढ़ के सरग से उतरत तको, ऊके मूड़ पै मेघधनुष हतो: और ऊ को मों सूरज घांई हतो और ऊके गोड़े आगी के खम्भा जैसे हते।

- यूहन्‍ना के दरसन कौ खुलासा 10:1 ပူးပေါင်းရင်းမြစ်များ

- मत्ती 17:2

उन के आंगू ऊको रूप बदल गओ और ऊको मों सूरज घांई चमक उठो, और ऊके उन्ना उजाले जैसे चमकदार हो गए।

- लूका 21:27

तब बे मान्स के पूत हां सामर्थ और बड़ी मईमां के संग्गै बादल पे आत तक हैं।

- प्रेरितन के काम 26:13

तो हे राजा, मैंने दुहपरिया की बेरा गैल में सूरज से भी तेज ज्योत आकास से आत हेरी, जौन मोरे और मोरे संग्गै चलबे वालन के चारऊं कोद चमक रई हती।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।

- यूहन्‍ना के दरसन कौ खुलासा 18:1

ईके पाछें मैंने एक सरगदूत हां सरग से उतरत तको, जो बहुत बली हतो; और धरती ऊके तेज से चमक उठी।

- यूहन्‍ना के दरसन कौ खुलासा 18:21

फिन एक बली सरगदूत ने चकिया के पाट जैसो एक पथरा लैके समुन्दर में फेंक दओ, और ऐसो कहो कि जा बड़ी नगरी बाबुल ऐंसई गिराई जै है, और फिन कभऊं ऊ को पता न मिल है।

- यूहन्‍ना के दरसन कौ खुलासा 20:1

फिन मैंने एक सरगदूत हां सरग से उतरत तको; ऊके हाथ में अथाह कुण्ड की कुंजी, और बड़ी जंजीर हती।

- यूहन्‍ना के दरसन कौ खुलासा 4:3

और जो ऊ पै बैठो आय, बो यशब और मणि जैसो दिखत आय, और ऊके चारऊं कोद मेघधनुष जैसो दिखाई देत आय।

- यूहन्‍ना के दरसन कौ खुलासा 5:2

फिन मैंने एक बली सरगदूत हां तको जौन जोर के ऐसो परचार करत हतो, कि ई किताब की मुहरें तोड़के ईहां पढ़बे जोग को आय।

- यूहन्‍ना के दरसन कौ खुलासा 8:13

और मैंने फिन तको, तो आकाश के बीच उकाब हां उड़त और ऊंची आवाज में ऐसो कैत सुनो, कि उन तीन सरगदूतन की तुरही को फूकबो बचो आय, धरती पै रैबेवारे मान्सन पै हाय! हाय! हाय!