- यूहन्‍ना के दरसन कौ खुलासा 1:20 - Bundeli Holy Bible

²⁰ यानी उन सात तारों हां जौन तेंने मोरे दाएं हाथ में तके हते, और उन सात सोने की दीवटों कौ का मतलब आय: बे सात तारे सात मण्डली के दूत आंय, और बे सात दीवटें सात मण्डली आंय।

- यूहन्‍ना के दरसन कौ खुलासा 1:20 ပူးပေါင်းရင်းမြစ်များ

- मत्ती 13:11

ऊने उन हां उत्तर दओ, तुम हां सरग के राज्य के भेदन की समझ दई गई आय, पर उन हां नईं।

- लूका 8:10

यीशु ने उन से कओ; तुम हां परमेसुर के राज की छिपी लुकी बातन हां समजबे की समज दई गई आय, पर और दूसरन हां कनौत में सुनाओ जात आय, ई लाने कि बे तकत भए भी न तकें, और सुनत भए सोई न समजें।

- रोमियों 11:25

हे भईया हरौ, कऊं ऐसो न होबै, कि तुम अपने आप हां समजदार मान लेओ; ई लाने मैं नईं चाहत कि तुम ई भेद से अनजान रओ, कि जब लौ दूसरी जातवारन कौ अंधबिसवास न मिट जाबै, तब लौ इस्राएल कौ एक भाग ऐंसई कठोर रै है।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 1:16

और ऊ अपने हाथ में सात तारे लएं हतो: और ऊके मों से मानो तेज तलवार जैसी निकलत हती; और ऊ को मों ऐसो चमकत हतो, जैसे सूरज कड़ी धूप में चमकत आय।

- यूहन्‍ना के दरसन कौ खुलासा 1:4

यूहन्ना ने लिखो आसिया की सात मण्डली हां कि यीशु मसीह जौन अबै है, और जो हते, और जौन आबेवालो आय; और उन सात आत्माओं की कोद से, जौन ऊके सिंहासन के सामूं हैं।

- यूहन्‍ना के दरसन कौ खुलासा 17:5

और ऊके माथे पै जौ नाओं लिखो हतो, “मैं बड़े बाबुल शहर, धरती पै की सबसे गन्दी, घिनऊ और बुरई कामन की मताई”।

- यूहन्‍ना के दरसन कौ खुलासा 17:7

सरगदूत ने मोय से कई, तें काए चकित भओ? मैं तो ई बईयर, और ऊ जनावर, जीपे बा सवारी करत आय, और जीके सात मूड़ और दस सींग आंय, तोहां ऊकौ भेद बतात आंव।

- यूहन्‍ना के दरसन कौ खुलासा 2:1

इफिसुस की मण्डली के दूत हां ऐसो लिखो, कि, जौन सात तारे अपने दाएं हाथ में लय हैं, और सोने की सात दीवटों के बीच में फिरत आय, बो जौ कैत आय।

- यूहन्‍ना के दरसन कौ खुलासा 2:12

और पिरगमुन की मण्डली के दूत हां ऐसो लिखो, कि, जीके ऐंगर चोखी और दोधारी तलवार आय, बो जौ कैत आय।

- यूहन्‍ना के दरसन कौ खुलासा 2:18

और थुआतीरा की मण्डली के दूत हां ऐसो लिखो, कि, परमेसुर को पूत जी की आंखें आगी की लपटें जैसी आंय, और जीके गोड़े उम्दा पीतल जैसे आंय, ऐसो कैत आय।

- यूहन्‍ना के दरसन कौ खुलासा 2:5

सो अब चेत जा, कि तें किन बातन में गिरो और फिन से बेई काज कर जौन तें पेंला करत हतो; कायसे तें पेंला जैसे काज न कर है, तो मैं तोरे ऐंगर आहों और तोरी दीवट हां उते से हटा देंहों।

- यूहन्‍ना के दरसन कौ खुलासा 2:8

और स्मुरना की मण्डली के दूत हां ऐसो लिखो, कि, जौन पेंला और अन्तिम आय; जो मर गओ हतो और अब जी गओ आय, बो जौ कहत आय।

- यूहन्‍ना के दरसन कौ खुलासा 3:1

सरदीस की मण्डली के दूत हां ऐसो लिखो, कि, जीके ऐंगर परमेसुर की सात आत्माएं और सात तारे आंय, बो कैत आय, कि मैं तोरे सब काम हां जानत आंव, कि तें कहात तो है जीयत, पर है मरो भओ।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।