- फिलिप्पियों 4:9 - Bundeli Holy Bible

⁹ जौन बातें तुम ने मोय से सुनी, सीखी, और अपने हिये में धरीं आंय, उनईं जैसो करो, ऐसो करबे से परमेसुर जौन सान्ति देत आय तुमाए संग्गै रै है।

- फिलिप्पियों 4:9 ပူးပေါင်းရင်းမြစ်များ

- मत्ती 1:23

कि हेरो, एक कुंवारी गरभ से हुईये बो एक पूत हा जन्म दै है और ऊको नाओं इम्मानुएल धरो जै है, जीको मतलब आय “परमेसुर हमाए संग्गै”।

- मत्ती 28:20

और जौन जौन हुकुम मैं ने तुम हां दए आंय, ऊको पालन करबो सिखाओ, और तको, मैं संसारी के आखिर लौ सदा तुमाए संग्गै आंव।

- मत्ती 7:21

जो मोसें, हे पिरभू, हे पिरभू कैत आय, उन में से हर एक सरग के राज्य में नईं पिड़ पा है, पर जो मोरे स्वर्गीय बाप की कई पे निंगत आय ओई पिड़ पा है।

- लूका 6:46

जब तुम मोरो कओ नईं मानत, तो मोय हे पिरभु, हे पिरभु, काय कैत आव?

- लूका 8:21

यीशु ने उत्तर दओ; मोरी मताई और मोरे भईया तो जेई आंय, जौन परमेसुर कौ बचन सुनत और मानत आंय।

- यूहन्‍ना 13:17

तुम इन बातन हां जानत आव, और जदि उन पे चलो, तो तुम धन्य आव।

- यूहन्‍ना 15:14

जौन हुकम मैं तुम हां देत आंव, अगर ऊहां मानो, तो तुम मोरे चेला कहा हौ।

- यूहन्‍ना 2:5

ऊ की मताई ने चाकरन से कई, जो कछु बो तुम से कय, ओई करियो।

- प्रेरितन के काम 9:6

पर अब उठ के नगर में जा, और जौन तोहां करने आय, बो तोसे कहो जै है।

- रोमियों 15:33

सान्ति कौ परमेसुर तुम सबरन के संग्गै रैबे। आमीन।

- रोमियों 16:20

सान्ति कौ परमेसुर सैतान हां झट्टई तुमाए गोड़न तरें कुचरवा दै है। हमाए पिरभु यीशु मसीह की दया तुमाए संग्गै बनी रैबे।

- पैली कुरिन्थियों 10:31

सो तुम चाए खाओ चाए पियो, चाए जो कछु करो, सबई कछु परमेसुर की मईमा के लाने करो।

- पैली कुरिन्थियों 14:33

कायसे परमेसुर बिगाड़ करबेवारो नईंयां, परन्त सान्ति देबेवारो आय; जैसो पवित्तर मान्सन की सबरी समाजों में आय।

- पैली कुरिन्थियों 4:16

ई लाने मैं तुम से बिन्तवाई करत आंव, कि मोरी सी चाल चलो।

- दूसरी कुरिन्थियों 13:11

सो भईया हरौ, सुखी रओ; पक्के होत जाओ; हिम्मत राखौ; एक मन राखौ; जुड़के रओ, और प्रेम और सान्ति को दैबेवारो परमेसुर तुमाए संग्गै होबै।

- फिलिप्पियों 3:17

भईया हरौ, तुम सबरे जनें मोरे घांई चलो, और उन हां देखो, जौन हमाए जैसी चाल चलत आंय।

- फिलिप्पियों 4:7

अब परमेसुर की सान्ति, जौन मान्स की समझ के बायरें आय, तुमाए मन और तुमाए सोच हां पिरभू यीशु मसीह में बचाए राख है।

- 1 थिस्सलुनीकियों 1:6

और तुम ने बड़े दुख में परन्त पवित्तर आत्मा में खुसी से बचन हां अपने मन से मानो और हमाए जैसो चले।

- 1 थिस्सलुनीकियों 2:14

भईया हरौ, तुम ने ऊं सई करो जैसे यहूदिया में परमेसुर के मानबे वारन की मण्डली ने करो, कायसे तुम ने अपने जनें मानो यहूदियन से ऊं सई दुख सहो जैसो उन ने यहूदियन से पाओ।

- 1 थिस्सलुनीकियों 5:23

सान्ति दैबेवारे परमेसुर तुम हां साजो राखे; और तुमाई आत्मा, प्रान और देह हमाए पिरभू यीशु मसीह के आबे लौ बिन खोट बने रैबें।

- 2 थिस्सलुनीकियों 3:4

हम हां तुम पै भरोसा आय, कि जौन जौन अग्यां हम तुम हां देत आंय, उन हां तुम मानत आव, और आगे हां ऐसई मानत रै हौ।

- 2 तीमुथियुस 4:22

प्रभु तोरे आत्मा हां बल देबे: तुम पै किरपा बनी रैबे।

- याकूब 1:22

बचन अनसार चलबेवारे बनो, और अकेले सुनबेवारेई नईं, अकेले सुनबेवारेई अपने आप हां धोखा देत हैं।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 1 यूहन्‍ना 3:22

जा बात सोई आय कि जो कछु हम उनसे बिन्तवारी करत आंय, तो बे हम हां देत आंय; कायसे कि हम उनकी कई करत आंय; और जौन बातें उन हां भाती आंय, उनई हां करत आंय।