- फिलिप्पियों 1:7 - Bundeli Holy Bible

⁷ मैं एैसई तुम सब के लाने सोचत आंव, कायसे तुम सबरे जनें मोरे हिये में बसे आव, और चाहे मैं इते जेहल में आंव और सुसमाचार हां प्रचारत आंव तुम सबरे जनें मोरे संग्गै ठांड़े आव।

- फिलिप्पियों 1:7 ပူးပေါင်းရင်းမြစ်များ

- प्रेरितन के काम 20:23

केवल जौ की पवित्र आत्मा हरएक नगर में मोय गवाही दैके कहत आय, की बेड़ियां और दुख पीड़ा तोरी बाट जोह रए आंय।

- प्रेरितन के काम 21:33

तब सेनापति ने ऐंगर आके ऊहां पकड़ लओ; और ऊहां दो सांकलन में बांधबे कौ हुकम दओ और पूछन लगो, जौ को आय, और ऊ ने का करो आय?

- पैली कुरिन्थियों 13:7

बो सबरी बातें सह लेत आय, सबरी बातन कौ बिसवास करत आय, सबरी बातन में आसा राखत आय, सबरी बातन में धीरज धरत आय।

- पैली कुरिन्थियों 9:23

मैं सब कछु भले सन्देसे के लाने करत आंव, कि मैं दूसरन कौ संग्गी बन जाओं।

- दूसरी कुरिन्थियों 3:2

हमाई चिठिया तो तुमई आओ, जौन हमाए हिये में उतरी आय, और ऊहां सबरे जनें पढ़त और मानत आंय।

- दूसरी कुरिन्थियों 7:3

मैं तुम हां दोष देबे हां ऐसो नईं कैत: कायसे मैंने पेंला से तुम से कहो आय, कि तुम हमाए हिये में ऐसे बसे आव कि हम तुमाए संग्गै मरबे जीबे हां राजी आंय।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- इफिसियों 3:1

ऐईसे में पौलुस जौन तुम अन्य जातियन के काजें मसीह यीशु को दास आंव।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 6:20

कि जब मैं बचन हां बड़ी हिम्तत से, बिना डर के सुनाओं।

- फिलिप्पियों 1:12

भईया हरौ, मोरी जा चाहना आय, कि तुम जौ समझो कि जो कछु मोय पे बीती, ऊसे पिरभू को जस बढो आय।

- फिलिप्पियों 1:13

इते लौ कि रोम के राजा कैसर की पूरी पलटन वारन हां जौ पता आय, कि मैं पिरभू यीशु मसीह के लाने ई जेहल में आंव।

- फिलिप्पियों 1:14

और पिरभू में जौन मोरे भईया आंय, मोरे पकड़े जाबे से और भी हिम्मत से पिरभू को बचन सुनात रैत आंय।

- फिलिप्पियों 1:5

कायसे तुम पेंला से आज लौ सुसमाचार फैलाबे में मोरे संग्गै रैत आव।

- फिलिप्पियों 2:22

तुम हां पता आय कि तीमुथियुस ने जैसी सेवा करी आय, मानो जैसे एक लरका अपने दद्दा संग्गै करत होबे, ऊं सई ऊ ने मोरे संग्गै सेवा करी आय।

- फिलिप्पियों 4:14

जा तुमाई भलमनसाहत आय, कि मोरी कमी में तुम ने मोरी मदद करी।

- फिलिप्पियों 4:15

फिलिप्पियों के रैबेवारे जौ अच्छे से जानत आंय, कि परचार करत जब मकिदुनिया से चलो तो पईसा के लैबे दैबे में कोई मण्डली ने मोरी मदद नईं करी, परन्त तुम ने मोरी कमी पूरी करी।

- फिलिप्पियों 4:3

और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- कुलुस्सियों 4:18

मैं पौलुस ने अपने हाथन से नमस्कार लिखो आय। मोहां जौन हथकड़ी डली आंय बे कायसे डलीं जौ ध्यान धरियो; परमेसुर की दया तुम पै बनी रैबे। आमीन।

- कुलुस्सियों 4:3

और हमाए काजें सोई बिन्तवारी करो, कि परमेसुर हमाए लाने बचन सुनाबे हां ऐसो द्वार खोल देबे, कि हम पिरभू यीशु मसीह की कथा सुनात रएं, जीके काजें मैं जेहल में आंव।

- 1 थिस्सलुनीकियों 5:5

कायसे तुम सबरे जनें उजयारो पाय, और दिन के बच्चा आव, तुम न तो रात के, और न अंधियारेवारे आव।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 2 तीमुथियुस 2:9

उनईं बातन पै मैं बुरय मान्सन जैसो दुख उठा रओ आंव, इते लौ कि जेहल में आंव; परन्त परमेसुर कौ बचन खुलो आय।

- फिलेमोन 1:13

ऊहां मैं अपने संग्गै धरो चाहत हतो, कि बो तोरे नाओं से ई जेहल में जौन बचन सुनाबे से आय, मोरी सेवा करै।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- 1 पतरस 4:13

जैसे जैसे मसीह की पीड़ाओं में तुम संग्गी साथी होत रैत आव, खुस रओ, जीसे ऊ की मईमा के उजागर होबे की बेरा सोई खुसी से मगन हो जाओ।

- 1 पतरस 5:1

तुम में जौन धार्मिक बूढ़े आंय, मैं उनईं घांई धार्मिक बूढ़ों और मसीह की पीड़ाओं को गवाय और उजागर होबेवारी मईमां में संगसाथी होकें जा विनय करत आंव।

- 2 पतरस 1:13

मैं जौ अपने लाने सई समजत आंव, कि जब लौ मैं जी रओ आंव, तब लौ तुम हां सुध दिवा दिवा के उस्केरत रओं।

- 1 यूहन्‍ना 3:14

हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।