- फिलिप्पियों 1:27 - Bundeli Holy Bible

²⁷ इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 1:27 ပူးပေါင်းရင်းမြစ်များ

- पैलो इतिहास 19:12

तब ऊने कई, “जदि अरामी मोए पै हावी होन लगें, तौ तें मोरी मदद करियो; और जदि अम्‍मोनी तोए पै हावी होन लगें, तौ मैं तोरी मदद करहों।

- मत्ती 12:25

उन के मन की बात जानके ऊने कई; जी राज्य में फूट पड़ जात आय, बो नास हो जात आय, और जी नगर या गांव और घर में फूट हो जै है, बो टिक नईं सकत।

- प्रेरितन के काम 2:46

और बे हर एक दिन एक मन होकें मन्दर में जुड़त हते, और घर घर रोटी तोड़त भए खुसी और मन की सीधाई से भोजन करत हते।

- प्रेरितन के काम 24:24

कछु दिना के पाछें फेलिक्स अपनी घरवारी द्रुसिल्ला हां, जौन यहूदिनी हती, संग्गै लैके आओ; और पौलुस हां टेर के ऊ भरोसे के बारे में, जौन मसीह यीशु में आय सुनो।

- प्रेरितन के काम 4:32

बिसवास करबेवारन की मण्डली एक चित और एक हिए की हती, इते लौ कि कौनऊं अपनी जादाद अपनी न कैत हतो, पर सब कछु साझे कौ हतो।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 1:9

परमेसुर जी की सेवा मैं अपने मन से ऊके पुत्र के भले सन्देसे के लाने करत आंव, ओई मोरो गवाह आय; कि मैं तुम हां लगातार याद करत रैत आंव।

- रोमियों 10:8

पर बो का कैत आय? कि मोरे बचन तोरे ऐंगर आय, तोरे मों में और तोरे हिये में आय; जौ ओई बिसवास कौ बचन आय, जौन हम परचार करत आंय।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 15:29

और मैं जानत आंव, कि जब मैं तुमाए ऐंगर आहों, तो मसीह की एन आसीसों के साथ आहों।

- पैली कुरिन्थियों 1:10

हे भईया हरौ, यीशु मसीह जौन हमाओ पिरभु आय उनईं के नाओं से मैं तुम से बिन्तवाई करत आंव, कि तुम सबई एकई बात कओ; और तुम में फूट न होबे, परन्त तुम एकई हिये और एकई विचार के बने रओ।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 13:11

सो भईया हरौ, सुखी रओ; पक्के होत जाओ; हिम्मत राखौ; एक मन राखौ; जुड़के रओ, और प्रेम और सान्ति को दैबेवारो परमेसुर तुमाए संग्गै होबै।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- दूसरी कुरिन्थियों 9:13

कायसे इन काजन की चरचा करके परमेसुर बड़वाई करत आंय, कि तुम मसीह के बचनन हां मानके ऊ को कहो करत आव, और सबरन की मदद करबे में आगे रैत आव।

- गलतियों 1:7

अकेले कोऊ और बचन नईंयां: बतकाओ ऐसो आय, कि कितेक ऐसे आंय, जौन तुम हां बिलोर देत आंय, और मसीह के बचन हां बिगाड़ो चाहत आंय।

- इफिसियों 1:13

उनई में जब तुम ने सांचे बचन सुने, जौन से तुमाए तरन तारन हो, जीहां तुम ने मानो, और कौल करे भए पवित्रात्मा की चिनानी लग गई।

- इफिसियों 1:15

ऐई से मैं सोई बिसवास करबे लाक बचन सुनके जौन तुम में पिरभू यीशु में आय, और तुमाए प्रेम से सभन हां पता आय।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- फिलिप्पियों 1:5

कायसे तुम पेंला से आज लौ सुसमाचार फैलाबे में मोरे संग्गै रैत आव।

- फिलिप्पियों 2:12

सो मोरे भईया हरौ, तुम मोरे देखत और मोरे पछाऊं सोई उन की बातन मानत रए, सो ऐसई अपने अपने तरन तारन होबे जैसे काज करत रओ।

- फिलिप्पियों 2:24

और पिरभू में मोहां सोई जा आस लगी आय, कि मैं झट्टई तुम लौ आहों।

- फिलिप्पियों 3:18

कायसे बिलात जनें ऐसी चाल चलत आंय, जिन के लाने मैंने बेर बेर तुम से कई आय, और अब तो ऐसो कह के रोत आंव, कि बिलात जनें ऐसे चलत आंय मानो क्रूस के बैरी होबें।

- फिलिप्पियों 3:20

हमाए रैबे की जांगा सरग में आय; और हम अपने तारन करबेवारे यीशु मसीह की उते से आबे की गैल तकें आंय।

- फिलिप्पियों 4:1

ईसे भईया हरौ, जिन पै मोरो जी लगो रैत आय, जिन हां मैं चाहत आंव और मोरी लालसा आय, कि बे मोरी खुसी आय, और मोरी चाहना आय, कि तुम पिरभू में पक्के बने रओ।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- कुलुस्सियों 1:4

कायसे हमाए सुनबे में आओ आय, कि यीशु मसीह पै तुम ने बिसवास धरो आय, और सबरे जात भाईयन से प्रेम करत आव।

- 1 थिस्सलुनीकियों 3:6

परन्त अबई तीमुथियुस ने तुमाए ऐंगर से लौट के तुमाए बिसवास और पिरभू में तुमाए प्रेम की खबर सुनाई, कि तुम हम हां याद करत आव, और हम हां देखबे को मन करे आव, जैसो हम तुम हां देखबो चाहत आंय।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 तीमुथियुस 1:11

जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 2 तीमुथियुस 4:7

मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।

- तीतुस 2:10

चोरी भड़याई न करें; परन्त सबरी बातन में सांचे बिसवास करबेवारे बनें, इन सबरी बातन हां मानबे से हमाए तरन तारन करबेवारे परमेसुर के बचन हां और उजागर करें।

- फिलेमोन 1:5

ऊके लाने रोजीना परमेसुर को जस मानत आंव; और प्रार्थना में तोहां याद करत आंव।

- याकूब 3:18

जौन मेल मिलाप करात आय, बा धर्म कहात और ऊहां मेल मिलाप के संग्गै बोओ जात है।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- 2 पतरस 3:14

ई लाने हे प्यारे भईया हरौ, जब कि तुम इन बातन की बाट तकत आव तो कोसिस करो, कि तुम सान्ति से ऊके सामूं बिना दाग और बिना लांछन ठैरो।

- यहूदा 1:3

प्यारे जनो, मैंने जब तुम हां मुक्ति जौन हम सबन हां मिली ईके बारे में खुलके लिखो, तो मैंने सोची के जिन बातन पै तुमने बिसवास करो आय खुल के लिखो, कि तुम ऊ बिसवास की बातन हां मानो।