- नहेम्याह 5:9 - Bundeli Holy Bible

⁹ फिन मैं कैत गओ, “जो काम तुम औरें करत आव ऊ अच्‍छो नईंयां; का तुमहों ई कारन हमाए यहोवा परमेसुर कौ भय मानकें चलो नें चईये कि हमाए दुस्‍मन जो अन्‍यजाति के आंय, बे हमाई नामधराई नें करें?

- नहेम्याह 5:9 ပူးပေါင်းရင်းမြစ်များ

- उत्पत्ति 20:11

अब्राहम ने कई, “मैंने जौ सोचो हतो कि ई जागां में यहोवा परमेसुर कौ कछु भी डर नें हुईये; ई लाने जे मान्‍सन मोरी बईयर के कारन मोहों मार डालहें।

- उत्पत्ति 42:18

तीसरे दिना यूसुफ ने उनसें कई, “एक काम करो तब जिन्‍दा रैहौ; कायसे मैं यहोवा परमेसुर कौ भय मानत आंव;

- नहेम्याह 4:4

हे हमाए यहोवा परमेसुर, सुन ले कि हमाई कैसी बेज्‍जती हो रई आय; और उनको करो भओ अपमान उनईं की मूंड़ पै लौटा दे, और उनहों गुलामी के देस में लुटवा दे।

- नहेम्याह 5:10

मैं और मोरे भईया और सेवक उनहों रुपईया और नांज उधार देत आंय, परन्‍त हम ईकौ ब्‍याज छोड़ देबें।

- नहेम्याह 5:15

परन्‍त पैलेवारे अधिपति जो मोयसें पैलां हते, बे परजा पै बोझ डालत हते, और उनसें रोटी, और दाखमधु, और ईके संगै चालीस शेकेल (लगभग आधा किलोग्राम) चांदी लेत हते, बल्‍कि उनके सेवक सोई परजा के ऊपर अधिकार जतात हते; परन्‍त मैं एैसो नईं करत हतो, कायसे मैं यहोवा परमेसुर कौ भय मानत हतो।

- प्रेरितन के काम 9:31

ई भांत सबरे यहूदिया, और गलील और सामरिया में मण्डली हां चैन मिलो, और ऊ की बढ़त होत रई; और बो पिरभु के डर और पवित्तर आत्मा की शान्ति में और आंगू बढ़त जात हती।

- रोमियों 2:24

कायसे तुमाए काजें दूसरी जातवारन में परमेसुर के नाओं हां निंदरो जात आय, जैसो लिखो सोऊ आय।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- तीतुस 2:5

बे साजी, पतिविरता, घर को काम काज करबेवारी, साजी और अपने मुन्स की कई करबेवारी होबें, कि परमेसुर के बचन हां दूसरे जनें बुरओ न कैबें।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।