- नहेम्याह 4:23 - Bundeli Holy Bible

²³ और नें तौ मैं अपने उन्‍ना उतारत हतो, और नें मोरे भईया, नें मोरे सेवक और नें बे चौकीदार जो मोरे संगै रैत हते, बे सोई अपने उन्‍ना नईं उतारत हते; सब औरें पानू के लिगां सोई हथयार लेकें जात हते।

- नहेम्याह 4:23 ပူးပေါင်းရင်းမြစ်များ

- नहेम्याह 4:22

फिन ओई बेरा मैंने लोगों सें जा सोई कई, “एक एक मान्‍स अपने सेवक समेंत यरूशलेम के भीतर रात बिताए करें, कि बे रात हों तौ हमाई रखनवारी करें, और दिन हों काम में लगे रएं।”

- नहेम्याह 5:1

तब लोगों और उनकी बईयरन की कोद सें उनके भईया यहूदियन के बिरोद में बड़ो हो-हल्‍ला मचो।

- नहेम्याह 5:16

फिन मैं सहरपनाह के काम में लिपटो रओ, और हमोंरों ने कछु जमीन मोल नईं लई; और मोरे सब चाकर काम करबे के लाने उतै इकट्ठे रैत हते।

- नहेम्याह 7:2

तब मैंने अपने भईया हनानी और राजगढ़ के हाकम हनन्‍याह हों यरूशलेम कौ अधकारी बनाओ, कायसे ऊ सच्‍चो मान्‍स और औरन सें जादां यहोवा परमेसुर कौ डर मानबेवारो हतो।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।