- मरकुस 7:5 - Bundeli Holy Bible

⁵ ईसे ऊ फरीसियन ने और शास्त्रियन ने ऊसे पूछो, कि तोरे चेला काय पुरनियों की रीत पै नईं चलत, और बिना हाथ धोए रोटी खात आंय?

- मरकुस 7:5 ပူးပေါင်းရင်းမြစ်များ

- मत्ती 15:2

तोरे चेले पुरखन की रीतियन हां काय नईं मानत आंय, बे तो रोटी खाती बेरा हाथ नईं धोत?

- मरकुस 7:13

ई तरीका से तुम अपनी रीतियन से, जिन हां तुमने बनाओ आय, परमेसुर कौ बचन टाल देत आव; और एैसई भौत से काम करत आव।

- मरकुस 7:8

कायसे तुम परमेसुर की आज्ञा हां टालके मान्सन की रीति हां मानत आव।

- मरकुस 7:9

और उनसे कओ; तुम अपनी रीतियन हां मानबे के लाने परमेसुर की आज्ञा कैसी अच्छी तरहां से टाल देत आव।

- प्रेरितन के काम 21:21

और उनहां तोरे बारे में बताओ गओ आय, की तें गैर यहूदियन के बीच रहबेवालो, यहूदियन हां जौ सिखात आय, की मूसा की सीख हां छोड़ दो, और कहत आय की न अपने बच्चन कौ खतना कराओ, और बनाई भई रीतियन हां मानो।

- प्रेरितन के काम 21:24

उनहां लै जा और उन के संग्गै अपने आप हां शुद्ध कर; और उनहां खरचा दे, की बे अपने मूड़ मुड़ाएं, तब सबरे जान लें हैं, की जौन बातें तोरे बारे में उन हां बताई गईं आंय, बे तो सांची नईंयां, पर जौ की तें आपई रीतियन हां पालन करत भए, और उन हां मानत है।

- रोमियों 4:12

और उन खतना करे भयन कौ बाप होबे, जौन न अकेले खतना करे भए आंय, परन्त हमाए बाप इब्राहीम के बिसवास की गैल पे चलत आंय, जौन ऊने बिन खतना की दसा में करो हतो।

- गलतियों 1:14

अपनी जात भईयन जौन मोरी उमर के हते उनसे आगे बढ़ो भओ हतो, और अपने बाप दादन की रीत हां मानबे में बहुत आगे हतो।

- 2 थिस्सलुनीकियों 3:11

हम ने सुनो आय, कि तुमाए बीच कित्तई मान्स बुरई चाल चलत आंय; और कछु काम नईं करत, परन्त दूसरन के कामन में अड़ंगा डालत आंय।

- 2 थिस्सलुनीकियों 3:6

भईया हरौ, हम पिरभू यीशु मसीह के नाओं से तुम हां अग्यां देत आंय; कि जो भईया बुरई चाल चले, और जौन सीख ऊ ने हम से पाई ऊहां नईं मानत, ऊसे बच के रओ।