- मरकुस 4:36 - Bundeli Holy Bible

³⁶ और बे भीड़ हां छोड़ के जैसो ऊ हतो, ऊं सई ऊहां नाव पै संग्गै ले चले; और ऊके संग्गै, और भी नावें हतीं।

- मरकुस 4:36 ပူးပေါင်းရင်းမြစ်များ

- मत्ती 8:23

जब ऊ नाव पे चढ़ो, तो ऊके चेले ऊके पाछें हो लए।

- मरकुस 3:9

और ऊ ने अपने चेलन से कओ, भीड़ के कारन एक छोटी नाव मोरे लाने तईयार रैबै जीसे बे मोहां दबा न पाबें।

- मरकुस 4:1

ऊ फिन झील के किनारे उपदेस दैन लगो: और ऐसी बड़ी भीड़ ऊके ऐंगर एकट्ठी हो गई, कि ऊ झील में एक नाव पै चढ़ के बैठ गओ और पूरी भीड़ धरती पै झील के किनारे ठांड़ी रई।

- मरकुस 4:37

तबईं जोर से आंधी आई, और पानी की हिलोरें नाव पै इतै तक लगीं, कि बा अब पानी से भरी जा रई हती।

- मरकुस 5:2

और जब ऊ नाव पै से उतरो तो तुरतईं एक मान्स जी में बुरई आत्मा हती कबरों से निकल के ऊसे मिलो।

- मरकुस 5:21

जब यीशु फिन नाव से ऊ पार गओ, तो एक बड़ी भीड़ ऊके ऐंगर जमा हो गई; और ऊ झील के किनारे हतो।

- मरकुस 6:32

ऐई से बे नाव पै चढ़के, सूनी जांगा में अलग चले गए।

- लूका 8:22

फिन एक दिना यीशु और ऊके चेला नाव पे चढ़े, और ऊ ने उन से कओ; चलो झील के ऊ पार चलें, सो उन ने नाव ढ़ील दई।