- मरकुस 2:12 - Bundeli Holy Bible

¹² और ऊ उठो, और तुरतईं खटिया उठा के और सब के सामूं से निकल के चलो गओ, ई पै सबरे अचम्भे में भए, और परमेसुर की बड़वाई करके कैन लगे, कि हमने एैसो कभऊं नईं देखो।

- मरकुस 2:12 ပူးပေါင်းရင်းမြစ်များ

- मत्ती 12:23

ई पे सबरे लोग अचरज करके कैन लगे, का जौ मान्स दाऊद के गोत्र कौ हो सकत आय?

- मत्ती 15:31

जब भीड़ ने हेरो, कि बौरा बोलत, लूला साजे होत, लंगड़े निंगत और अन्धरे हेरत आंय, तो लोगबाग अचम्भित भए और उन ने इस्राएल के परमेसुर की बड़ाई करी।

- मत्ती 9:33

और जब दुष्ट आत्मा काड़ दई गई, तो गूंगा बोलन लगो; ई पे भीड़ चकित होकें कैन लगी इस्राएल में ऐसो कभऊं नईं भओ।

- मत्ती 9:8

जब भीड़ ने जौ देखो, तो उन में डर समा गओ और लोग परमेसुर की बड़वाई करन लगे, जीने मान्स हां ऐसो हक दओ आय।

- मरकुस 1:27

ईपे सब जनें अचम्भा करत भए आपस में बतकाव करन लगे कि जा का बात आय? जौ तो कोनऊं नओ उपदेस आए! ऊ अधिकार के संग्गै अशुद्ध आत्मन हां भी आज्ञा देत आय, और बे ऊ की आज्ञा मानत आंय।

- मरकुस 2:11

मैं तोय से कैत आंव; उठ, अपनी खटिया उठाके अपने घरै चलो जा।

- लूका 13:13

तब यीशु ने ऊ पे हाथ धरे, और बा तुरतऊं सूदी हो गई, और परमेसुर कौ जस गान लगी।

- लूका 17:15

तब उन में से एक जौ तक के कि मैं साजो हो गओ आंव, ऊंचे बोल से परमेसुर कौ जस गात भए लौटो।

- लूका 5:26

तब सबरे जने चकित भए और परमेसुर की बड़वाई करन लगे, और बिलात डरा के कैन लगे, आज हम ने अनोखी बातें तकीं आंय।

- लूका 7:16

ई से सब जनें बिलात डरा गए; और बे औरें परमेसुर की बड़वाई कर के कैन लगे, कि हमाए मजारें एक बड़ो आगमवकता उठो आए, और परमेसुर ने अपने लोगन पे बड़ी किरपा करी आय।

- यूहन्‍ना 7:31

और भीड़ में से बिलात जनन ने ऊ पै भरोसा करो, और कैन लगे जब मसीह आ है, तो का बो ई मान्स से भी ज्यादा चिन्ह दिखा है?

- यूहन्‍ना 9:32

पुराने दिना से जौ कभऊं सुनबे में नईं आओ, कि कोऊ ने जन्म के अन्धरा की आंखें खोली होबें।

- प्रेरितन के काम 4:21

तब उन ने पतरस और यूहन्ना हां और धमका के छोड़ दओ, कायसे मान्सन के सामूं उन हां दण्ड़ देबे को कोऊ और मौका नईं मिलो, ई लाने जौन घटो ऊसे काजें सबरे मान्स परमेसुर की बड़ाई करत हते।