- मरकुस 16:19 - Bundeli Holy Bible

¹⁹ अन्त में प्रभु यीशु उन से बातें करबे के बाद सरग पै उठा लओ गओ, और परमेसुर के दांए कोद बैठ गओ।

- मरकुस 16:19 ပူးပေါင်းရင်းမြစ်များ

- मरकुस 16:20

और चेलन ने निकल के हर जांगा परचार करो, और प्रभु उनके संग्गै काम करत रओ, और उन चिन्हों के द्वारा जौन संगै संगै होत हते, बचन हां पक्को करत रओ। आमीन।

- लूका 22:69

पर अब से मान्स कौ पूत महाबली परमेसुर की दायनी कोद बिराजो रै है।

- लूका 9:51

जब ऊके सरग जाबे के दिना ऐंगर आन लगे, तो उने यरूशलेम जाबे कौ विचार पक्को करो।

- यूहन्‍ना 13:1

फसह के परब के पेंला यीशु ने जौ जानके, कि मोरी घड़ी आ पहुंची आय, कि मैं संसार हां छोड़ के बाप के ऐंगर जाओं, तो अपनों से जौन संसार में हते, जैसो प्रेम ऊ रखत हतो, उन से अन्त लौ वैसई प्रेम धरें रओ।

- यूहन्‍ना 16:28

मैं बाप में से कड़के संसार में आओ आंव, मैं फिन संसार हां छोड़के बाप के ऐंगर जा रओ आंव।

- यूहन्‍ना 17:13

परन्त अब मैं तोरे ऐंगर आत आंव, और जे बातें जगत में कहत आंव, कि बे अपने में मोरी खुसी पूरी पाबें।

- यूहन्‍ना 20:17

यीशु ने ऊसे कई, मोय नईं छी कायसे मैं अबै लौ बाप के ऐंगर ऊ परै नईं गओ आंव, पर मोरे भईयन के ऐंगर जा और उन से कहिये, मैं अपने बाप और तुमाए बाप, और अपने परमेसुर और तुमाए परमेसुर के ऐंगर ऊ परै जात आंव।

- यूहन्‍ना 21:15

जब बे कलेवा कर चुके, तो यीशु ने पतरस से कई, हे शमौन यूहन्ना के पूत, का तें इन से ज्यादा मोसे प्रेम करत आय? पतरस ने यीशु से कई, हओ प्रभु, तें तो जानत आय, कि मैं तोसे प्यार करत आंव: यीशु ने पतरस से कई, मोरी गाड़रन हां चरा।

- यूहन्‍ना 21:22

यीशु ने पतरस से कई, अगर मैं चाहों कि बो मोरे आबे लों ठहरो रए, तो तोय ईसे का? तें मोरे पांछे हो ले।

- यूहन्‍ना 6:62

और तुम मान्स के पूत हां ऊ परे जात तक हौ, जिते बो पेंला हतो, तो का कर हौ?

- प्रेरितन के काम 1:22

जौ सई रै है कि उन में से एक जनो हमाए संग्गै ऊके जी उठबे कौ गवाह हो जाए।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- प्रेरितन के काम 3:21

जरूरी आय कि बो सरग में ऊ बेरा लौ रय जब लक कि बो सबरी बातन कौ सुदार न कर ले, जी की चरचा पुराने टैम से परमेसुर ने अपने पवित्र अगमवकतन के मों से करी आय।

- रोमियों 8:34

फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- कुलुस्सियों 3:1

कायसे कि तुम यीशु मसीह के संग्गै जी उठे आव, सो अब सरग की बस्तन पै ध्यान धरो, जिते यीशु मसीह परमेसुर के दांए हाथ पे बिराजमान आंय।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 4:14

हमाओ ऐसो बड़ो महायाजक आय, जौन सरग चलो गओ, बे आंय पिरभू यीशु मसीह; जौन परमेसुर के पुत्तर आंय, सो अपन ने जिन बातन पै चित्त लगाओ आय उन में पक्के होत जाबें।

- इब्रानियों 6:20

पिरभू यीशु मसीह हमाए आंगू गए आंय, जैसे मलिकिसिदक सबरे दिना हां हमाओ याजक हतो, ऊं सई यीशु मसीह सोई हमाए याजक आंय।

- इब्रानियों 7:26

हम हां ऐसई महायाजक चानें हतो, जौन पवित्तर, सूदे और बिना पाप के होबें, और पापी मान्सन जैसे न होबें, परन्त सरग लौ ऊंचे उठे होबें।

- इब्रानियों 8:1

अब बड़ी बात जा आय, कि हमाए महायाजक महाबली परमेसुर के दांय हाथ पै बिराजे आंय।

- इब्रानियों 9:24

कायसे पिरभू यीशु मसीह ऊ पवित्तर जांगा में नईं गए, जौन सांचे पवित्तर जांगा को नमूना जैसो आय, बे तो सरग चले गए कि हमाए काजें परमेसुर के सामूं बने आंय।

- 1 पतरस 3:22

मसीह सरग पे जाके परमेसुर के दांय कोद विराजमान भओ; और सरगदूत और सबरे अधकारी और सकतीबल उनके बस करे गए।