- मरकुस 16:16 - Bundeli Holy Bible

¹⁶ जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- मरकुस 16:16 ပူးပေါင်းရင်းမြစ်များ

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- मरकुस 1:15

और कओ, समय पूरो भओ आय, और परमेसुर कौ राज ऐंगर आ गओ आय; मन बदलौ और भले संदेसे पै बिसवास करौ।

- लूका 8:12

गैल के कगारें के बे आंय, जिन ने सुनो; तब छलिया शैतान आके उन के हिये में से बचन उठा ले जात आय, कि कऊं ऐसो न होबै कि बे बिसवास कर के उद्धार पाबें।

- यूहन्‍ना 20:31

पर जे ई लाने लिखे गए आंय, कि तुम भरोसा करो, कि यीशु ही परमेसुर कौ पूत मसीह आय: और भरोसा करके ऊके नाम से अनन्त जीवन पाओ।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 3:5

यीशु ने जवाब दओ, मैं तोसे सांची सांची कहत आंव; कि जब लौ कोऊ पानू और आत्मा से नईं जन्मे, बो परमेसुर के राज्य में नईं जा सकत।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 6:29

यीशु ने उन से कई; परमेसुर को काम जौ आय, कि जीहां ऊ ने पठैव आय, तुम ऊ पै भरोसा करो।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 8:24

ई लाने मैं ने तुम से कई, कि तुम अपने ही पापन में मर हौ; कायसे जब लौ तुम भरोसा न कर हौ कि मैं ओई आंव, तुम अपने पापन में मर हौ।

- प्रेरितन के काम 10:43

ऊ की सबरे अगमबानी कैबेवारे गवाय देत आंय, कि जो कोई ऊ पै बिसवास कर है, ऊहां ऊके नाओं से पापन की छिमा मिल है।

- प्रेरितन के काम 13:39

और ऐई के द्वारा हर एक भरोसा करबेवालो उन सबरी बातन से छुटकारो पात आय, जिन से तुम मूसा की रीतियन के द्वारा छुटकारो नईं पा सकत हते।

- प्रेरितन के काम 13:46

तब पौलुस और बरनाबास ने जोर देके कई, जौ जरूरी हतो, की परमेसुर कौ बोल पेंला से तुम हां सुनाओ जातो: पर ई लाने की तुम ऊ को नईं मानत आव, और अपने आपई हां अनन्त जीवन के लाने नईं ठहरात आव, तो हेरो, हम गैर यहूदियन की कोद जात आंय।

- प्रेरितन के काम 2:38

पतरस ने उन से कओ, मन फिराओ, और तुम में हर एक जने अपने पापन की छिमा के लाने यीशु मसीह के नाओं से बपतिस्मा ले; तो तुम पवित्र आत्मा कौ दान पाहौ।

- प्रेरितन के काम 2:41

जिन ने ऊकौ बचन मानो उन ने बपतिस्मा लओ; और ओई दिना तीन हजार मान्सन के लगभग उन में जुड़ गए।

- प्रेरितन के काम 22:16

अब कायहां अबेर करत आय? उठ बपतिस्मा ले, और ऊ को नाओं लैके अपने पापन हां धो डाल।

- रोमियों 3:6

बिलकुल नईं, नईं तो परमेसुर जगत कौ न्याय काय हां कर है।

- रोमियों 4:24

पर हमाए लाने सोई जिन कौ बिसवास धार्मिकता लेखो जै है, जाने कि हमाए लाने सोई जौन ऊ पै बिसवास करत आंय, जीने हमाए पिरभु यीशु हां मरे भयन में से जिलाओ।

- 2 थिस्सलुनीकियों 1:8

और जौन जनें परमेसुर हां नईं चीनत, और पिरभू यीशु मसीह की बातें नईं मानत उन से बदला लै है।

- 2 थिस्सलुनीकियों 2:12

और जितने जनें सांचे हां नईं मानत, परन्त अधरम की बातन हां चाहत आंय, उन हां दण्ड दै है।

- 1 पतरस 1:21

जौन ऊके द्वारा ऊ परमेसुर पे बिसवास करत आव, जीने ऊहां मरे भयन में से जिलाओ, और मईमां दई; कि तुमाओ बिसवास और आस परमेसुर पे होबै।

- 1 पतरस 3:21

और ओई पानू की कनौत सोई, जाने कि बपतिस्मा, यीशु मसीह के जी उठबे से, अब तुम हां बचात आय; (ऊसे देयां कौ मैल हटाबे को मतलब नईंयां, पर सुद्ध विवेक से परमेसुर के बस में हो जाबे कौ मतलब आय)।

- यूहन्‍ना के दरसन कौ खुलासा 20:15

जी को नाओं जीवन की पोथी में नईं कड़ो, बो सोई आग की झील में डालो गओ।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।