- मरकुस 14:14 - Bundeli Holy Bible

¹⁴ और ऊ जौन घर में जाबै, ऊ घर के मालिक से कईयो, गुरू कैत आय, कि मोरो पाहुंनौ कौ घर कौन सौ आय जीमें मैं अपने चेलन के संग्गै फसह खाओं?

- मरकुस 14:14 ပူးပေါင်းရင်းမြစ်များ

- मरकुस 10:17

और जब ऊ निकल के गैल में जात हतो, तो एक मान्स ऊके ऐंगर दौड़त भओ आओ, और ऊके आंगू टिंगरे धर के ऊसे पूछो, हे अच्छे गुरू, अनन्त जीवन कौ हक्कदार होबे के लाने मैं का करों?

- मरकुस 11:3

अगर तुम से कोऊ जौ पूछे, जौ का करत आव? तो कईयो, कि प्रभु हां ईकौ प्रयोजन आय; और ऊ तुरतईं ऊहां इतै भेज दै है।

- मरकुस 14:13

ऊ ने अपने चेलन में से दो चेलन हां जौ कै के भेजो, कि नगर में जाओ, और एक मान्स पानी कौ मटका उठाएं भए तुमें मिल है, ऊके पछाऊं हो लईयो।

- मरकुस 14:15

ऊ तुमें एक सजी सजाई, और तईयार करी भई बड़ी अटारी दिखा दै है, उतै हमाए लाने तईयारी करौ।

- लूका 22:11

और ऊ घर के मालक से कईयो, कि गुरु तोसे कैत आय; कि बो पाहुनशाला किते आय जीमें मैं अपने चेलन के संग्गै फसह खाओं?

- यूहन्‍ना 11:28

जौ कहके बा चली गई, और अपनी बहिन मरियम हां टेर के चुपके से कई, गुरू इतईं आय, और तोय बुलात है।

- यूहन्‍ना 13:13

तुम मोय गुरू और प्रभु कहत आव, तुम सही कहत आव, कायसे मैं ओई आंव।

- यूहन्‍ना के दरसन कौ खुलासा 3:20

सुनो, मैं तुमाए मन के द्वारे पै ठाड़ो खटखटात आंव; अगर तुम मोरे टेरबे हां सुनो और मन के किवाड़ खोलो, तो मैं तुमाए मन में आहों और अपन दोई संग्गै खै हैं।