- मरकुस 13:9 - Bundeli Holy Bible

⁹ लेकिन तुम अपने बारे में सावधान रओ; कायसे कि लोग तुमें महासभन में सौंप हैं और तुम पंचयातों में कूटे जै हौ; और मोरे कारन हाकिमों और राजाओं के आंगू ठांड़े करे जै हौ, ताकि उन के लाने गवाही होबै।

- मरकुस 13:9 ပူးပေါင်းရင်းမြစ်များ

- मत्ती 5:22

परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- मरकुस 1:44

और ऊसे कओ, देख, कोऊ से कछु न कईये, लेकिन जाके अपने आप हां पुजारी हां दिखा, और अपने साजे होबे के बारे में जो कछु मूसा ने ठैराओ ऊहां भेंट चढ़ा, कि उन पै गवाही होबे।

- मरकुस 13:5

यीशु ने उन से कओ; सावधान रओ कि कोऊ तुमें धोका न दे।

- मरकुस 13:8

कायसे जात पै जात, राज्य पै राज्य चढ़ाई कर हैं, और हरेक जांगा भूडोल हुईये, और अकाल पड़ हैं; जौ तो तकलीफों की शुरूआत ही हुईये।

- मरकुस 6:11

जौन जांगा के मान्स तुमें न अपनाबें, और तुमाई न सुनें, उते से चलतई अपने तलुओं की धूरा झरा डालो, कि उन पै गवाही हो।

- लूका 9:5

जौन कोऊ तुम हां न अपनाबे ऊ नगर से बायरें कड़त भए अपने गोड़न की धूरा झाड़ दईयो, कि उन पे गवाही होबै।

- यूहन्‍ना 15:20

जो बात मैंने तुम से कई हती, खबर धरियो, गुलाम अपने मालक से बड़ो नईं होत। जदि उन ने मोय सताव, तो बे तुम हां सोई सता हैं; जदि उन ने मोरी बात मानी, तो बे तुमाई भी मान हैं।

- यूहन्‍ना 16:2

बे तुम हां प्रार्थनाघरन से काड़ दें हैं, बल्कि बा बेरा आ रई आय, कि जो कोऊ तुम हां मार डाल है, बो जान है कि मैं परमेसुर के लाने कर रओ आंव।

- प्रेरितन के काम 21:11

हमाए ऐंगर आके ऊ ने पौलुस को करियाई कौ फेंटा लओ, और अपने हाथ गोड़े बांधके कई; पवित्र आत्मा जौ कहत आय, जी मान्स कौ जो करियाई कौ फेंटा आय, ऊहां यरूशलेम में यहूदी ऐई तरहां बांध हैं, और अन्यजातियन के हाथ में दें हैं।

- प्रेरितन के काम 7:54

जे बातें सुन के बे आपे से बायरें हो गए और ऊ पे खिसया के दांत पीसन लगे।

- प्रेरितन के काम 9:16

और मैं ऊहां बता हों, कि ऊहां मोरे नाओं के काजें कैसे कैसे दुख पीड़ा उठाबे पड़ हैं।

- फिलिप्पियों 1:29

परन्त परमेसुर ने तुम पै ऐसी दया करी आय, कि तुम उन की बातन पै बिसवास धरो, और उनके काजें दुख सोई सहो।

- 2 थिस्सलुनीकियों 1:5

ईसे जौ पता लगत आय; कि परमेसुर सच्चो न्यायी आय, और ईसे पक्को हो गओ कि तुम परमेसुर के राज्य के लायक आओ, जीके काजें तुम दुख सोई उठात आव।

- 2 यूहन्‍ना 1:8

तुम चौकन्नें रओ; कायसे जौन काम हमने करो आय, ऊहां न बिलोरियो, जीसे ऊको पूरो मजा तुम हां मिले।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 2:13

कि तें उते रैत आय जिते शैतान छलिया कौ सिंहासन आय, पर मोरे नाओं पै बिसवास धरे रैत आय; और मोपे बिसवास करबे से उन दिना में पक्को रओ, जब मोरो सच्चो और पक्को गवाह अन्तिपास, तुमाए बीच मारो गओ।