- मरकुस 13:13 - Bundeli Holy Bible

¹³ और मोरे नाओं के कारन सब जने तुम से बैर कर हैं; पै जौन आखिरी लौ धीरज धरे रै है, ओई कौ उद्धार हुईये।

- मरकुस 13:13 ပူးပေါင်းရင်းမြစ်များ

- मत्ती 10:22

मोरे नाओं के काजें सब तुम से बैर कर हैं, पर जौन अन्त लौ गम खै है ओई की मुक्ति हुईये।

- मत्ती 24:13

पर जौन अन्त लौ धीरज धरे रै हैं, ओई कौ उद्धार हुईये।

- मत्ती 24:9

तब बे सताबे के लाने तुम हां पकरवा हैं, और तुम हां मार डार हैं और मोरे नाओं के काजें सब जातें तुम से अदावट राख हैं।

- मरकुस 13:12

और भईया हां भईया, और बाप हां बेटा हत्या के लाने सौंप हैं, और लड़काबाले महतारी-बाप के खिलाफ में उठके उने मरवा दै हैं।

- लूका 21:17

और मोरे नाओं के काजें सबरे मान्स तुम से बैर कर हैं।

- लूका 6:22

धन्न आव तुम, जब मान्स के पूत के काजें मान्स तुम से बैर कर हैं, और तुम हां काड़ दै हैं, और तुमाई बुराई कर हैं, और तुमाओ नाओं बुरओ जान के काट दें हैं।

- यूहन्‍ना 15:21

परन्त जे सब बातें, बे मोरे नाओं के काजें तुमाए संग्गै कर हैं, कायसे बे ऊहां नईं चीनत जीने मोय पठैव।

- यूहन्‍ना 17:14

मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- गलतियों 6:9

भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- इब्रानियों 10:39

हम उन मान्सन घांई नईंयां, जो पिछल के बिगड़ गए परन्त हम अपने बिसवास में पक्के रै हैं, कि तरन तारन पाबें।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- 1 यूहन्‍ना 3:13

भईया हरौ, हटी संसार के मान्स तुम से अदावट धरें तो अचम्भा न करियो।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।