- मरकुस 13:11 - Bundeli Holy Bible

¹¹ जब बे तुमें लै जाके सौंप हैं, तो पेंला से चिन्ता न करियो, कि हम का कै हैं; पै जो कछु तुमें ओई घड़ी बताओ जाए, ओई कईयो; कायसे कि बोलबे वाले तुम नईंयां, बल्कि शुद्ध आत्मा आय।

- मरकुस 13:11 ပူးပေါင်းရင်းမြစ်များ

- मत्ती 10:17

मगर मान्सन से होसियार रहियो, कायसे बे तुम हां कचहरियन में सौंप हैं, और अपनी कचहरियन में कोड़े लगवा हैं।

- मरकुस 13:12

और भईया हां भईया, और बाप हां बेटा हत्या के लाने सौंप हैं, और लड़काबाले महतारी-बाप के खिलाफ में उठके उने मरवा दै हैं।

- मरकुस 13:9

लेकिन तुम अपने बारे में सावधान रओ; कायसे कि लोग तुमें महासभन में सौंप हैं और तुम पंचयातों में कूटे जै हौ; और मोरे कारन हाकिमों और राजाओं के आंगू ठांड़े करे जै हौ, ताकि उन के लाने गवाही होबै।

- लूका 21:12

पर इन सबरी बातन से पेंला बे मोरे नाओं के काजें तुम हां पकड़ हैं, और सता हैं, और पंचयातों में सौंप हैं, और जेहल में डलवा हैं, और राजाओं और अधकारियन के सामूं ले जें हैं।

- यूहन्‍ना 3:27

यूहन्ना ने जबाव देत भय कई, जब लौ कोऊ मान्स हां सरग से न दओ जाबै, तब लौ बो कछु भी पा नईं सकत।

- प्रेरितन के काम 2:4

और बे सबरे पवित्तर आत्मा से भर गए, और जौन भांत पवित्तर आत्मा ने उन हां बोलबे की समझ दई, बे औरें दूसरी दूसरी भाषा बोलन लगे।

- प्रेरितन के काम 3:13

इब्राहीम और इसहाक और याकूब के परमेसुर, हमाए पुरखन के परमेसुर ने अपने सेवक यीशु की मईमा करी, जीहां तुम ने पकड़वा दओ, और जब पीलातुस ने ऊहां छोड़ देबे कौ विचार करो, तब तुम ने ऊके सामूं ऊकौ इन्कार कर दओ।

- प्रेरितन के काम 4:31

जब बे बिन्तवाई कर चुके, तो बा जांगा जिते बे जुड़े हते हल गई, और बे सबरे पवित्तर आत्मा से भर गए, और परमेसुर कौ बचन हियाव से सुनात रए।

- प्रेरितन के काम 6:10

पर ऊ समझदारी और ऊ आत्मा कौ जीसे बो बातें करत हतो, बे सामना न कर सके।

- प्रेरितन के काम 6:15

तब सबरे मान्सन ने जौन महापंचयात में बैठे हते, ऊ पे आंखें गड़ाईं तो ऊकौ मों सरगदूत घांई तको।

- प्रेरितन के काम 7:55

पर ऊ ने पवित्तर आत्मा से भरके सरग कोद तको और परमेसुर की मईंमा करी और यीशु हां परमेसुर के सूदे हाथ ठांड़ो तको और कओ।

- पैली कुरिन्थियों 2:13

जिन हां हम मान्सन के सिखाए भई बातन में नईं, परन्त आत्मा के सिखाए भई बातों में, जाने कि आत्मिक सोच हां आत्मिक बातन में मिला के बताओ करत आंय।

- इफिसियों 3:5

जौन पेंला मान्सन हां ऐसो नईं बताओ गओ हतो, जैसो आत्मा से अब उनके पवित्तर प्रेरितन और अगमवकतन हां मिलो आय।

- याकूब 1:5

जदि तुम में से कोई हां समज की घटी होबै, तो बो परमेसुर से मांगे, परमेसुर बिना कए सबई हां उदारता से देत आय; और बुद्धि समज ऊ ए दई जै है।

- 1 पतरस 1:12

उन पे जौ उजागर करो गओ, कि बे अपनी नोंई परन्त तुमाई सेवा के लाने जे बातें कओ करत हते, जी की खबर अब तुम हां उन से जौन सरग से पठैओ गओ: तुम हां भलो सन्देसो सुनाओ, और इन बातन हां सरगदूत सोई ध्यान से देखबे की मनसा राखत आंय।