- मरकुस 12:14 - Bundeli Holy Bible

¹⁴ और उन ने आके ऊसे कओ; गुरूजी हम जानत आंय, कि तें सच्चो आय, और कोऊ की परवाह नईं करत; कायसे कितें मान्सन के मों देखी बातें नईं करत, बल्कि परमेसुर की गैल सच्चाई से बतात आय।

- मरकुस 12:14 ပူးပေါင်းရင်းမြစ်များ

- नहेम्याह 9:37

ऐई उपज सें उन राजाओं हों जिनहों तेंने हमाए पापों के कारन हमाए ऊपर ठैराओ आय, मुतकौ धन मिलत आय; और बे हमाए सरीरों और हमाए पसुअन पै अपनी अपनी इच्‍छा के अनसार पिरभुता जतात आंय, ई लाने हम बड़े संकट में पड़े आंय।”

- मत्ती 22:16

ई लाने उन ने अपने चेलन हां हेरोदियन के संग्गै ऊके ऐंगर जौ कहबे हां पठैव, कि हे गुरू; हम जानत आंय, कि तें सच्चो आय; और परमेसुर की गैल सच्चाई से सिखात आय; और कोऊ की परवाह नईं करत, कायसे तें मों हेरी बात नईं करत।

- मत्ती 22:17

ई लाने हम हां बता कि तें का समजत आय? कैसर हां चुंगी देबो सही आय, या नईं?

- मरकुस 12:13

तब धरमगुरुअन ने ऊहां बातन में फंसाबे के लाने कैऊ अन फरीसियन और हेरोदियन धरम पंथियन हां ऊके ऐंगर भेजो।

- मरकुस 12:15

तो का कैसर महाराजा हां टैक्स दैबो उचित आय, कि नईं? हम दैबें या न दैबें? यीशु ने उनकौ कपट जान के उन से कओ; मोहां काय परखत आव? एक दीनार मोरे ऐंगर ले आओ, कि मैं तकों।

- मरकुस 14:45

और यहूदा आओ, और तुरतईं यीशु के ऐंगर जाके कओ; हे गुरू और ऊहां भौत चूमों।

- लूका 20:22

अब तें हम हां बता कि का कैसर महाराज हां कर देबो सई आय, कि नईं।

- लूका 23:2

उते बे औरें जौ कै कें यीशु पे लांछन लगान लगे, कि हम ने ईहां मान्सन हां बरगलात और कैसर महाराज हां कर देबे हां मना करत, और अपने आप हां मसीह राजा कैत भए सुनो आय।

- यूहन्‍ना 7:18

जौन अपनी कोद से कहत आय, बो अपनी ही बड़ाई चाहत आय; पर जौन अपने पठैबेवाले की बड़ाई चाहत आय, ओई सांचो आय, और ऊ में कोई पाप नईंयां।

- रोमियों 13:6

ई लाने टैक्स सोई दो, कायसे बे परमेसुर के सेवक आंय, और हमेसा ऐई काम में लगे रैत आंय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 2:2

कायसे मैं तुम हां दुखी करों, तो मोहां आनन्द दैबेवारों को हुईये, मानो ओई जी को मन मैंने तोड़ो होबे?

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 5:11

सो पिरभू से डराके हम सबरन हां समझात आंय, कायसे हमाओ सबरो हाल परमेसुर हां पता आय; हमें ऐसी आस आय, कि हमाए हिये हां सोई पता आय।

- दूसरी कुरिन्थियों 5:16

सो अब से आगे हम कोऊहां संसार जैसो न मान हैं, और जैसे हम ने मसीह हां संसार घांई जानो हतो, आगे उन हां ऐसो न सोच हैं।

- गलतियों 1:10

अबै लौ मैं मान्सन हां खुस करत रओ होतो, तो मैं मसीह को दास नईं होतो।

- गलतियों 2:6

जौन जनें कछु बड़े समझे जात हते (बे चाए जैसे हते, मोहां ईसे काम नईंयां, परमेसुर कोऊ न्यारी बातें नईं करत) उन से जौन कछु समझे जात हते, मोहां कछु नईं मिलो।

- 1 थिस्सलुनीकियों 2:4

परन्त जैसो परमेसुर ने हम हां बचन दओ, हम मान्सन हां खुसी नईं परन्त परमेसुर हां खुस करत आंय; परमेसुर जौ जानत आय।