- मत्ती 8:8 - Bundeli Holy Bible

⁸ दरोगा ने कई; हे पिरभू मैं ई लायक नईंयां, कि तें मोरी छत के तरें आबै, तें अपने मों से कह दे तो मोरो चाकर साजो हो जै है।

- मत्ती 8:8 ပူးပေါင်းရင်းမြစ်များ

- उत्पत्ति 32:10

तेंने जो-जो काम अपनी दया और सच्‍चाई सें अपने दास के संगै करे आंय, कि मैं जो अपनी लठिया हों लैकें ई यरदन नदिया के पार उतर आओ, और अब मोरी दो टोली हो गई आंय; तोरे एैसे-एैसे कामों में सें मैं एक के भी जोग तौ नईं आंव।

- मत्ती 3:11

मैं तुम हां पानू से मन फिराबे कौ बपतिस्मा देत आंव, पर जो मोरे बाद आबेवारो आय, बो मोय से बली आय; मैं ऊकी पनईयां उठाबे के लाक नईंयां, बो तुम हां पवित्र आत्मा और आगी से बपतिस्मा दै है।

- मत्ती 3:14

यूहन्ना जौ कै के ऊहां रोकन लगो, कि मोय तोसे बपतिस्मा लैबे की जरूरत आय, और तें मोरे ऐंगर आओ आय?

- मत्ती 8:3

यीशु ने हाथ बढ़ाके ऊहां छुओ, और कई, मैं चाहत आंव, कि तें शुद्ध हो जा और बो तुरतईं साजो हो गओ।

- मत्ती 8:7

ऊने ऊसे कई; मैं आके ऊहां साजो कर हों।

- मत्ती 8:9

कायसे मैं भी सरकारी अफसर आंव, और मोरे तरें सिपाही आंय, और जब मैं एक से कहत हों, जा, तो बो जात आय; और दूसरां हां कि आ, तो बो आत आय; और जब अपने चाकर से कहत हों, कि जौ कर, तो बो करत आय।

- लूका 15:19

अब मैं कोनऊं भांत से तोरो पूत नईं रओ, मोहां अपने एक मजूर की घांई धर ले।

- लूका 15:21

पूत ने ऊसे कओ, मैं ने सरग के बिरोध में और तोरे तकत पाप करो आय; और अब ई जोग नईं रओ, कि तोरो पूत कहाओं।

- लूका 5:8

जौ तक के शमौन पतरस यीशु के गोड़न पे गिर के कैन लगो; हे पिरभु, मोरे ऐंगर से जा, कायसे मैं पापी मान्स आंव।

- यूहन्‍ना 1:27

जे ओई आय जौन मोरे पाछें आबे वालो हतो, और जी की पनईयां के बन्ध मैं खोलबे के लायक नईंयां।