- मत्ती 8:4 - Bundeli Holy Bible

⁴ यीशु ने ऊसे कई; कोऊ से न कहिये पर जाके अपने आप हां, याजक हां तका और मूसा के द्वारा ठहराओ गओ चढ़ावा चढ़ा, कि उन पे गवाही होबै।

- मत्ती 8:4 ပူးပေါင်းရင်းမြစ်များ

- मत्ती 10:18

तुम मोरे लाने हाकमन और राजन के आंगू पेस करे जै हौ, कि उन पे और अन्यजातियन पे गवाही होबे।

- मत्ती 16:20

तब ऊने चेलन हां चिताओ, कि कोऊ से न कहियो! कि मैं मसीह आओं।

- मत्ती 17:9

जब बे पहरवा से खालें उतर रए हते तब यीशु ने उन हां हुकुम दैके कई; जब लौ मान्स कौ पूत मरे भयन में से न जी उठे तब तक ई दर्शन के बारे में कोऊ से न कहियो।

- मत्ती 3:15

यीशु ने ऊसे कई, अब तो ऐसई होन दे, कायसे हमाए लाने जौई साजो आय कि ई तरहां ऐसई सबरी धार्मिकता हां पूरो करबें, तब ऊने ऊकी बात मान लई।

- मत्ती 5:17

जौ न समझियो, कि मैं रीतियन हां और आगमवकतन की पोथियन की बातन हां मिटाबे आओ हों।

- मत्ती 6:1

चौकन्ने रओ! तुम अपने धर्म के काम मान्सन हां दिखाबे के लाने न करियो, नईं तो अपने स्वर्गीय बाप से कोऊ भी फल न पाहौ।

- मत्ती 9:30

और उन की आंखें खुल गईं और यीशु ने उन हां कड़ी चितावनी दैके उन से कई; हेरो जौ कोऊहां न बतईयो।

- मरकुस 13:9

लेकिन तुम अपने बारे में सावधान रओ; कायसे कि लोग तुमें महासभन में सौंप हैं और तुम पंचयातों में कूटे जै हौ; और मोरे कारन हाकिमों और राजाओं के आंगू ठांड़े करे जै हौ, ताकि उन के लाने गवाही होबै।

- मरकुस 3:12

और ऊ ने उन हां भौत चिताओ, कि मोरी असलियत न बताईयो।

- मरकुस 5:43

फिन ऊ ने उनहां चिता के आज्ञा दई, कि जा बात कोऊ जान न पाबै और कओ; कि ऊहां कछु खाबे के लाने दओ जाए।

- मरकुस 6:11

जौन जांगा के मान्स तुमें न अपनाबें, और तुमाई न सुनें, उते से चलतई अपने तलुओं की धूरा झरा डालो, कि उन पै गवाही हो।

- मरकुस 7:36

तब ऊ ने उने चिताओ कि कोऊ से न कहियो; लेकिन जितनौ ऊ ने उने चिताओ उतनईं बे और परचार करन लगे।

- मरकुस 8:30

तो ऊ ने उने चिता के कओ, कि मोरे बारे में जा कोऊ से न कईयो।

- मरकुस 9:9

पहरवा से उतरत भए, ऊ ने उने आज्ञा दई, कि जब लौ मान्स कौ बेटा मरे भए में से न जी उठै, तब लौ जो कछु तुमने तको आय ऊ कोऊ से न कईयो।

- लूका 17:14

यीशु ने उन हां तक के कओ, जाओ; और अपने आप हां धरम पण्डतन हां दिखाओ; और जाती बेरा बे गैल में सब साजे हो गए।

- लूका 21:13

पर जौ तुमाए लाने गवाई देबे कौ टैम हो जै है।

- लूका 4:41

और भूत आत्मा सोई चिल्यातीं और जौ कैत भंई कि तें परमेसुर कौ पूत आय, बिलात जन में से कड़ गईं पर बो उन हां डांटत और बोलन न देत हतो, कायसे बे जानत हतीं, कि जौ मसीह आय।

- लूका 5:14

तब यीशु ने ऊहां चिताओ, कोऊ से न कईयो, पर जाके अपने आप हां याजक हां तका, और शुद्ध होबे के लाने जो कछु मूसा ने ठैराओ आय, बो चढ़ावा चढ़ा, कि उन पे गवाई होबै।

- लूका 8:56

ऊके मताई-बाप चकित भए, परन्त यीशु ने उन हां चिता के कओ, जौन कछु जौ भओ आय, कोऊ से न कईयो।

- लूका 9:21

तब यीशु ने उन हां हटक के कओ, जा बात कोऊ से नईं कईयो।

- यूहन्‍ना 5:41

मैं मान्सन से बड़वाई नईं चाहत।

- यूहन्‍ना 7:18

जौन अपनी कोद से कहत आय, बो अपनी ही बड़ाई चाहत आय; पर जौन अपने पठैबेवाले की बड़ाई चाहत आय, ओई सांचो आय, और ऊ में कोई पाप नईंयां।

- यूहन्‍ना 8:50

मैं अपनो मान नईं चाहत, एक आय, जौन चाहत आय, और न्याव करत आय।