- मत्ती 6:5 - Bundeli Holy Bible

⁵ जब तें बिन्तवाई करे, तो कपटियों जैसो न बन कायसे मान्सन हां दिखाबे के लाने सभाघरन और गैलों के मोड़ पे ठांड़े होकें बिन्तवाई करबो उन हां उमदा लगत आय; मैं तुम से सांची कैत आंव, कि बे अपनो फल पा चुके।

- मत्ती 6:5 ပူးပေါင်းရင်းမြစ်များ

- मत्ती 21:22

और जो कछु तुम प्रार्थना में भरोसा धर के मांग हौ बो तुम हां मिल जै है।

- मत्ती 23:13

हे कपटी शास्त्रियो और फरीसियो तुम पे श्राप! कायसे तुम मान्सन के विरोध में सरग के राज्य कौ द्वार बन्द कर देत आव, तुम न तो खुद जात आव और न जाबे वारन हां भीतर जान देत आव।

- मत्ती 23:5

बे अपने सब काम मान्सन हां दिखाबे के लाने करत आंय: बे अपने ताबीजन हां चौंड़ो करत, और अपने उन्ना की कोरे लम्बी करत आंय।

- मत्ती 23:6

और जेवनारों में ऊं ची जांगा और प्रार्थना घरन में मुख्य आसन।

- मत्ती 6:1

चौकन्ने रओ! तुम अपने धर्म के काम मान्सन हां दिखाबे के लाने न करियो, नईं तो अपने स्वर्गीय बाप से कोऊ भी फल न पाहौ।

- मत्ती 6:16

जब तुम उपास करौ, तो कपटियन घांई तुमाए मों पे उदासी नईं दिखै, कायसे बे अपनो मों बनाए रहत आंय, जीसे मान्स उन हां उपासो जानें; मैं तुम से सांची कहत आंव, कि बे अपनो फल पा चुके।

- मत्ती 6:2

ई लाने जब तें दान पुन्न करे, तो अपने आंगू बाजे न बजवा, जैसो कपटी सभाओं और गैलों में करत आंय, जीसे लोगबाग उन की बड़वाई करें, मैं तुम से सांची सांची कैत आंव, कि बे अपनो फल पा चुके आंय।

- मत्ती 9:38

ई लाने फसल के मालक से बिनती करियो कि बो फसल काटबे के लाने मजूर पठैय दे।

- मरकुस 11:25

और जब कभऊं तुम ठांड़े होकें प्रार्थना करत आव, तो अगर तुमाए मन में कोऊ की तरफ से कछु बिरोध होबै, तो क्षमा करो: ईसे कि तुमाओ सरगवालो बाप भी तुमाए अपराधन हां क्षमा कर है।

- मरकुस 12:38

यीशु ने अपने उपदेस में उन से कओ, धरम पंडितन से सावधान रओ, जौन लम्बे उन्ना पैरें फिरबो।

- लूका 11:43

हे धरम पण्डतो, तुम पे हाय! तुम मन्दर में आंगू की जांगा और बाजारों में आदर और नमस्कार साजे लगत आंय।

- लूका 18:1

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

- लूका 18:13

परन्त चुंगी लेबेवारे ने दूर ठांड़े होकें, सरग कुदाऊं आंख उठाओ भी नईं चाही, पर अपनी छाती पीट पीट के कओ; हे परमेसुर मोय पापी पे दया कर।

- लूका 20:47

जे बिधवाओं के घर हड़प जात आंय, और दिखाबे हां कुल्ल देर लौ बिन्तवाई करत रैत आंय: जे बिकट दण्ड पा हैं।

- लूका 6:24

पर हाय तुम पै; जौन मालपानू वारे आव, कायसे तुम अपने सुख भोग चुके।

- यूहन्‍ना 16:24

अब लौ तुम ने मोरे नाओं से कछु नईं मांगो; मांग हौ तो तुम हां मिल है जीसे तुमाई खुसी पूरी हो जाए।

- इफिसियों 6:18

और सबरी बेरा मन से बिन्तवारी करत रओ, सो जगत रओ, और सब तरन तारन पाए भईयन के लाने बिन्तवारी करत रओ।

- 1 थिस्सलुनीकियों 5:17

हमेसा बिन्तवारी करत रओ।

- याकूब 4:6

बो तो औरऊ दया करत आय; ऐई काजें ऐसो लिखो आय, कि परमेसुर घमंडियों से बिरोद करत आय, पर दीनों पे दया करत आय।