- मत्ती 6:2 - Bundeli Holy Bible

² ई लाने जब तें दान पुन्न करे, तो अपने आंगू बाजे न बजवा, जैसो कपटी सभाओं और गैलों में करत आंय, जीसे लोगबाग उन की बड़वाई करें, मैं तुम से सांची सांची कैत आंव, कि बे अपनो फल पा चुके आंय।

- मत्ती 6:2 ပူးပေါင်းရင်းမြစ်များ

- मत्ती 15:7

हे कपटियो, यशायाह ने तुमाए लाने जा आगमवानी सही करी हती।

- मत्ती 16:3

और भुनसारे कहत आव कि आज आंधी आ है कायसे आकाश लाल और धुमला आय; तुम आकास के गुन हां तो चीनत आव, पर समयों के चिन्ह हां नईं बता सकत?

- मत्ती 22:18

यीशु ने उन कौ छल जानके कई, हे कपटियो; तुम मोय काय परखत आव?

- मत्ती 23:5

बे अपने सब काम मान्सन हां दिखाबे के लाने करत आंय: बे अपने ताबीजन हां चौंड़ो करत, और अपने उन्ना की कोरे लम्बी करत आंय।

- मत्ती 23:6

और जेवनारों में ऊं ची जांगा और प्रार्थना घरन में मुख्य आसन।

- मत्ती 24:51

और एैसई बेरा जीहां बो जानत होबै, तब बो ऊहां कड़ो दण्ड दैके, और कपटियन के संग्गै ऊहां डार दै है, उते रोबो और दांत पीसबो हुईये।

- मत्ती 5:18

मिटाबे नईं, परन्त पूरो करबे आओ हों; कायसे मैं तुम से सांची कहत हों, कि जब लौ आकास और धरती टर न जाएं, तौ लौ व्यवस्था में से एकऊ चिन्न नईं टल है, जब लौ की सबई कछु पूरो न हो जाबै।

- मत्ती 6:16

जब तुम उपास करौ, तो कपटियन घांई तुमाए मों पे उदासी नईं दिखै, कायसे बे अपनो मों बनाए रहत आंय, जीसे मान्स उन हां उपासो जानें; मैं तुम से सांची कहत आंव, कि बे अपनो फल पा चुके।

- मत्ती 6:3

पर जब तें दान करे, तो जो तोरो सूदो हाथ कर रओ आय, ऊहां तोरो बांया हाथ न जान पाबे।

- मत्ती 6:5

जब तें बिन्तवाई करे, तो कपटियों जैसो न बन कायसे मान्सन हां दिखाबे के लाने सभाघरन और गैलों के मोड़ पे ठांड़े होकें बिन्तवाई करबो उन हां उमदा लगत आय; मैं तुम से सांची कैत आंव, कि बे अपनो फल पा चुके।

- मत्ती 7:5

हे कपटी, पेंला अपनी आंखन कौ लठ्ठा काड़ ले, तब तें अपने भईया की आंख कौ तिनूका साजो हेर के काड़ सक है।

- मरकुस 12:39

और बाजारन में नमस्कार, और प्रार्थनाघरन में खास खास आसन और जेवनारन में खास खास जांगा भी चाहत आंय।

- मरकुस 7:6

ऊ ने उनसे कओ; कि यशायाह ने तुम कपटियन के बारे में भौत ठीक अगमबानी करी, जैसो लिखो आय; कि जे लोग ओंठन से तो मोरी इज्जत करत आंय, पै उनकौ मन मोय से दूर रैत आय।

- लूका 11:41

पर जौन कछु भीतर आय ऊए दान कर दो, तो तको, सब कछु तुमाए लाने शुद्ध हो जै है।

- लूका 11:43

हे धरम पण्डतो, तुम पे हाय! तुम मन्दर में आंगू की जांगा और बाजारों में आदर और नमस्कार साजे लगत आंय।

- लूका 12:33

अपनो मालपानू बेच के दान में दे देओ; और अपने लाने ऐसे बटुए बना लेओ, जौन पुराने नईं होत, जाने के सरग पे ऐसो धन जोड़ो जौन घटत नईंयां और भड़या ऊके ऐंगर नईं जात, और कीड़ा नईं बिगाड़त।

- लूका 12:56

हे कपटियो, तुम धरती और आकास के रंग रूप में भेद कर सकत आव, पर ई जुग के बारे में भेद काय नईं करबो जानत?

- लूका 13:15

जौ सुन के यीशु ने उत्तर दओ; हे कपटियो, का सब्त के दिना तुम में से हर कोऊ अपने बैल या गधा हां थान से ढ़ील के पानी पिलाबे हां नईं ले जात।

- लूका 20:46

शास्त्र पण्डतन से होसियार रओ, जौन हां लम्बे चोगा पैर के फिरबो साजो लगत आय, और जौन हां बजारों में नमस्कार और सभाओं में ऊंचो आसन और जेवनारों में खास जांगा साजी लगत आय।

- लूका 6:24

पर हाय तुम पै; जौन मालपानू वारे आव, कायसे तुम अपने सुख भोग चुके।

- लूका 6:42

और जब तें अपनी आंख कौ लट्ठा नईं तकत, तो अपने भईया से कौन भांत कै सकत आय, हे भईया, ठैर जा मैं तोरी आंख में से तिनका काड़ देओं? हे कपटी, पेंला तें अपनी आंख कौ लट्ठा काड़ ले, तब तें अपने भईया की आंख के तिनके हां काड़बे हां सई सई तक पा है।

- यूहन्‍ना 13:29

यहूदा के ऐंगर रुपईयन कौ थैला रहत हतो, ई लाने कछु जा सोच रय हते, कि यीशु ऊसे कह रओ आय, कि परब के लाने जरूरी चीज बस्त हां मोल ले ले, या जा कि कंगालन हां कछु दै दे।

- यूहन्‍ना 5:41

मैं मान्सन से बड़वाई नईं चाहत।

- यूहन्‍ना 5:44

तुम कैसे भरोसा कर सकत आव, जब कि तुम खुद एक दूसरे से मान चाहत आव, और जौन मान अद्वैत परमेसुर की कोद से आय, ऊहां पाबो नईं चाहत?

- यूहन्‍ना 7:18

जौन अपनी कोद से कहत आय, बो अपनी ही बड़ाई चाहत आय; पर जौन अपने पठैबेवाले की बड़ाई चाहत आय, ओई सांचो आय, और ऊ में कोई पाप नईंयां।

- प्रेरितन के काम 10:2

ऊ भक्त हतो, और अपने सबरे घराने सुदा परमेसुर से डरात हतो, और यहूदी मान्सन हां कुल्ल दान देत, और बिरोबर परमेसुर से बिन्तवाई करत हतो।

- प्रेरितन के काम 10:31

और कैन लगो; हे कुरनेलियुस तोरी बिन्तवाई सुन लई गई आय, और तोरे दान परमेसुर के सामूं सुमरण करे गए आंय।

- प्रेरितन के काम 10:4

ऊ ने ऊहां ऐन जोर लगा के तको; और डर के कओ; हे पिरभु का आय? ऊ ने कओ, तोरी बिन्तवाई और दान सुमरण के लाने परमेसुर के आंगू पोंचे आंय।

- प्रेरितन के काम 11:29

चेलन ने ठानी, कि हरएक अपनी अपनी हैसियत के अनसार यहूदिया में रहबे वाले भाईयन की मदद के लाने कछु पठैय।

- प्रेरितन के काम 24:17

अब बिलात बरसन के पाछें मैं अपनी जात के लाने दान पोंचाबे, और भेंट चढ़ाबे आओ हतो।

- प्रेरितन के काम 9:36

याफा में तबीता जाने के दोरकास नाओं की एक बिसवासिनी रैत हती, बा कुल्ल भले भले काम और दान दओ करत हती।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 13:3

और जदि मैं अपनी सबरी जादाद गरीब गुरवन को खबा देओं, या अपनी देयां बारवे के लाने दे देओं, और प्रेम न धरों, तो मोहां कछु भी फायदा नईंयां।

- गलतियों 2:10

बस जा कई, कि हम गरीब गुरवन की सुध लेबें, और ओई काज करबे को मैं अपने हो लगो आंव।

- इफिसियों 4:28

चोरी करबेवारे अब चोरी नईं करें, अकेले अच्छे काम करें और हाथन से मैनत करें; कि जीहां अटका पड़े, ऊहां दैबे हां तुम लौ कछु होबे।

- 1 थिस्सलुनीकियों 2:6

हम परमेसुर के भेजे भए तुम पै बोझो डाल सकत हते, परन्त तुम में से, और कौनऊं मान्सन से मान नईं चाहो।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- फिलेमोन 1:7

कायसे भईया, तोरो प्रेम जो प्रभु से और मान्सन से लगो आय, ऊसे हमाए मन हां अच्छो लगो, सुनो आय कि तोसें मण्डली के जनन के मन हरे हो गए आंय।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।