- मत्ती 5:22 - Bundeli Holy Bible

²² परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- मत्ती 5:22 ပူးပေါင်းရင်းမြစ်များ

- उत्पत्ति 37:4

परन्‍त जब ऊके भईयों ने तको कि हमाओ बाप हम सबरे भईयों सें ज्‍यादा ऊसें प्रीत रखत आय, तब बे ऊसें बैर रखन लगे और ऊके संगै ठीक सें बात भी नें करत हते।

- उत्पत्ति 37:8

तब ऊके भईयों ने ऊसें कई, “का सांचऊं तें हमाए ऊपर राज करहै? या सांचऊं तें हम पै सासन करहै?” ई लाने बे ऊके सपनों और ऊकी बातों के कारन ऊसें और ज्‍यादा बैर रखन लगे।

- नहेम्याह 5:8

और मैंने उनसें कई, “हम लोगन ने तौ अपनी ताकत भर अपने यहूदी भईयन हों जो अन्‍यजातियन के हाथ बिक गए हते, कीमत देके छुड़ाओ आय, फिन तुम का अपने भईयन हों बैचहौ? का बे हमाए हाथ सें बिकहें?” तब बे चिमाए रए और कछु नें कै सके।

- मत्ती 10:17

मगर मान्सन से होसियार रहियो, कायसे बे तुम हां कचहरियन में सौंप हैं, और अपनी कचहरियन में कोड़े लगवा हैं।

- मत्ती 10:28

उन से न डरियो, जौन शरीर हां मार डारत आंय, बे आत्मा हां घात नईं कर सकत आंय, बल्कि उन से डरियो, जो आत्मा और सरीर दोई हां नरक में नास कर सकत आय।

- मत्ती 12:24

पर जब फरीसियन ने जौ सुनो तो कई, जौ तो दुष्तआत्मन हां ऊके मुखिया शैतान की मदद से काड़त आय।

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- मत्ती 18:21

तब पतरस ने ऐंगर आके ऊसे कई, हे प्रभु, जदि मोरो भईया पाप करत रए, तो मैं ऊहां कितेक बेर क्षमा करों, का सात बेर लौ?

- मत्ती 18:35

ऐंसई अगर तुम में से हर एक अपने भईया हां क्षमा नईं कर है, तो मोरो स्वर्गीय बाप भी तुमाए संग्गै वैसई कर है।

- मत्ती 23:15

हे कपटी शास्त्रियो और फरीसियो तुम पे श्राप! तुम एक मान्स हां अपनी कोद लाबे के लाने पानू और धरती में फिरत आव, और जब बो आ जात आय, तो ऊहां अपने से दूनो बुरओ बना देत आव।

- मत्ती 23:33

हे सांपो, और करैत के सपोलो, तुम नरक के दण्ड से कैसे बच पा हौ?

- मत्ती 25:41

तब बो बांई कोद वारन से कै है, हे श्रापित लोगो, मोय से दूर होकें ऊ अनन्त आगी में जा पड़ो, जौन शैतान और ऊके दूतन के लाने तईयार करी गई आय।

- मत्ती 26:59

महायाजक और सारी महापंचायत यीशु के बिरोध में लाबरी गवाही दैबे की कोसिस करत रई, जीसे बे ऊहां मार डारें।

- मत्ती 3:17

और हेरो, जा आकासवानी भई, कि जौ मोरो प्यारो पूत आय, जीसे मैं बिलात खुस हों।

- मत्ती 5:34

पर मैं तुम से जौ कहत आंव, कि कभऊं कौल न खईयो; न तो सरग की, कायसे बो परमेसुर कौ सिंहासन आय।

- मत्ती 5:44

पर मैं तुम से कैत आंव, कि अपने बैरियन से प्रेम रखियो और जो तुम हां परेसान करै उन के लाने बिन्तवाई करियो।

- मरकुस 14:55

बड़ौ पुजारी और सबरी बड़ी सभा यीशु हां मार डालबे के लाने ऊके खिलाफ गवाही की तलास में हते, पै न मिली।

- मरकुस 15:1

भोर के होतईं तुरतईं बड़े पुजारियन, और धरम पंडितन, बल्कि सबरी बड़ी सभा ने सलाह कर के यीशु हां बंधवाओ, और ऊहां लै जाके पीलातुस नाओं हाकिम के हाथ में सौंप दओ।

- लूका 12:5

मैं तुम हां होसियार करत आंव कि तुम हां की से डरो चईये, घात करबे के पाछें जी हां नरक में डालबे कौ अधकार आय, ओई से डरो: मैं तुम से कैत आंव ओई से डरो।

- लूका 22:66

जब दिन भओ तो मान्सन के बड़े बूढ़े और महापण्डत और शास्त्रज्ञानी जुड़े, और यीशु हां अपनी महापंचयात में लाके पूंछो।

- यूहन्‍ना 11:47

ई लाने महापुरोहित और फरीसियन ने महापंचायत के लोगन हां जोड़ो और कहन लगे, हम का कर रय आंय? जौ मान्स तो बिलात चमत्कार दिखात आय।

- यूहन्‍ना 15:25

और ऐसो ई लाने भओ, कि बो बचन पूरो होबै, जौन उन की रीतियन में लिखो आय, कि उन ने मोसे व्यर्थ बैर करो।

- यूहन्‍ना 7:20

भीड़ ने कई; तोय में दुष्ट आत्मा आय; को तोय मार डालबो चाहत आय?

- यूहन्‍ना 8:48

जा सुनके यहूदियन ने यीशु से कई; का हम सही नईं कहत, कि तें सामरी आय, और तो में दुष्ट आत्मा आय?

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 22:30

पर दूसरे दिना जौ जानबे के लाने की यहूदियन ने काय ईपे दोस लगाओ आय, ऊ ने ऊके बन्ध खोल दए; और मुखिया पुरोहितन और महापंचायत हां इकट्ठो होबे कौ हुकम दओ, और पौलुस हां लै जाके उन के आंगू ठांड़ो कर दओ।

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 24:20

नईं तो जे लोग खुद बताबें, की जब मैं बड़ी पंचायत के आंगू ठांड़ो हतो, तो उन ने मोय में कौन दोस पाओ।

- प्रेरितन के काम 4:15

पर उन हां पंचायत के बायरें जाबे कौ हुकम देके, बे आपस में सोस विचार करन लगे।

- प्रेरितन के काम 5:21

बे जौ सुन के भुनसारो होतई मन्दर में जाके बचन सुनाऊ न लगे: तब महायाजक और ऊके संगियन ने महापंचायत हां और इस्राएलिययन के सब बूढ़े पुरनियन हां जोड़ो, और कैदखाने में कहला पठैओ कि उन हां ले आओ।

- प्रेरितन के काम 5:27

उन ने प्रेरितन हां लाके महापंचायत के सामूं ठांड़ो कर दओ: तब महायाजक ने उन से पूछो।

- प्रेरितन के काम 6:12

और मान्सन और बड़े बूढ़ों और शास्त्रियन हां भड़का के चढ़ आए और ऊहां पकड़ के महापंचयात में ले आए।

- प्रेरितन के काम 6:15

तब सबरे मान्सन ने जौन महापंचयात में बैठे हते, ऊ पे आंखें गड़ाईं तो ऊकौ मों सरगदूत घांई तको।

- प्रेरितन के काम 7:37

जौ ओई मूसा आय, जीने इस्राएलियन से कओ; परमेसुर तुमाए भाईयन में से तुमाए लाने मोरे जैसो एक अगमवकता उठा है।

- रोमियों 12:10

तुम में भाईचारे कौ प्रेम बनो रैबे; आदर करबे में एक दूसरे से बढ़ के आदर करो।

- पैली कुरिन्थियों 6:10

भड़या, लालचवारे, दारू पीबेवारे, गाली देबेवारे, जबरंई करबेवारे परमेसुर के राज के बारस न हुईयें।

- पैली कुरिन्थियों 6:6

इते लौ कि भईयन भईयन के बीच न्याव होत आय, बो सोई दूसरी जातवारन के सामूं।

- 1 थिस्सलुनीकियों 4:6

ई बात में कोई अपने भईया हां न ठगे, और न ऊ की भली मंसा को गलत फायदा उठाए, परमेसुर ऐसे मान्स हां उनके पापन के लाने दण्ड दै है; जैसो हम ने पेंला बता के चिता दओ हतो।

- तीतुस 3:2

कोई की बुराई न करो; और झनझट न करो; परन्त सूदे रओ और सबरे मान्सन के संग्गै नरमाई से चलो।

- इब्रानियों 12:25

संभल के रहो, और जे बातें कहबेवारे की सुनो, जब मान्सन ने कैबेवारे की बात न मानी जौन सिय्योन पहरवा से बोलत हतो, तो का तुम उन की बात जौन सरग से बोलत आय बच पाहौ।

- इब्रानियों 5:9

और सबरे दुख हां सह के, अपने सबरे मानबेवारन को तरन तारन करो।

- याकूब 2:20

हे बेसमज मान्स, का तें जौ सोई नईं जानत, कि करम बिना बिसवास अकारथ आय?

- याकूब 3:6

जीभ सोई एक आग आय; जीभ हमाई देंया में पाप कौ एक संसार आय, बा सबरी देयां पे कलंक पोतत आय, बा भवचक्र में आग लगा देत आय और नरक कुण्ड की आग से बरत रैत आय।

- 1 पतरस 2:23

बो गाली सुन के गाली न देत हतो, और पीड़ा झेल के कोऊहां सोई धौंस न देत हतो, पर अपने आप हां सांचे न्यायी के हाथ में सौंपत हतो।

- 1 पतरस 3:9

बुराई के बदले बुराई न करो; और न गाली के बदले गाली दो; पर ईके उलटे आसीस दो: कायसे तुम आसीस के वारस होबे के लाने बुलाए गए आव।

- 1 यूहन्‍ना 2:9

जो कोनऊ ऐंसो कैत आय, कि मैं ज्योत में आंव; और अपने भईया से अदावट धरें आय, बो अबै लौ अंधियारे में आय।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 5:16

कोऊ अपने भईया हां ऐसो पाप करत तकै, जी पाप से नरक कुण्ड हां नईं जात तो ऊहां परलोक मिल है, कायसे पाप ऐसो सोई होत आय जीसे परलोक नईं मिलत, ऐसे पाप के लाने बिन्तवारी करबे हां मैं नईं कैत।

- यहूदा 1:9

जब महाबली सरगदूत मीकाईल ने, शैतान छलिया से मूसा की मरी देह के लाने पूछो, तो ऊहां कछु बुरओ न कहो, परन्त जा कई कि परमेसुर तोहां डांटे।

- यूहन्‍ना के दरसन कौ खुलासा 20:14

और मृत्यु और अधलोक सोई आग की झील में डाले गए; जा आग की झील में डालो जाबो दूसरी मृत्यु आय।