- मत्ती 5:12 - Bundeli Holy Bible

¹² खुस और मगन हुईयो कायसे स्वर्ग में तुमाए लाने बड़ो फल धरो है, उन ने तो उन आगमवकता हां भी जौन तुम से पेंला हते ऐई तरहां सताओ हतो।

- मत्ती 5:12 ပူးပေါင်းရင်းမြစ်များ

- उत्पत्ति 15:1

इन बातों के बाद यहोवा परमेसुर कौ जौ सन्देस सपने में अब्राम के लिगां पोंचो: “हे अब्राम, नें डर; तोरी ढाल मैं आंव और तोरो प्रतिफल बेजा बड़ो हुईए।”

- नहेम्याह 9:26

परन्‍त बे तोसें दूर होकें बलवा करबेवारे बन गए और तोरी ब्‍यवस्‍था हों त्‍याग दओ, और तोरे जो आगमवक्‍ता तोरी कोद उनहों फेरबे के लाने ऊनहों चितात रए उनहों उनोंरन ने मार डालो, और तोरो बड़ो अपमान करो।

- मत्ती 16:27

कायसे मान्स कौ पूत अपने सरगदूतन के संग्गै अपने बाप की मईमा में आ है, और ओई बेरा बो हर एक मान्स हां ऊके कामन के अन्सार फल दै है।

- मत्ती 6:16

जब तुम उपास करौ, तो कपटियन घांई तुमाए मों पे उदासी नईं दिखै, कायसे बे अपनो मों बनाए रहत आंय, जीसे मान्स उन हां उपासो जानें; मैं तुम से सांची कहत आंव, कि बे अपनो फल पा चुके।

- लूका 13:34

हे यरूशलेम! हे यरूशलेम! तें जौन आगमवकतन हां मार डालत आय, और जौन तोरे ऐंगर पठैए गए उन पे पथराव करत आय; कितेक बेर मैं ने चाहो, कि जैसे मुर्गी अपने बच्चन हां अपने पंख के नेंचें इकट्ठो करत आय, ऊं सई मैं तोरे बच्चन हां जोड़ लेओं, पर तुम ने जौ न चाहो।

- लूका 6:23

ऊ दिना खुसी से कूंदिओ, कायसे तको, तुमाए लाने सरग में बड़ो प्रतिफल आय: उन के बाप-दादे आगमवकतन के संग्गै साई उंसई करत हते।

- लूका 6:35

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

- प्रेरितन के काम 16:25

आधी रात पौलुस और सीलास प्रार्थना कर रए हते और परमेसुर कौ भजन गा रए हते, और कैदी उन की सुन रए हते।

- प्रेरितन के काम 5:41

बे ई बात से खुसी होकें महापंचयात के सामूं से चले गए, कि हम ऊके नाओं के लाने अपमानित होबे के जोग तो ठैरे।

- रोमियों 5:3

बस जौई नईं, पर हम मुसीबतों में सोई घमण्ड करें, जौ जान के मुसीबत परेसानी से धीरज धरबो।

- पैली कुरिन्थियों 3:8

लगाबेवारो और ढारबेवारो दोनऊं एक आंय; परन्त हर एक जैसी मैनत कर हैं ऊंसई मजूरी पा हैं।

- दूसरी कुरिन्थियों 4:17

कायसे हमाओ छिन भरे की परेसानी हमाए काजें खास मान देत आय।

- फिलिप्पियों 1:29

परन्त परमेसुर ने तुम पै ऐसी दया करी आय, कि तुम उन की बातन पै बिसवास धरो, और उनके काजें दुख सोई सहो।

- फिलिप्पियों 2:17

तुमाए बिसवास जीमें तुम ने दुख उठाओ और मारे गए ऊके संग्गै मोहां मरने पड़ो तो मोहां आनन्द हुईये।

- कुलुस्सियों 1:24

अब जौन दुख मोहां तुमाए काजें भओ ऊ पे मोहां खुसी आय, और मैं अब उनकी कलीसिया के लाने दुख सहबे हां राजी आंव।

- कुलुस्सियों 3:24

कायसे जौन पिरभू की सेवा तुम करत आव, बे तुम हां ईको इनाम सोई दै है।

- 1 थिस्सलुनीकियों 2:15

जिन ने पिरभू यीशु मसीह हां और अगमवकतन हां मार डालो, और हम हां बिलात सताओ, परमेसुर उनसे खुस नईंयां; कायसे बे सबरन को बिरोध करत आंय।

- इब्रानियों 10:34

जौन जनें जेहल में डाले गए उन पै तुम ने दया करी, और जब मान्सन ने तुमाई चीज बस्तें ले लईं; तब तुम चिमाने रए, कायसे तुम हां पता हतो कि तुमें ईसे बढ़िया और हमेसा बनी रैबैवारी बस्तें मिल हैं।

- इब्रानियों 11:26

मूसा ने मिसर देस के धन दौलत से यीशु मसीह के नाओं से भलो बुरो कहाबो अच्छो लगो; कायसे बो आगे आबेवारे आनन्द हां तकें हतो।

- इब्रानियों 11:33

इतने बिसवास से लड़ के राज जीते; धरम के काज करे; जिन बस्तन हां कहो गओ हतो बे पाईं, नाहरन के मौ बन्द करे।

- इब्रानियों 11:6

बिसवास बिना परमेसुर खुस नईं होत, कायसे जौन परमेसुर लौ आत आय ऊहां बिसवास धरो चईये, कि परमेसुर सांचे आंय; और जौन उन हां ढूढ़त है ऊहां बे मिलत आंय।

- याकूब 1:2

मोरे भईया हरौ, जब तुम कैऊ भांत की परीक्षाओं में पड़ो, तो ईहां बड़ी खुसी की बात मानियो।

- याकूब 5:10

हे भईया हरौ, जौन आगमवकतन ने पिरभु के नाओं से बातें करी, उन हां दुख उठाबे और धीरज धरबे कौ एक नमूना समझौ।

- 1 पतरस 4:13

जैसे जैसे मसीह की पीड़ाओं में तुम संग्गी साथी होत रैत आव, खुस रओ, जीसे ऊ की मईमा के उजागर होबे की बेरा सोई खुसी से मगन हो जाओ।